சென்னை, மே 5–
தமிழ்நாடு உள்ளிட்ட ஐந்து
மாநிலங்களில் சமீபத்தில் நடைபெற்ற சட்டமன்றத் தேர்தல்களின் வாக்கு எண்ணிக்கை நேற்று காலை 8
மணிக்குத் தொடங்கியது. தமிழ்நாட்டில் பெரும்பாலான இடங்களில் தி.மு.க. முன்னிலை பெற்றுள்ளது.
தமிழ்நாடு சட்டப்பேரவைக்கு கடந்த மாதம் 23ஆம் தேதி ஒரே கட்டமாக தேர்தல் நடைபெற்றது. இத்தேர்தலில் பதிவான வாக்குகள் நேற்று எண்ணப்பட்டன.
மொத்தம் 75 ஆயிரத்து 64 வாக்குச்சாவடிகளில் பதிவான வாக்குகளை எண்ணுவதற்காக 62 வாக்கு எண்ணும் மையங்கள் அமைக்கப்பட்டிருந்தன. மின்னணு வாக்குப்பதிவு இயந்திரங்களில் பதிவானவாக்குகளை எண்ணுவதற்காக தொகுதிக்கு ஒன்று வீதம், 234 வாக்கு எண்ணும் அறைகளும், தபால் வாக்குகளை எண்ணுவதற்கு கூடுதல் அறைகளும் அமைக்கப்பட்டிருந்தன.
வாக்கு எண்ணிக்கைக்காக மொத்தம் 3 ஆயிரத்து 324 மேஜைகள் அமைக்கப்பட்டிருந்த நிலையில், ஒரு மேஜைக்கு தலா ஒரு மேற்பார்வை
யாளர், நுண் பார்வையாளர், உதவியாளர், கணினி பதிவாளர் ஆகிய 4 பேர் என்ற அடிப்படையில், ஒட்டுமொத்தமாக 15 ஆயிரத்திற்கும் மேற்பட்ட ஊழியர்கள் வாக்கு எண்ணும் பணியில் ஈடுபட்டனர்.
இதுதவிர தேர்தல் ஆணையத்தின் விதிகள் முறையாக பின்பற்றப்படு வதை உறுதி செய்ய ஒரு தொகுதிக்கு ஒரு வாக்கு எண்ணும் பார்வையாளர் என்ற அடிப்படையில் 234 பேர்
நியமிக்கப்பட்டனர்.
காலை 8 மணிக்கு வாக்கு எண்ணும் பணி தொடங்கப்படும் நிலையில், முதலில் தபால் வாக்குகள் எண்ணப்பட்டன. இதனைத் தொடர்ந்து வாக்குப்பதிவு இயந்திரங்களில் பதிவான வாக்குகளை எண்ணும் பணி தொடங்கியது.
வாக்கு எண்ணும் மையங்களிள் மூன்றடுக்கு பாதுகாப்பு ஏற்பாடுகள் செய்யப்பட்டிருந்தன. முதல் அடுக்கில், வாக்கு எண்ணும் அறைகள் மற்றும் மின்னணு வாக்குப்பதிவு இயந்திர
பாதுகாப்பு அறைகளின் முன் மத்திய பாதுகாப்பு படையினர் நிறுத்தப்பட் டிருந்தனர். இரண்டாவது அடுக்கில் தமிழ்நாடு காவல்துறையினரும், மையத்தின் 100 மீட்டர் சுற்றளவில் 3வது அடுக்கில் ஆயுதப் படையினரும் நிறுத்தப்பட்டிருந்தனர்.
