சென்னை, மே 4–

வணிக சிலிண்டர் விலை உயர்வு குறித்து முதல்வர்மு.க.ஸ்டாலின் அவர்கள் விடுத்துள்ள சமூக வலைதளப் பதிவில் “மக்களின் துயரை எண்ணிப் பார்த்து தீர்வு காணுங்கள்” என்று ஒன்றிய அரசை வலியுறுத்தியுள்ளார்.

ஐந்து மாநில சட்டப்பேரவைத் தேர்தல் முடிவடைந்த நிலையில், வணிகப் பயன்பாட்டிற்கான எரிவாயு சிலிண்டர் விலையை ஏறத்தாழ ஆயிரம் ரூபாய் அளவுக்கு எண்ணெய் நிறுவனங்கள் நேற்று முன்தினம் உயர்த்தின.

தேர்தல் பரப்புரையின் போது பெட்ரோலியப் பொருட்களின் விலைஉயர்த்தப்படாது என மக்களிடம் பொய்களை கூறி வாக்கு சேகரித்த பிரதமர் மோடி, தற்போது தேர்தல் முடிந்த உடன் விலையை உயர்த்தி மக்களின் முதுகில் குத்தி துரோகம் செய்துள்ளதாகஎதிர்க்கட்சி கள் விமர்சித்துள்ளன.

இந்நிலையில்,வணிகப் பயன்பாட்டு சிலிண்டர் விலையை தொடர்ந்து, பெட்ரோல், டீசல் மற்றும் வீட்டு உபயோக சமையல் எரிவாயு சிலிண்டர் விலையை உயர்த்த எண்ணெய் நிறுவனங்கள் ஒன்றிய அரசிடம் அனுமதி கோரியுள்ளதாக தகவல்கள் வெளியாகி உள்ளன. விரைவில் பெட்ரோல் மற்றும் டீசல் விலை லிட்டருக்கு 5 முதல்10 ரூபாய் வரையும், வீட்டு சமையல் சிலிண்டர் 50 ரூபாயும் உயர்த்தப்படாலாம் என்று கூறப்படுகிறது.

உலகச் சந்தையில் கச்சா எண்ணெய் விலை குறைந்தபோது, அதன் பலனை மக்களுக்கு அளிக்காத எண்ணெய் நிறுவ னங்கள் தற்போது மேற்காசிய போரை காரணம் காட்டி பெட்ரோலியப் பொருட்களின் விலையை உயர்த்துவதை தவிர்க்க வேண்டும் என அனைத்துத் தரப்பினரும் வலியுறுத்தியுள்ளனர். ஒன்றிய பா.ஜ.க. அரசின் மோசமான நிர்வாகத்தினால் ஏற்பட்ட பாதிப்பை, மக்கள் மீது திணிப்பதா என்றும் கண்டனம் தெரிவித்துள்ளனர்.

இதுகுறித்து முதல்வர் மு.க.ஸ்டாலின் அவர்கள் தமது சமூக வலைதளத்தில் பதிவிட்டிருப்பதாவது:–

தேர்தலுக்கு முன்பே கணித்ததுபோல், தேர்தல் முடிந்தவுடன் #LPGPrice-ஐ உயர்த்தி யிருக்கிறது ஒன்றிய பா.ஜ.க. அரசு.

உலகச் சந்தையில் கச்சா எண்ணெய் விலைகுறைந்தபோது, அதன் பலனை மக்களுக்கு அளிக்கவில்லை. இப்போது #WestAsiaWarஎன்ற நெருக்கடியை வைத்து, மக்களின் நலனைஎண்ணாமல், விலையை ஏற்றுவது சரியல்ல.

இந்த #LPGPriceHike ஏற்படுத்தும் தாக்கங்களை உணர்ந்து, இந்த விலை உயர்வைஉடனடியாகத் திரும்பப் பெறவேண்டும். மக்களின்வாழ்வாதாரத்தைக் காக்க வேண்டும்.

இவ்வாறு முதல்வர் மு.க.ஸ்டாலின் அவர்கள் தமது சமூக வலைதளத்தில் பதிவிட்டுள்ளார்.