சென்னை, மே 1 –

வீட்டு மனை ஒதுக்­கீடு தொடர்­பான வழக்­கின் அடிப்­ப­டை­யில் சட்­ட­வி­ரோத பணப்­ப­ரி­மாற்ற தடைச் சட்­டத்­தின் கீழ் அமைச்­சர் ஐ.பெரி­ய­சா­மிக்கு எதி­ராக அம­லாக்­கத் துறை பதிவு செய்த வழக்கை ரத்து செய்து சென்னை உயர் நீதி­மன்­றம் உத்­த­ர­விட்­டுள்­ளது.

கடந்த 2008ம் ஆண்டு தமிழ்­நாடு அர­சின் விருப்­பு­ரிமை ஒதுக்­கீட்­டில் வீட்டு மனை ஒதுக்­கீடு செய்­த­தில் முறை­கேடு நடந்­த­தாக லஞ்ச ஒழிப்­புத்­துறை அமைச்­சர் ஐ.பெரி­ய­சாமி உள்­ளிட்ட 7 பேருக்கு எதி­ராக கடந்த 2011ம் ஆண்டு வழக்­குப் பதிவு செய்­தது.

இந்த வழக்­கின் அடிப்­ப­டை­யில் ஐ.பெரி­ய­சாமி உள்­ளிட்ட 7 பேருக்கு எதி­ராக சட்­ட­வி­ரோத பணப்­ப­ரி­மாற்ற தடைச் சட்­டத்­தின் கீழ் அம­லாக்­கத் துறை 2020ம் ஆண்டு வழக்­குப்­ப­திவு செய்­தது. இந்த வழக்கை ரத்து செய்­யக்­கோரி ஐ.பெரி­ய­சாமி தரப்­பில் சென்னை உயர் நீதி­மன்­றத்­தில் மனு­தாக்­கல் செய்­யப்­பட்­டது.

இந்த மனு தலைமை நீதி­பதி எஸ்.ஏ.தர்­மா­தி­காரி, நீதி­பதி ஜி.அருள்­மு­ரு­கன் அடங்­கிய அமர்­வில் விசா­ர­ணைக்கு வந்­தது. அப்­போது, அமைச்­சர் பெரி­ய­சாமி தரப்­பில் ஆஜ­ரான வழக்­க­றி­ஞர் முத்து கணேச பாண்­டி­யன், லஞ்ச ஒழிப்­புத் துறை வழக்­கில் குற்­றம்­ சாட்­டப்­பட்­டி­ருந்த 7 பேர் மீதான வழக்­கு­க­ளை­யும் சென்னை உயர் நீதி­மன்­ற­மும், உச்ச நீதி­மன்­ற­மும் விசா­ரித்து, இந்த முறை­கேட்­டில் குற்­றச்­ச­தி­யும் நிதி இழப்போ இல்லை என தெரி­வித்து லஞ்ச ஒழிப்­புத் துறை பதிவு செய்த வழக்கை ரத்துசெய்­துள்­ளன.

இந்­த­நி­லை­யில், அம­லாக்­கத் துறை பதிவு செய்­துள்ள இந்த வழக்கு நிலைக்­கத்­தக்­க­தல்ல என்று வாதிட்­டார். இந்த வாதத்தை ஏற்­றுக்­கொண்ட தலைமை நீதி­பதி அமர்வு, அமைச்­சர் ஐ.பெரி­ய­சா­மிக்கு எதி­ராக அம­லாக்­கத்துறை பதிவு செய்த வழக்கை ரத்து செய்து உத்­த­ர­விட்­டது.