திருவாரூர்,மே-1.
தமிழ்நாட்டின் உரிமைகளை நிலைநிறுத்தி , மண்,மொழி,மானம் காக்கவும் , நாட்டின் வளர்ச்சி, பெண்களின் முன்னேற்றம் கல்வி மற்றும் சமூக நல்லிணக்கத்தைப் பாதுகாக்கவும் திராவிட நாயகர் தளபதி அவர்களில் கரத்தை வலுப்படுத்த உறுதுணையாக நின்று, மதச்சார்பற்ற முற்போக்கு கூட்டணி வேட்பாளர்களின் வெற்றிக்காக அயராது தேர்தல் பணியாற்றிய அனைவருக்கும் திருவாரூர் மாவட்ட கழகச்செயலாளர் பூண்டி.கே.கலைவாணன், மாவட்ட தி.மு.கழகம் சார்பில் நன்றியைத் தெரிவித்துள்ளார்.
இது குறித்து அவர் தமது அறிக்கையில் கூறியிருப்ப தாவது:
தமிழ்நாட்டில் நடைபெற்று முடிந்த 2026 சட்டமன்ற பொதுத்தேர்தலில், மதச்சார்பற்ற முற்போக்கு கூட்டணியின் சார்பில், கழக தலைவர் தளபதி அவர்களால் அறிவிக்கப்பட்ட, திருவாரூர் சட்டமன்ற தொகுதியில் வெற்றி வேட்பாளராக போட்டியிட்ட எனக்கும் (பூண்டி.கே.கலைவாணன்), மன்னார்குடி சட்டமன்ற தொகுதியில் கழக வெற்றி வேட்பாளராக போட்டியிட்ட முனைவர் டி.ஆர்.பி. ராஜா அவர்களுக்கும், நன்னிலம் சட்டமன்ற தொகுதிக்கு போட்டியிட்ட எஸ்.டி.பி.ஐ. கட்சியின் வெற்றி வேட்பாளர் முகமது முபாரக் அவர்களுக்கும் , மூன்று தொகுதிகளிலும் வெற்றியின் சின்னமான உதயசூரியன் வெற்றிபெறவும், திருத்துறைப்பூண்டி சட்டமன்ற தொகுதியில் இந்திய கம்யூனிஸ்ட் சார்பில் வெற்றி வேட்பாளர் க.மாரிமுத்துஅவர்களுக்கு கதிர் அரிவாள் சின்னமும் வெற்றிபெற்று கழகத்தின் தலைமையிலான திராவிட மாடல் 2.0. ஆட்சி மீண்டும் தொடர்ந்திட, அயராது தேர்தல் பணியாற்றிய அனைவருக்கும் எனது மன மார்ந்த நன்றிகளைத் தெரிவித்துக் கொள்கிறேன்.
தேர்தல் களத்தில் தமிழ்நாட்டின் உரிமைகளை மீட்டெடுக்கவும், மண்,மொழி, மானம், காத்திடவும், நாட்டின் வளர்ச்சி, பெண்களின் முன்னேற்றம், கல்வி மற்றும் சமூக நல்லிணக்கத்தைப் பாதுகாக்கவும் திராவிட நாயகர் தளபதி அவர்களில் கரத்தை மேலும் வலுப்படுத்தவும் உறுதுணையாக நின்று, வெற்றி ஒன்றையே இலக்காகக் கொண்டு, பசி, தூக்கம் பாராமல் அயராது உழைத்த கழக நிர்வாகிகள், தொண்டர்கள் மற்றும் கூட்டணி கட்சிகளின் அனைத்துப் பொறுப்பாளர்களுக்கும், தோழர்களுக்கும், பொதுமக்களுக்கும் எனது இதயப்பூர்வ மான , நன்றியை திருவாரூர் மாவட்ட தி.மு. கழகத்தின் சார்பில் தெரிவித்துக்கொள்கிறேன்.
இவ்வாறு மாவட்ட கழகச் செயலாளர் பூண்டி.கே.கலைவாணன் தமது அறிக்கையில் தெரிவித்துள்ளார்.