மும்பை, மே 5 –
ஏ.ஐ. மற்றும் கிளவுட் தொழில்நுட்ப வளர்ச்சியால் இந்தியாவில் குடிநீர் தட்டுப்பாடு ஏற்படுமா? என்ற சந்தேகத்துக்கு மத்திய அரசுவிளக்கம் அளித்துள்ளது.
நீர் பாதுகாப்புக்கு அச்சுறுத்தல் இந்தியாவில் அதிவேகமாக வளர்ந்து வரும் செயற்கை நுண்ணறிவு(ஏ.ஐ.) மற்றும் கிளவுட் கம்ப்யூட்டிங் துறை க ளால் ஆண்டுக்கு சுமார் 3 ஆயிரத்து 750 கோடி லிட்டர் தண்ணீர் செலவிடப்பட வாய்ப்புள்ளதாக சுற்றுச்சூழல் ஆர்வலர்கள் கவலை தெரிவித்துள்ளனர்.
இது குறித்து ‘நாட்கனெக்ட்’ அறக் கட்டளையின் இயக்குனர் பி.என்.குமார், கடந்த மாதம் பிரதமர் அலுவலகத்திற்கு ஒரு கடிதம் எழுதினார்.
அதில் அவர் கூறி யிருப்பதாவது:- –
மத்திய பொது சுகாதாரம் மற்றும் சுற்றுச்சூழல் பொறியியல் அமைப்பின் கணக்கீட் டின்படி, ஒரு நபருக்கு ஒரு நாளைக்கு 135 லிட்டர் தண்ணீர் தேவைப்படுகிறது. அந்த அடிப்படையில் பார்த்தால், ஏ.ஐ. மற்றும் டேட்டா சென்டர்களுக்கு தேவைப்படும் தண்ணீர், சுமார் 7 முதல் 8 லட்சம் மக்களின் ஓராண்டு தேவைக்கு சமமானது. அல்லது மும்பை போன்ற ஒரு பெருநகரத்திற்கு ஒரு வாரத்திற்குத் தேவையான தண்ணீரை இந்த தொழில் நிறுவ னங்கள் மட்டும் பயன்படுத் தக்கூடும். இது இந்தியாவின் நீர் பாதுகாப்புக்குஅச்சுறுத்தலாக அமையும்.
இவ்வாறு அந்த கடிதத்தில் அவர் குறிப்பிட்டி ருந்தார்.
ஒன்றிய அரசு பதில் இந்த கடிதத்திற்கு பதில் அளித்து மத்திய ஜல் சக்தி அமைச்சகத்தின் துணைச் செயலாளர் ஷம்பு நாத்குப்தா கூறியிருப்பதாவது:–
இந்தியாவின் டேட்டா சென்டர் திறன் கடந்த 2020-ம் ஆண்டில் 375 மெகாவாட் டாக இருந்தது.இது தற்போது 2025-ம் ஆண்டு 1,500 மெகா வாட்டிற்கும் மேலாக அதிகரித்துள்ளது. இந்த தொழில் வளர்ச்சியை போலவே, தண்ணீரை சேமிப்பதற்கான நடவடிக்கைகளும் எடுக்கப்பட்டு வருகின்றன.
தற்போது டேட்டா சென்டர்களில் குளிர் விப்பு பணிகளுக்காக நேரடியாக சிப் மூலம் குளிர்விக்கும் முறை மற்றும் இம்மர்ஷன் சிஸ்டம்ஸ் போன்ற நவீன தொழில்நுட்பங்கள்பயன்படுத்தப்படுகின்றன.இவை தண்ணீர் மற்றும் மின்சார தேவையை குறைக்கின்றன.
மேலும், மழைநீர் சேகரிப்பு, கழிவுநீர் மறுசுழற்சி மற்றும் டிஜிட்டல் முறையில் நிலத்தடி நீரை தொடர்ந்து கண்காணித்தல் போன்ற பல்வேறு நடவடிக்கைகள் மூலம் நீர் ஆதாரங்களை பாதுகாக்க அரசு முன்னுரிமை அளித்து - வருகிறது.
இவ்வாறு ஒன்றிய அரசு தெரிவித்துள்ளது.