சென்னை, மே 3–
“உழைப்பின் பெருமையை உலகுக்கு உயர்த்திய மே தின வாழ்த்துக்கள்” என்று மனித நேய மக்கள் கட்சியின் தலைவர் பேராசிரியர் எம்.எச்.ஜவாஹிருல்லா விடுத் துள்ள வாழ்த்துச் செய்தியில் கூறியுள்ளார்.
இதுகுறித்து அவர் விடுத்துள்ள அறிக்கை வருமாறு:–
உழைக்கும் கரங்களின் ஒற்றுமையை உணர்த்தி, உழைப்பின் பெருமையை உலகுக்கு உணர்த்திய நாள் தொழிலாளர் தினமாகிய மே தினத் திருநாள். தொழிலாளர் பெருமக்கள் அனைவருக்கும் எனது இதயங்கனிந்த மே தின நல்வாழ்த்து களை உள்ளன்போடு தெரிவித்துக் கொள்கிறேன்.
எல்லாச் சூழலிலும்வேற்றுமையில் ஒற்றுமையைப் பேணிசேர்ந்து வாழும் பன்மைத்துவ சமூக அமைப்பு கொண்ட இந்தியாவை மதத்தால், சாதியால் பிளவுபடுத்தும் மதவெறி பாசிச சக்திகள் ஒன்றியத்தில் அதிகாரத்தில் இருந்துஉழைக்கும் மக்களுக்குப் பாதிப்பை உண்டாக்கி வருகின்றன.
வேலை உத்தரவாதம், ஊதிய உயர்வு, வைப்புநிதி உள்ளிட்ட தொழிலாளர் பாதுகாப்பு திட்டங்கள் யாவும் ஒன்றிய பா.ஜ.க. அரசால் சீர்குலைக் கப்பட்டுவருகிறது.
உழைக்கும் தொழிலாளியின் வியர்வை உலரும்முன் அவருக்கான கூலியைவழங்கி விடுங்கள் என்பது நபிகளாரின் பொன்மொழி. உலகத் தொழிலாளர்கள் அனைவருக்குமான உரிமைகள்பாது காக்கப்பட வேண்டும்.
உழைப்பாளர் தினத்தில்நாட்டை முன்னேற்றப்பாதையில் தோள்கொடுத்துத் தூக்கி நிறுத்து கின்றஉழைப்பாளர்கள் அனைவருக்கும் மே தின வாழ்த்துக்களைத் தெரிவித்துக்கொள்கிறேன்.
இவ்வாறு எம்.எச்.ஜவாஹிருல்லா தமதுஅறிக்கையில் கூறியுள்ளார்.