புது­டெல்லி, மே 5–

ஹோர்­முஸ் நீரி ணையை இந்­திய எரி­வாயு கப்­பல் கடந்­துள்­ளது.

‘எம்.டி. சர்­வ­சக்தி’ என்­னும் அந்த சரக்­குக் கப்­பல் வரும் 13- ஆம் தேதி விசா­கப்­பட்­டி­னம் துறை­மு­கம் வந்­த­டை­யும் என தக­வல் வெளி­யா­கி­யுள்­ளது.

இது­கு­றித்து மத்­திய அரசு தரப்­பில் தெரி­விக்­கப்­பட்­டி­ருப்­ப­தா­வது:–

எம்.டி.சர்வ சக்தி என்ற சரக்­குக் கப்­பல், 46,313 மில்­லி­யன்­டன் எல்­பிஜி எரி­வாயு ஏற்­றிக் கொண்டு ஹோர்­முஸ் நீரி­ணையை சனிக்­கி­ழமை கடந்­தது. அந்­தக் கப்­ப­லில் 18 இந்­திய மாலு­மி­கள் உள்­பட மொத்­தம் 20 மாலு­மி­கள் உள்­ள­னர்.

அந்த கப்­பல் வரும் 13-ஆம் `தேதி ஆந்­திர மாநி­லம் விசா­கப்­ பட்­டி­னத்தை வந்து சேரும் என எதிர்­பார்க்­கப்­ப­டு­கி­றது. ஞாயிற்­றுக்­கி­ழமை மாலை நில­வ­ரப்­படி அந்த கப்­பல், ஓமன் வளை­கு­டா­வில் நின்று கொண்­டி­ருந்­தது. இக் கப்­ப­லில் உள்ள எரி­வாயு மூலம் நாட்­டில் அரை­நாள் எரி­வாயு தேவையை பூர்த்தி செய்ய முடி­யும்.

ஈரான், அமெ­ரிக்கா, இஸ்­ரேல் இடை­யே­யான போர் தொடங்­கிய பிறகு, ஹோர்­முஸ் நீரி­ணை­யைக் கடந்து வந்த முதல் இந்­திய எரி­வாயு கப்­பல் ‘சர்வ சக்தி’ ஆகும். இந்த கப்­பல் தவிர, ஹோர்­முஸ் நீரி­ணையை கடக்க முடி­யா­மல் கடற்­ப­கு­தி­யில் இந்­தி­யா­வுக்குச் சொந்­த­ மான 14 சரக்­குக் கப்­பல்­கள் நங்­கூ­ர­மிட்டு நின்று கொண்­டி­ருக்­கின்­றன என்று மத்­திய அரசு குறிப்­பிட்­டுள்­ளது.

அமெ­ரிக்கா, இஸ்­ரே­லு­ட­னான போரின் கார­ண­மாக, கச்சா எண் ணெய், எரி­வாயு கப்­பல்­கள் அதி­கம் செல்­லும் ஹோர்­முஸ் நீரி­ணையை ஈரான் மூடி­விட்­டது.

இதற்கு பதி­ல­டி­யாக, ஈரான் துறை­மு­கங்­களை அமெ­ரிக்க கடற்­படை கப்­பல்­கள் கடந்த சில நாள்­க­ளாக முற்­று­கை­ யிட்­டுள்­ளன.

இத­னால் ஹோர்­முஸ் நீரிணை வழியே கச்சா எண்­ணெய் மற்­றும் எரி­வாயு கப்­பல்­கள் செல்­வது பாதிக்­கப்­பட்­டுள்­ளது. இதில் இந்திய கப்­பல்­க­ளும் அடங்­கும் என்­பது குறிப்­பி­டத் ­தக்­கது.