சென்னை மாவட்டத்தில் வாக்கு எண்ணும் மையங்களில் மேற்கொள்ளப்படவுள்ள நடைமுறைகள் குறித்து அங்கீகரிக்கப்பட்ட அரசியல் கட்சிகளின் பிரதிநிதிகளுடனான ஆலோசனைக் கூட்டம் சென்னை மாவட்ட தேர்தல் அலுவலர்/மாநகராட்சி ஆணையாளர் ஜெ.குமரகுருபரன், அவர்கள் தலைமையில் நேற்று (30.04.2026) ரிப்பன் கட்டட அலுவலகக் கூட்டரங்கில் நடைபெற்றது. இக்கூட்டத்தில் கூடுதல் மாவட்ட தேர்தல் அலுவலர்கள் திருமதி க. கற்பகம், (இணை ஆணையாளர் (கல்வி)), எச்.ஆர்.கெளஷிக், (மத்திய வட்டார துணை ஆணையாளர்), பெருநகர சென்னை காவல் கூடுதல் ஆணையாளர் க.ச.நரேந்திரன் நாயர், கிழக்கு மண்டல காவல் இணை ஆணையாளர் பண்டி கங்காதர், மற்றும் தேர்தல் நடத்தும் அலுவலர்கள், அலுவலர்கள் பலர் கலந்து கொண்டனர்.