தஞ்சாவூர், மே.3.
தஞ்சை வடக்கு மாவட்டத்திற்குட்பட்ட திருவிடைமருதூர், கும்பகோணம், பாபநாசம் சட்டமன்ற தொகுதிகளில் கழக வேட்பாளர்கள் மற்றும் கூட்டணி கட்சியின் வேட்பாளர் வெற்றிக்காக அரும்பாடு பட்டு வாக்கு சேகரித்த கழக நிர்வாகி களுக்கும், கூட்டணி கட்சிகளின் நிர்வாகிகளுக்கும் நன்றி தெரிவித்து மாவட்டக் கழகப் பொறுப்பாளர் சாக்கோட்டை க. அன்பழகன் எம்.எல்.ஏ அறிக்கை வெளியிட்டுள்ளார்.
அவர் வெளியிட்டுள்ள அறிக்கை வருமாறு :- நடைபெற்று முடிந்த 2026 சட்டமன்ற பொது தேர்தலில் மாண்புமிகு கழகத் தலைவர் மு.க.ஸ்டாலின் அவர்கள் தலைமையிலான மதச்சார்பற்ற முற்போக்கு கூட்டணியின் சார்பில் தஞ்சை வடக்கு மாவட்டத்திற்குட்பட்ட கும்பகோணம் சட்டமன்ற தொகுதியில் நானும் (சாக்கோட்டை க.அன்பழகன்), திருவிடைமருதூர் சட்டமன்ற தொகுதியில் உயர்கல்வித்துறை அமைச்சர் முனைவர் கோவி.செழியன் அவர்களும் உதயசூரியன் சின்னத்திலும், இந்திய யூனியன் முஸ்லிம் லீக் வேட்பாளராக ஏ.எம்.ஷாஜகான் அவர்களும் போட்டியிட்டோம்.
மதச்சார்பற்ற முற்போக்கு கூட்டணியின் வேட்பாளர்களை வெற்றிப்பெற செய்து மக்கள் போற்றும் திராவிட மாடல் ஆட்சியின் 2.0 தொடர எங்களுக்காக வாக்கு சேகரித்த கழகத் தலைவர் மு.க.ஸ்டாலின் அவர்களுக்கும், கழக இளைஞர் அணி செயலாளர் உதயநிதி ஸ்டாலின் உள்ளிட்ட கூட்டணி கட்சிகளின் தலைவர்கள் மற்றும் கொளுத்தும் வெயிலை பொருட்படுத்தாமல், இரவு பகல் பாராமல் பிரச்சாரத்தில் ஈடுப்பட்ட தஞ்சை வடக்கு மாவட்டத்தைசேர்ந்த முன்னாள் – இந்நாள் நாடாளுமன்ற சட்டமன்ற உறுப்பினர்களுக்கும், மாவட்ட, மாநில கழக நிர்வாகிகளுக்கும்,தலைமைச் செயற்குழு, பொதுக்குழு உறுப்பினர்களுக்கும், மாநகர, ஒன்றிய, பகுதி , பேரூர், வார்டு மற்றும் கிளைக் கழகச் செயலாளர்கள், நிர்வாகிகளுக்கும், அனைத்து சார்பு அணிகளின் நிர்வாகிகளுக்கும், கழக பிரதிநிகளுக்கும், முன்னாள் – இந்நாள் உள்ளாட்சி பிரதிநிதிகளுக்கும், கூட்டணி கட்களின் மாவட்ட தலைவர்கள், தொண்டர்கள், கழகத்தின் உடன்பிறப்புகள் அனைவருக்கும் என் மனப்பூர்வமான நன்றியை தெரிவித்துக் கொள்கிறேன்.
இவ்வாறு தஞ்சை வடக்கு மாவட்டக் கழகப் பொறுப்பாளர் சாக்கோட்டை க.அன்பழகன் எம்.எல்.ஏ அறிக்கை வெளியிட்டுள்ளார்.