தமிழ்நாடு சட்டமன்ற தேர்தலுக்கான வாக்குப்பதிவு கடந்த மாதம் 23ம் தேதி நடைபெற்று முடிந்தது. இந்நிலையில் திருவள்ளூர் மாவட்டத்தில் உள்ள 10 சட்டமன்ற தொகுதிகளில் பதிவான வாக்குப்பதிவு இயந்திரங்கள் வாக்கு எண்ணும் மையங்களுக்கு அனுப்பி வைக்கப்பட்டது. வாக்குப்பதிவு இயந்திரங் கள் வைக்கப்பட்டுள்ள மையங்களில் 3 அடுக்கு போலீஸ் பாதுகாப்பும், 24 மணி நேரமும் கண்காணிக்கும் வகையில் சிசிடிவி மூலம் காட்சிகள் பதிவு செய்யப்பட்டு வருகிறது.இந்நிலையில் ஆவடி தொகுதி வாக்குப்பதிவு இயந்திரங்கள் வைக்கப் பட்டுள்ள பெருமாள்பட்டில் உள்ள ஸ்ரீராம் வித்யா மந்திர் மெட்ரிகுலேஷன் மேல்நிலைப் பள்ளியில் நேற்று ஆவடி சட்டமன்ற தொகுதி வேட்பா ளர் அமைச்சர் சா.மு.நாசர் நேரில் பார்வையிட்டு ஆய்வு மேற்கொண்டார். உடன் கே.ஜெ.ரமேஷ், சி.ஜெரால்டு, பா.நரேஷ் குமார், சண்.பிரகாஷ், ஆர்.ஜெயசீலன், தொழூவூர் சே.பிரேம் ஆனந்த், வக்கீல் பெ.வினோத் மற்றும் பலர் உள்ளனர்.