கீவ், மே 5 –

ரஷ்­யா­வின் 2 எண்­ணெய் கப்­பல்­களை உக்­ரைன் ராணு­வம் தாக்கி அழித்­தது என்று அதி­பர் விளா­டி­மிர் ஜெலன்ஸ்கி தெரி வித்­துள்­ளார்.

அமெ­ரிக்கா தலை­மை­யி­லான நேட்டோ அமைப்­பில் சேர உக்­ரைன் விரும்­பி­யது. இதற்கு ரஷ்யா எதிர்ப்­புத் தெரி­வித்­தது. இதை ஏற்க மறுத்த உக்­ரைன் மீது ரஷ்யா கடந்த 2022-ம் ஆண்டுபிப்­ர­வரி மாதம் போர் தொடங்­கி­யது. கடந்த 4 ஆண்­டு­க­ளாகஇரு நாடு­க­ளும் ஒன்­றின் மீது ஒன்று தாக்­கு­தல் நடத்திவரு­கின்­றன.

இந்­நி­லை­யில், டெலி­கி­ராம் சமூகவலை­த­ளத்­தில் உக்­ரைன் அதி­பர் ஜெலன்ஸ்கி வெளி­யிட்ட பதி­வில் நேற்று கூறி­யி­ருப்­ப­ தா­வது:

ரஷ்­யா­வின் எரி­பொ­ருள் நெட்­வொர்க்கை சிதைக்க உக்­ரைன் தொடர்ந்து கவ­னம் செலுத்தி வரு­கி­றது. அந்த வகை­யில் ரஷ்­யா­வின் நிழ­லாக செயல்­பட்டு வந்த 2 எண்­ணெய் கப்­பல்­களை ட்ரோன்­கள் மூலம் தாக்கி அழித்­தோம்.

அந்­தக் கப்­பல்­கள்­தான்ரஷ்ய கச்சா எண்­ணெய்யைகொண்டுசென்று வந்­தன. இப்­போது அந்த கப்­பல்­கள் இல்லை. அந்த 2 கப்­பல்­க­ளை­யும்ரஷ்­யா­வின் நோவோ­ரா­சி­யிக் துறை­மு­கத்­தின் நுழைவு வாயில் பகு­தி­யில் தாக்கி அழிக்­கப்­பட்­டது. தரை, வான், கடல் வழி­யாக தொலை­தூர இலக்கை தாக்­கும் உக்­ரை­னின் ராணுவ நட­வ­டிக்கை தொட­ரும்.

இவ்­வாறு அவர் கூறி­யுள்­ளார்.

உயி­ரி­ழப்புஎது­வும் இல்லை!

முன்­ன­தாக ரஷ்ய பாது­காப்­புத் துறை அமைச்­ச­கம் வெளி­யிட்ட தக­வ­லில், “ரஷ்ய தலை­ந­கர் மாஸ்கோ மற்­றும் லெனின்­கி­ரேன் உட்­பட 15 பகு­தி­க­ளில் தாக்­கு­தல் நடத்த அனுப்­பியஉக்­ரை­னின் 334 ட்ரோன்­களை இடை­ம­றித்து அழித்­தோம். இதில் உயி­ரி­ழப்பு எது­வும் ரஷ்ய தரப்­பில் இல்லை” என்று கூறி­யி­ருந்­தார்.