சென்னை, மே 4–
தமிழ்நாடு உள்ளிட்ட ஐந்து மாநிலங்களில் சமீபத்தில் நடைபெற்ற சட்டமன்றத் தேர்தல்களின் வாக்கு எண்ணிக்கை இன்று காலை 8 மணிக்குத் தொடங்குகிறது.
தமிழ்நாடு சட்டப்பேரவைக்கு கடந்த மாதம் 23ஆம் தேதி ஒரே கட்டமாக தேர்தல் நடைபெற்றது. இத்தேர்தலில் பதிவான வாக்குகள் இன்று எண்ணப்படுகின்றன.
மொத்தம் 75 ஆயிரத்து 64 வாக்குச்சாவடிகளில் பதிவான வாக்குகளை எண்ணுவதற்காக 62 வாக்கு எண்ணும் மையங்கள் அமைக்கப்பட்டுள்ளன. மின்னணு வாக்குப்பதிவு இயந்திரங்களில் பதிவான வாக்குகளை எண்ணுவதற்காக தொகுதிக்கு ஒன்று வீதம், 234 வாக்கு எண்ணும் அறைகளும், தபால் வாக்குகளை எண்ணுவதற்கு கூடுதல் அறைகளும் அமைக்கப்பட்டுள்ளன.
வாக்கு எண்ணிக்கைக்காக மொத்தம் 3 ஆயிரத்து 324 மேஜைகள் அமைக்கப்பட்டுள்ள நிலையில், ஒரு மேஜைக்கு தலா ஒரு மேற்பார்வையாளர், நுண் பார்வையாளர், உதவியாளர், கணினி பதிவாளர் ஆகிய 4 பேர் என்ற அடிப்படையில், ஒட்டுமொத்தமாக 15 ஆயிரத்திற்கும் மேற்பட்ட ஊழியர்கள் வாக்கு எண்ணும் பணியில் ஈடுபடவுள்ளனர். இதுதவிர தேர்தல் ஆணையத்தின் விதிகள் முறையாக பின்பற்றப்படுவதை உறுதி செய்ய ஒரு தொகுதிக்கு ஒரு வாக்கு எண்ணும் பார்வையாளர் என்ற அடிப்படையில் 234 பேர் நியமிக்கப் பட்டுள்ளனர். காலை 8 மணிக்கு வாக்கு எண்ணும் பணி தொடங்கப்படும் நிலையில், முதலில் தபால்வாக்குகள் எண்ணப்படுகின்றன. இதனைத் தொடர்ந்து வாக்குப்பதிவு இயந்திரங்களில் பதிவான வாக்குகளை எண்ணும் பணி தொடங்கும். வாக்கு எண்ணும் மையங்களிள் மூன்றடுக்கு பாதுகாப்பு ஏற்பாடுகள் செய்யப்பட்டுள்ளன. முதல் அடுக்கில், வாக்கு எண்ணும் அறைகள் மற்றும் மின்னணு வாக்குப்பதிவு இயந்திர பாதுகாப்பு அறைகளின் முன் மத்திய பாதுகாப்பு படையினர் நிறுத்தப்பட்டுள்ளனர். இரண்டாவது அடுக்கில் தமிழ்நாடு காவல்துறையினரும், மையத்தின் 100 மீட்டர் சுற்றளவில் 3வது அடுக்கில் ஆயுதப் படையினரும் நிறுத்தப்பட்டுள் ளனர்.
தேர்தல் ஆணையம்
ஆலோசனை
இதனிடையே தமிழ்நாடு சட்டப்
பேரவைத்தேர்தல் வாக்கு எண்ணிக்கைக்கான இறுதி கட்ட ஏற்பாடுகள் குறித்து தேர்தல் ஆணையம் ஆலோசனை நடத்தியது. காணொளி மூலம் நடைபெற்ற இந்த ஆலோசனைக் கூட்டத்தில் தமிழ்நாட்டின் 234 தொகுதிகளுக்கான தேர்தல் பார்வையாளர்கள் பங்கேற்றனர். வாக்கு எண்ணிக்கை ஏற்பாடுகள், பாதுகாப்பு, தேர்தல் வாக்கு எண்ணிக்கை முடிவுகளை அறிவிப்பதற்கானநடை
முறைகள் உள்ளிட்ட பல்வேறு அம்சங்கள் குறித்து ஆலோசனை நடைபெற்றது. தமிழ்நாடு தலைமை தேர்தல் அதிகாரி அர்ச்சனா பட்நாயக் இக்கூட்டத்தில் பங்கேற்றார்.
மேற்குவங்கம், கேரளம், அசாம் மற்றும் புதுச்சேரி சட்டப்பேரவைத் தேர்தல்களில் பதிவான வாக்குகள் இன்று எண்ணப்படுகின்றன.
126 இடங்களைக் கொண்ட அசாம்சட்டப்பேரவை, 140 இடங்களைக் கொண்ட கேரள சட்டப்பேவை மற்றும் புதுச்சேரி சட்டப்பேரவையின் 30தொகுகளுக்கும் கடந்த ஏப்ரல் 9-ம் தேதி ஒரே கட்டமாக தேர்தல் நடைபெற்றது. 294 இடங்கள் கொண்ட மேற்குவங்க சட்டப்பேரவைக்கு ஏப்ரல் 23 மற்றும் 29-ம் தேதிகளில் இரண்டு
கட்டங்களாக வாக்குப் பதிவு நடைபெற்றது. இந்நிலையில், சட்டப் பேரவை தேர்தல் நடைபெற்ற தமிழ்நாடு உள்ளிட்ட இந்த 5 மாநிலங்களிலும் மிகுந்த எதிர்ப்பார்ப்புடன் இன்று வாக்கு எண்ணிக்கை நடைபெறவுள்ளது.
முதல்வர் மு.க.ஸ்டாலின் தலைமையிலான
தி.மு.க. ஆட்சி தொடரும்!
வாக்குப் பதிவுக்கு பின்பு எடுத்த கருத்துக் கணிப்பில் தி.மு.க. கூட்டணி அதிக இடங்களைப்பிடித்து மீண்டும் ஆட்சி அமைக்கும்என்று பல்வேறு கருத்துக் கணிப்பு கள் வெளிவந்தன என்பது குறிப்பிடத்தக்கது.