சென்னை, மே 3 –
பிரத்யேக பயன்பாட்டிற்கான தமிழக அரசாணை -4.5 லிட்டர் விலக்கு – பாண்டிச்சேரி உள்ளிட்ட பிற மாநில மதுபானங்களுக்கு பொருந்தாது என மாநில தலைமை அரசு குற்ற வியல் வழக்குரைஞர் அசன் முகம்மது ஜின்னா வாதத்தை ஏற்று சென்னை உயர்நீதிமன்றம் பரபரப்பு தீர்ப்பு அளித்துள்ளது.
மீஞ்சூர்பகுதியைச் சேர்ந்த தமிழரசன் மற்றும் ராஜேஷ்குமார் ஆகியோர், சென்னை உயர்நீதிமன்றத்தில் தாக்கல்செய்த மனுவில், ஆந்திரமாநிலத்திலிருந்து 3.4 லிட்டர்மதுபா னத்தைவிற்பனைக்காக கொண்டுவந்ததாக, எளாவூர் சோதனைச் சாவடியில் கும்மிடிப்பூண்டிமது
விலக்குஅமலாக்கப் பிரிவினர் தங்கள்மீது வழக்கு பதிவு செய்துள்ளனர். தமிழ்நாடு அரசாணையின் படி 4.5 லிட்டர் வரை மதுபானத்தை தனிப்பயன்பாட்டிற்காக வைத்திருக்கலாம் என்றும், தாங்கள் கொண்டு வந்த மதுபானம் தங்களின் சொந்த பயன்பாட்டிற்காகவே என்றும் எனவே இந்த வழக்கை ரத்து செய்ய வேண்டும் என கோரினர்.
இந்த மனுவை விசாரித்த உயர்நீதிமன்றம், முன்பாக புலன் விசாரணைக்கு இடைக்காலத் தடை விதித்து உத்தரவிட்டிருந்தது.
தமிழ்நாடு அரசின் மாநில தலைமை அரசு குற்றவி யல் வழக்குரைஞர் அசன் முகம்மது ஜின்னா அவர்களின் முறையீட்டின் பேரில், இந்த வழக்கு இறுதி விசாரணைக்காக நீதிபதி நிர்மல் குமார் முன்னிலை யில் எடுத்துக்கொள்ளப்பட்டது.
அப்போது மனுதாரர் தரப்பில்ஆஜரான வழக்கறிஞர், மனுதாரர்கள் அனுமதிக்கப்பட்ட அரசாணையின் படி 3.4 லிட்டர் மட்டுமே கொண்டு வந்ததாகவும், நீதி மன்றத்தின் முன்தீர்ப்புகள் மற்றும் 4.5 லிட்டர் தனிப்பயன்பாட்டு விலக்கு அடிப்படையில் இந்த முதல் தகவல் அறிக்கையை (FIR) ரத்து செய்ய வேண்டும் என்றும் வாதிட்டார்.
வழக்கிற்குப் பொருந்தாது!
அசன் முகமது ஜின்னா வாதம்!
அரசு தரப்பில் ஆஜரான மாநில தலைமை குற்றவியல் வழக்குரைஞர் அசன் முகம்மது ஜின்னா அவர்கள், 4.5 லிட்டர் விலக்கு அரசாணை என்பது தமிழ்நாட்டில் விற்பனை செய்யப்படும் மதுபானங்க ளுக்கு மட்டுமே பொருந்தும் என்றும், புதுச்சேரி, ஆந்திரா, கர்நாடகா உள்ளிட்ட பிற மாநிலங்களில் இருந்து கொண்டு வரப்படும் மதுபானங்களுக்கு எந்த வகையிலும் பொருந்தாது என்றும் வாதிட்டார். இதற்கான விளக்கங்களை உள்துறை செயலாளர் ஏற்கனவே வழங்கியிருப்பதாகவும் குறிப்பிட்டார். மேலும், முந்தைய தீர்ப்புகள்இந்த அம்சத்தை கருத்தில் கொள்ளாமல் வழங்கப்பட்டதாகவும், அவை இவ்வழக்கிற்கு பொருந்தாது என்றும் தெரிவித்தார்.
அத்துடன், பாண்டிச்சேரியில் இருந்து தமிழ்நாட்டிற்கு 4.5 லிட்டர் வரை மதுபானம் கொண்டு வரலாம் என உயர்நீதிமன்றம் அனுமதி வழங்கியதாக சமூக ஊடகங்களில் தவறாக பரவிய தகவல்களையும் சுட்டிக்காட்டினார்.
சமூக ஊடகங்களில்
தவறான தகவல்!
இருதரப்பு வாதங்களையும் கேட்ட நீதிபதி நிர்மல் குமார் அவர்கள், 4.5 லிட்டர் தனிப்பயன்பாட்டு விலக்கு அரசாணை என்பது தமிழ்நாட்டில் சட்டபூர்வமாக விற்பனை செய்யப்படும் மதுபான ங்களுக்கு மட்டுமே பொருந்தும் எனத் தீர்ப்பளித்து, மனுவை தள்ளுபடி செய்தார்.
இதன் மூலம், பாண்டிச்சேரிஉள்ளிட்ட பிற மாநிலங்களில் இருந்து 4.5 லிட்டர் வரையிலானமதுபானங்களை கொண்டுவரலாம் என சமூக ஊடகங்களில்பரவிய தவறான தகவல்களுக்கு இந்த தீர்ப்பு முற்றுப்புள்ளி வைத்துள்ளது. மேலும், பிற மாநிலங்களிலிருந்துமதுபானங்களை கொண்டு வருவது சட்டப்படி குற்றமாகும் என்பதையும் இந்த தீர்ப்பு உறுதிப்படுத்தியுள்ளது.