தேர்தல் ஆணையம்
ஆலோசனை
இதனிடையே தமிழ்நாடு சட்டப்
பேரவைத் தேர்தல் வாக்கு எண்ணிக்கைக்கான இறுதி கட்ட ஏற்பாடுகள் குறித்து தேர்தல் ஆணையம் ஆலோசனை
நடத்தியது. காணொளி மூலம் நடைபெற்ற இந்த ஆலோசனைக் கூட்டத்தில் தமிழ்நாட்டின் 234 தொகுதிகளுக்கான தேர்தல் பார்வையாளர்கள் பங்கேற்றனர். வாக்கு எண்ணிக்கை ஏற்பாடுகள், பாதுகாப்பு, தேர்தல் வாக்கு எண்ணிக்கை முடிவுகளை அறிவிப்பதற்கான நடை
முறைகள் உள்ளிட்ட பல்வேறு அம்சங்கள் குறித்து ஆலோசனைநடைபெற்றது. தமிழ்நாடு தலைமை தேர்தல் அதிகாரி அர்ச்சனா பட்நாயக் இக்கூட்டத்தில்
பங்கேற்றார்.
இந்நிலையில் சட்டப்பேரவை தேர்தலில் பதிவான வாக்குகளை எண்ணும் பணி தொடர்ந்து நடைபெற்று வருகிறது. இதில், திமுக தலைமையிலான மதச்சார்பற்ற முற்போக்குக் கூட்டணி கட்சிகள் பல தொகுதிகளில் முன்னிலையில் உள்ளன. மேலூர் தொகுதியில் காங்கிரஸ் வேட்பாளர் விஸ்வநாதன் வெற்றி பெற்றதாக அதிகாரபூர்வமாக அறிவிக்கப்பட்டுள்ளது. மயிலாடுதுறை வேட்பாளர் ஜமால் முகமது, விளவங்கோடு பிரவீன், கடலூர் வேட்பாளர்
சந்திரசேகரன், திருவாடானை
கருமாணிக்கம் மற்றும் குளச்சல் தாரகை கத்பட் ஆகிய காங்கிரஸ் வேட்பாளர்கள் முன்னிலையில் உள்ளனர்.
தேசிய முற்போக்கு திராவிடர் கழகம் விருதுநகர் தொகுதியில் விஜய பிரபாகரன், விடுதலைச் சிறுத்தைகள் கட்சியின் வேட்பாளர் காட்டு மன்னார் கோவில்ஜோதிமணி, பண்ரூட்டி வேட்பாளர் அப்துல் ரகுமான் ஆகியோர் முன்னிலையில் உள்ளனர்.
இதேபோன்று, இந்திய கம்யூனிஸ்ட் கட்சியின் திருத்துறைபூண்டி மாரிமுத்து, ஸ்ரீவில்லிபுத்தூர் மகாலிங்கம் ஆகியோர் இரண்டு தொகுதிகளிலும், மார்க்சிஸ்ட் கம்யூனிஸ்ட் பத்மநாபபுரம் தொகுதி வேட்பாளர் செல்லசாமியும் முன்னிலையில் உள்ளன. நாகப்பட்டினத்தில் மனிதநேய மக்கள் கட்சியின்
ஜவாஹிருல்லாவும் முன்னிலையில் உள்ளனர்.
துணை முதல்வர் –
அமைச்சர்கள் முன்னிலை!
துணை முதல்வர் உதயநிதி ஸ்டாலின், அமைச்சர்கள் ஐ.பெரியசாமி, எம்.ஆர்.கே.பன்னீர்செல்வம், தங்கம் தென்னரசு, கே.ஆர்.பெரிய கருப்பன், ஆர்.எஸ்.இராஜகண் ணப்பன், அர.சக்கரபாணி, எஸ்.எஸ்.சிவசங்கர், பி.கே.சேகர்பாபு, முன்னாள் அமைச்சர் செந்தில் பாலாஜி
உள்ளிட்ட கழக முன்னணியினர்
முன்னிலையில் உள்ளனர்.
அமைச்சர் கே.என்.நேரு வெற்றி!
திருச்சி மேற்கில் அமைச்சர் கே.என்.நேரு, திண்டுக்கல்லில் ஐ.பி.செந்தில்குமார், பாளையங்கோட்டையில் அப்துல் வகாப், கூடலூரில் திராவிட மணி, அரவக்குறிச்சியில் இளங்கோ ஆகியோர் வெற்றி பெற்றுள்ளனர்.