புது­டெல்லி, மே4–

வணிக சமை­யல் எரி­வாயு சிலிண்­ட­ரின் விலை ஒரே­நா­ளில் 993 ரூபாய் உயர்த்­தப்­பட்­டி­ருப்­ப­தற்கு மக்­க­ளவை எதிர்க்­கட்சி தலை­வர் ராகுல்­காந்தி கடும் கண்­ட­னம் தெரி­வித்­துள்­ளார். அடுத்து பெட்­ரோல், டீசல்விலையை உயர்த்­தப்­படும் என்­றும் அவர் எச்­ச­ரித்­துள்­ளார்.

காங்­கி­ரஸ் முன்­னாள் தலை­வர் ராகுல்­காந்தி வெளி­யிட்­டுள்ள சமூக வலைதளப்­ப­தி­வில், தேர்­தல் முடிந்த உடன் பண­வீக்­கத்­தின் வெப்­பம் தாக்­கும் என தான்கூறி­யதை சுட்­டிக்­காட்­டி­யுள்­ளார்.

மாதத்­தின் முதல்­நா­ளில் வணிக பயன்­பாட்டு சிலிண்­ட­ரின் விலை 993 ரூபாய்உயர்த்­தப்­பட்டுள்­ளது. இது­தான் ஒரே­நா­ளில் அதி­க­ள­வி­லான விலை உயர்வு என்­றும், இது பா.ஜ.க. அர­சின் தேர்­த­லுக்­கான கட்­ட­ணம் என்­றும் ராகுல் காந்தி விமர்­சித்­துள்­ளார்.

பிப்­ர­வரி மாதத்­தில்இருந்து தற்­போது வரை ஆயி­ரத்து 380 ரூபாய் வரை விலை உயர்ந்­துள்­ளது, 3 மாதத்­தில் 81 சத­வீ­தம் உயர்த்­தப்­பட்­டுள்­ளது என்­றும், இந்த விலை உயர்வு டீக்­கடை, உண­வ­கங்­கள், பேக்­கரி, இனிப்பு கடை­கள் மட்­டு­மின்றி மக்­க­ளின் அடுப்­பங்­க­ரையை­யும் அதி­க­ளவு பாதிக்­கும் என்று ராகுல்­காந்தி கூறி­யுள்­ளார்.

தேர்­தல் முடிந்த கையு­டன் முத­லா­வ­தாக சமை­யல் எரி­வாயு விலையை உயர்த்­தி­யுள்ள பா.ஜ.க.அரசு, அடுத்து பெட்­ரோல், டீசல் விலையை உயர்த்­தும் என்று ராகுல்­காந்தி மீண்­டும் எச்­ச­ரித்­துள்­ளார்.