சென்னை, மே 3–
கழகத் தலைவர், முதல்வர்மு.க.ஸ்டாலின் அவர்களை அண்ணாஅறிவாலயத்தில் 30.04.2026 அன்று அமைச்சர்கள், கழக வேட்பாளர்கள் சந்தித்துப்பேசினர்.
தமிழக சட்டப்பேரவைத் தேர்தலுக்கான வாக்குப் பதிவு ஏப். 23-ஆம் தேதி ஒரே கட்டமாக நடைபெற்றது. மொத்தம் உள்ள 234 தொகுதிகளில்4,023 வேட்பாளர்கள் போட்டியிட்டனர்.
தமிழகம் முழுவதும் 75,064 வாக்குச்சாவடிகளும், 41 வாக்கு எண்ணிக்கை மையங்களும் அமைக்கப்பட்டிருந்தன. வாக்கு எண்ணிக்கை மே 4-ஆம் தேதி நடைபெறுகிறது.
தமிழகத்தில் கடந்த பல நாள்களாகவே தேர்தல் பிரச்சாரம் சூடு பிடித்திருந்த நிலையில் உச்சகட்டத்தை அடைந்தது. தி.மு.க. தலைவரும் முதல்வருமான மு.க. ஸ்டாலின் அவர்கள், தில்லி முன்னாள் முதல்வர் அரவிந்த் கெஜரிவாலுடன் சென்னையில் சாலைப்
பேரணியில் பங்கேற்று வாக்கு சேகரித்தனர். நடந்து சென்றும் பிரச்சாரம் மேற்கொண்டனர்.
காங்கிரஸ் மூத்த தலைவரும் மக்களவை எதிர்க்கட்சித் தலைவருமான ராகுல் காந்தி தமிழகத்தில் மூன்று இடங்களில் பிரச்சாரம் மேற்கொண்ட நிலையில், தூத்துக்குடி, திருநெல்வேலி, கன்னியாகுமரி மாவட்டங்களில் தி.மு.க. தலைமையிலான மதச்சார்பற்ற முற்போக்குக் கூட்டணி வேட்பாளர்களை ஆதரித்து நடைபெற்ற பிரச்சார பொதுக்கூட்டங்களில் பங்கேற்றுப் பேசினார்.
வாக்குப் பதிவு கடந்த 23ந் தேதியன்று நடைபெற்ற நிலையில் சென்னை அண்ணா அறிவாலயத்தில் தி.மு.க. தலைவரும், முதலமைச்சருமான மு.க.ஸ்டாலின் அவர்களை கழகப் பொதுசெயலாளர் – அமைச்சர் துரை முருகன் நேரில் சந்தித்தார்.
இதனைத் தொடர்ந்து அமைச்சர்கள்எ.வ.வேலு, எம்.ஆர்.கே.பன்னீர்செல்வம், கே.ஆர்.பெரியகருப்பன், சு,முத்துசாமி, சிவ.வீ.மெய்யநாதன், சி.வி.கணேசன் மற்றும் முன்னாள் அமைச்சர் வி.செந்தில் பாலாஜி, புதுச்சேரி மாநில சட்ட மன்ற எதிர்க்கட்சி தலைவர் இரா.சிவா உள்ளிட்டோரும் முதலமைச்சரைச் சந்தித்தனர்.
இதேபோல், வேட்பாளர்கள் சபா. ராஜேந்திரன், தமிழரசி, நாமக்கல் ராணி, டி.ஜெ.கோவிந்தராஜன், காதர்பாட்சா முத்துராம லிங்கம், கே.எஸ்.மூர்த்தி, ஆஸ்டின், மகேஷ், மணிகண்டன், எஸ்.ஏ. சத்யா ஆகியோரும் முதலமைச்சரை சந்தித்தனர்.
அப்போது தி.மு.க. அமைப்புச் செயலாளர் ஆர்.எஸ்.பாரதி, செய்தி தொடர்புக்குழு தலைவர் டி.கே.எஸ் இளங்கோவன் மற்றும் தலைமை நிலையச் செயலாளர்கள் பூச்சி முருகன், துறை முகம் காஜா உள்ளிட்டோர் உடனிருந்தனர்.