#Title

திருவண்ணாமலை மாவட்ட தி.மு.க. சார்பில் மாணவர்கள் கல்லூரிகளில் சேர்ந்திட உதவி மையம்! பொதுப்பணித்துறை அமைச்சர் எ.வ.வேலு தொடங்கி வைத்தார்!

திருவண்ணாமலை, மே 5–

திருவண்ணாமலை மாவட்ட தி.மு.க. சார்பில், மேல்நிலைக் கல்வி முடித்த மாணவர்களுக்கு கல்லூரிகளில் சேர்ந்திட உதவி மையம்தொடங்கப்பட்டுள்ளது.நிகழ்ச்சியில் கலந்து கொண்டு,பொதுப்பணித்துறை அமைச்சர் எ.வ.வேலு இணைதள சேவையை தொடங்கி வைத்தார்.

சென்னை, அண்ணா அறிவாலயலத்தில் மேல்நிலைக் கல்வியில் தேர்ச்சி பெற்ற மாணவ, மாணவியர்களுக்கு கல்லூரிகளில் முதலாமாண்டு சேர்ந்திடும் உதவி மையம் தொடங்கப்பட்டது. இதனைத் தொடர்ந்து திருவண்ணா மலை மாவட்ட திமுக சார்பில், மேல்நிலைக் கல்வியில் தேர்ச்சிப் பெற்ற மாணவ, மாணவியர்கள் பொறியியல் கல்லூரியில் சேர்ந்திட, அண்ணா பல்கலைக் கழகத்தில் மாணவர் சேர்க்கை மாணவர் சேர்க்கை இணையதளத்தில் விண்ணப்ப பதிவு மற்றும் கலை, அறிவியல் கல்லூரிகள், பொறியியல் பட்டையப் படிப்புகள், பார்மசி கல்லூரிகளில் சேர்ந்திட உதவி மையம் தொடங்கப்பட்டுள்ளது.

03.05.2026 ஞாயிற்றுக்கிழமை மாலை 6.00 மணிக்கு,திருவண்ணாமலை, திருக்கோவிலூர் சாலை, சாரோனில் உள்ள மாவட்ட தி.மு.க. அலுவலகத்தில், மாணவர்கள் கல்லூரிகளில் சேர்ந்திட உதவி மையம் தொடங்கும் நிகழ்ச்சி நடைபெற்றது.

நிகழ்ச்சிக்கு தொகுதி தேர்தல் பொறுப்பாளர் எ.வ.குமரன் தலைமை வகித்தார்.

தலைமைச் செயற்குழு உறுப்பினர் இரா.ஸ்ரீதரன், மாவட்டப் பொருளாளர் எஸ்.பன்னீர்செல்வம், மாவட்ட துணைச் செயலாளர் பிரியா விஜயரங்கன், மாணவர் அணி அமைப்பாளர் காலேஜ் கு.ரவி, தகவல் தொழில்நுட்ப அணி அமைப்பாளர் கு.கணேஷ் ஆகியோர் முன்னிலை வகித்தனர்.

மாநகர செயலாளர் ப.கார்த்திவேல்மாறன் அனைவரையும் வரவேற்றுப் பேசினார்.

நிகழ்ச்சியில் கலந்து கொண்டு, பொதுப்பணித்துறை அமைச்சர் எ.வ.வேலு அவர்கள் பொறியியல் கல்லூரிகளில் சேர்ந்திட இணையதள சேவையை தொடங்கி வைத்து, மாணவர்களிடையே உரையாற்றினார்.

பின்னர், உயர்க் கல்வி வேலைவாய்ப்பு வழிக்காட்டி, வேலைவாய்ப்பு மற்றும் பயிற்சித் துறை, 12வகுப்பிற்கு பிறகான மேற்படிப்புகள்மற்றும் வேலைவாய்ப்புகள் குறித்த கையேடுகளை பொதுப்பணித்துறை அமைச்சர் எ.வ.வேலு மாணவர்களுக்கு வழங்கினார்.

நிகழ்ச்சியில் மாநில தொ.மு.ச., செயலாளர் க.சௌந்தரராசன், அமைப்புசாரா பிரச்சார செயலாளர் ஏ.ஏ.ஆறுமுகம், மாவட்டஅமைப்பாளர்டி.வி.எம்.நேரு, சி.பி.பாலமுரளிகிருஷ்ணா, இரா.கார்த்திகேயன், பகுதி செயலாளர்கள் பா.ஷெரீப், அ.கோவிந்தன்,வழக்கறிஞர் அ.அருள்குமரன்,இரா.சீனுவாசன், எம்.ஆர்.கலைமணி, துரை.வெங்கட், நகர துணைஅமைப்பாளர்கள் சச்சின் சபரி, சாம்.ரகுநாத், கல்லூரி மாணவர் தலைவர் பரணி, இரா.சரவணன், பா.தீபன் உட்பட மாணவர்கள் கலந்து கொண்டனர்.