புது­டெல்லி, மே 1 –

தமிழ்­நாட்­டுக்கு காவி­ரி­யில் மே மாதத்­துக்­கான 2 புள்ளி 5 டி.எம்.சி., தண்­ணீரை திறந்து விட வேண்­டும் என்று கர்­நா­ட­கா­வுக்கு காவிரி மேலாண்மை ஆணை­யம் உத்­த­ர­விட்­டுள்­ளது.

காவிரி நதி­நீர் மேலாண்மை ஆணை­யத்­தின் 50-வது கூட்­டம், அதன் தலை­வர் எஸ்.கே.ஹல்­தர் தலை­மை­யில் நடை­பெற்­றது.

இதில், தமிழ்­நாடு, கர்­நா­டகா, கேர­ளம் மற்­றும் புதுச்­சேரி மாநி­லங்­க­ளின் நீர்­வ­ளத்­துறை அதி­கா­ரி­கள் கலந்து கொண்­ட­னர். தமிழ்­நாடு சார்­பில் நீர்­­வளத்­துறை செய­லா­ளர் ஜெய­காந்­தன் காணொலி மூலம் பங்­கேற்­றார். இக்­கூட்­டத்­தில் தமிழ்­நாடு மற்­றும் கர்­நா­டக அணை­க­ளின் நீர்­வ­ரத்து, நீர் இருப்பு மற்­றும் நீர் வெளி­யேற்­றம் பற்­றிய புள்ளி விவ­ரங்­கள் குறித்து விவா­திக்­கப்­பட்­டது.

அப்­போது, உச்­ச­நீ­தி­மன்ற தீர்ப்­பின்­படி தமிழ்­நாட்­டிற்கு மே மாதத்­திற்­கான 2 புள்ளி 5 டிஎம்சி தண்­ணீரை திறந்­து­விட கர்­நா­ட­கா­வுக்கு உத்­த­ர­விட வேண்­டும் என்று தமிழ்­நாடு அரசு சார்­பில் வலி­யு­றுத்­தப்­பட்­டது.

கோடை வெயில் தொடங்­கி­யுள்­ள­நி­லை­யில், தமிழ்­நாட்­டில் உள்ள அணை­க­ளில் 34% மட்­டுமே நீர் இருப்பு உள்­ள­தால் தண்­ணீர் திறப்பை உறுதி செய்ய வேண்­டும் என்று கேட்­டுக் கொண்­டார்.

இத­னை­யேற்ற காவிரி மேலாண்மை ஆணை­யம், தமிழ்­நாட்­டுக்கு காவி­ரி­யில் மே மாதத்­துக்­கான 2 புள்ளி 5 டி.எம்.சி., தண்­ணீரை திறந்து விட வேண்­டும் என்று கர்­நா­ட­கா­வுக்கு உத்­த­ர­விட்­டுள்­ளது.