கொல்கத்தா, மே. 3–
மேற்கு வங்கத்தில் வாக்கு எண்ணிக்கையின் போது ஒன்றிய அரசு மற்றும் மாநில அரசு பணியாளர்களை கலந்து நியமிக்க வேண்டும் என்று தேர்தல் ஆணையத்துக்கு உச்சநீதிமன்றம்உத்தரவிட்டுள்ளது.
மேற்குவங்க சட்டப்பேரவை இரண்டு கட்டங்களாக சட்டப்பேரவை தேர்தல் நடைபெற்று முடிவடைந்துள்ளது. இந்த தேர்தலில் பதிவான வாக்குப்பதிவு இயந்திரங்கள் அனைத்தும் வாக்கு எண்ணும் மையங்களில் பலத்த பாதுகாப்புடன் வைக்கப்பட்டுள்ளன.
இந்நிலையில், வாக்கு எண்ணிக்கை மேற்பார்வை பணிகளுக்கு ஒன்றியஅரசு ஊழியர்களை மட்டுமே தேர்தல் ஆணையம் நியமித்துள்ளதாக புகார்எழுப்பி உச்சநீதிமன்றத்தில் திரிணாமுல் காங்கிரஸ் கட்சி வழக்கு தொடர்ந்துஇருந்தது. இந்த வழக்கை அவசர வழக்காக விசாரிக்க வேண்டும் என்று திரிணாமுல் காங்கிரஸ் கோரிக்கை வைத்தது.
இதனைத் தொடர்ந்து இந்த வழக்கை விசாரிக்க சிறப்பு அமர்வு அமைக்கப்பட்டது. நீதிபதி நரசிம்மா தலைமையிலான அமர்வில் வழக்கு விசாரணைக்கு வந்தது. அப்போது, ஏற்கனவே ஒவ்வொரு மேசையிலும் ஒரு மைக்ரோ பார்வையாளரை ஒன்றிய அரசு பார்வையாளராக நிய மித்துள்ளது. இதற்கு மேலும் ஒரு மத்திய பார்வையாளர் நியமிக்கப்பட்டு வருவதாக கபில் சிபில் குற்றம் சாட்டினார். மாநில அரசு பணியாளர்களையும் மேற்பார்வையாளர்களாக நியமிக்க வேண்டும் என்று அவர் வாதிட்டார்.
இதனைத் தொடர்ந்து தேர்தல் ஆணையத்தின் சுற்றறிக்கையில் ஒன்றிய அரசு மற்றும் மாநில அரசுஊழியர்கள் நியமிக்கப்பட வேண்டும் என்ற தேர்தல் விதிமுறையை நீதிபதிகள் சுட்டிக்காட்டினர். அதன்படியே நியமனம் நடத்தப்பட்டுள்ளதாக தேர்தல் ஆணையம் தரப்பில் வாதிடப்பட்டது. இதனைத் தொடர்ந்து, மாநில அரசு ஊழியர்கள் மற்றும் ஒன்றிய அரசு ஊழியர்கள் இருவரையும் மேற்பார்வை பணிகளுக்கு கலந்து நியமிக்க வேண்டும் என்று உச்சநீதிமன்றம் தெரிவித்தது.தேர்தல் ஆணையம் தனது சொந்த சுற்றறிக்கையை முறைப்படி அமல்படுத்த வேண்டும் என்று உச்சநீதிமன்றம்உத்தரவிட்டு வழக்கை முடித்து வைத்தது.