#Title

234 தொகுதிகளுக்கான தபால் வாக்குகள் பிரித்து மாவட்ட வாரியாக ஒப்படைப்பு!

திருச்சி, மே. 1 –

தமிழகத்தின் 234 தொகுதிகளுக்கான தபால் வாக்குகளை பிரித்து மாவட்ட வாரியாக அந்தந்தத் தொகுதி தேர்தல் நடத்தும் அலுவலர்களிடம் ஒப்படைக்கும் இரண்டாம் கட்ட பணி திருச்சி சிறப்பு மையத்தில் செவ்வாய்க்கி ழமை நடைபெற்றது.

சட்டப்பேரவைத் தேர்தலை முன்னிட்டு, தமிழகம் முழுவதும் தபால் வாக்குகள் வழங்கப்பட்டு, தேர்தல் பணியாற்றும் அலுவலர் களிடமிருந்து பெறப்பட்ட பதிவு செய்யப்பட்ட தபால் வாக்குகளை தேர்தலை உரிய சட்டப் பேரவை தொகுதிக்கு அனுப்புவதில் உள்ள சிரமங்களை கருத்தில் கொண்டு, தமிழ்நாடு முழு வதும் மாவட்ட தேர்தல் அலுவலர்களால் பெறப்பட்ட தபால் வாக்குகளைப் பிரித்து வழங்க பொதுவான சிறப்பு மையமாக திருச்சி மாவட்டம் தேர்வு செய்யப்பட்டு திருச்சி மத்திய பேருந்துநிலையம் அருகே உள்ள கலையரங்கம் மஹா லில் இதற்கான ஏற்பாடுகள் செய்யப்பட்டன.

இங்கிருந்து ஏப். 13-ஆம் தேதி அந்தந்த தொகுதிகளுக்கான தபால் வாக்குச் சீட்டுகள், உறுதிமொழிப் படிவம் அந்தந்த மாவட்டங்களுக்கு கொண்டு செல்லப்பட்டதுதொடர்ந்து இங்கு, ஏப். 20-ஆம் தேதி முதல்கட்டமாக தபால் வாக்குகளை பிரித்து வழங்கும் பணி நடை பெற்றது.

2-ஆம் கட்டம்:

இந்நிலையில், இரண்டாவது கட்டமாக 38 மாவட்டங்களுக்கான தபால் வாக்குகளை பிரித்து வழங்கும் பணி செவ்வாய்க் கிழமை (ஏப்.28) நடைபெற்றது.

இந்தப் பணியை கூடுதல் தலைமை தேர்தல் அலுவலர் அ.சிவஞானம் தொடங்கி வைத்தார். திருச்சி மாவட்ட தேர்தல் அலுவலரும், ஆட்சியருமான வே.சரவணன் முன்னிலையில் பணிகள் நடைபெற்றன.

மாநிலம் முழுவதும் உள்ள அனைத்து மாவட்டங்களையும் சேர்ந்த தொடர்புடைய மாவட்ட தேர்தல் அலுவலர்களால் நியமனம் செய்யப்பட்ட பொறுப்பு அலுவலர்கள் கலந்து கொண்டனர். பிறகு தமிழகம் முழுவதும் உள்ள 38 மாவட்டங்களுக்கான தபால் வாக்குகள், சம்பந்தப்பட்ட மாவட்டங்களில் நியமனம் செய்யப்பட்டுள்ள ஒருங்கிணைப்பு அலுவலர்களால் பிரித்து வழங்கப்பட்டது.

இந்நிகழ்வில் அனைத்து மாவட்டங்களிலிருந்தும் தபால் வாக்குகளை கவனிக்கும் தொடர்பு அலுவலர்கள், உதவியாளர்கள் மற்றும் அனைத்து அங்கீகரிக்கப்பட்ட அரசியல் கட்சி பிரமுகர்கள், வேட்பாளர்களின் முகவர்கள் கலந்துகொண் டனர்.

ஒப்படைப்பு:

38 மாவட்டங்களுக்கும் பதிவான தபால் வாக்குகள் பிரிக்கப்பட்டு, அந்தந்த மாவட்டத்தின் தபால் வாக்குகள் ஒருங்கிணைப்பு அலுவலர்களிடம் ஒப்படைக்கப் பட்டன. திருச்சியிலிருந்து தபால் வாக்குகளை பெற்றுக் கொண்டு அவரவர் மாவட்டங்களுக்குச் சென்று தேர்தல் அலுவலர்களிடம் ஒப்படைத்து அந்தந்த தொகுதி யில் சேர்த்திடும் வகை யில் நடவடிக்கை எடுக்கப்பட்டு வருகிறது.