#Title

துணை முதல்வர் உதயநிதி ஸ்டாலின் – அமைச்சர்கள் வெற்றி!

சென்னை, மே 6–

தமிழ்நாடு உள்ளிட்ட ஐந்து மாநிலங்களில் சமீபத்தில் நடைபெற்ற சட்டமன்றத் தேர்தல்களின் வாக்கு எண்ணிக்கை நேற்று முன்தினம் காலை 8 மணிக்குத் தொடங்கியது. தமிழ்நாட்டில் 73 இடங்களில் தி.மு.க. கூட்டணி வெற்றி பெற்றுள்ளது. இதில் தி.மு.க. மட்டும் 59 தொகுதிகளை கைப்பற்றியுள்ளது. துணை முதல்வர் உதயநிதி ஸ்டாலின் மற்றும் பல அமைச்சர்கள் வெற்றி பெற்றுள்ளனர்.

தமிழ்நாடு சட்டப்பேரவைக்கு கடந்த மாதம் 23–ஆம் தேதி ஒரே கட்டமாக தேர்தல் நடைபெற்றது. இத்தேர்தலில் பதிவான வாக்குகள் நேற்று எண்ணப்பட்டன.

மொத்தம் 75 ஆயிரத்து 64 வாக்குச்சாவடிகளில் பதிவான வாக்குகளை எண்ணுவதற்காக 62 வாக்கு எண்ணும் மையங்கள் அமைக்கப்பட்டிருந்தன. மின்னணு வாக்குப்பதிவு இயந்திரங்களில் பதிவான வாக்குகளை எண்ணுவதற்காக தொகுதிக்கு ஒன்று வீதம், 234 வாக்கு எண்ணும் அறைகளும், தபால் வாக்குகளை எண்ணுவதற்கு கூடுதல் அறைகளும் அமைக்கப்பட்டிருந்தன.

வாக்கு எண்ணிக்கைக்காக மொத்தம் 3 ஆயிரத்து 324 மேஜைகள் அமைக்கப்பட்டிருந்த நிலையில், ஒரு மேஜைக்கு தலா ஒரு மேற்பார்வையாளர், நுண் பார்வையாளர், உதவியாளர், கணினி பதிவாளர் ஆகிய 4 பேர் என்ற அடிப்படையில், ஒட்டுமொத்தமாக 15 ஆயிரத்திற்கும் மேற்பட்ட ஊழியர்கள் வாக்கு எண்ணும் பணியில் ஈடுபட்டனர்.

இதுதவிர தேர்தல் ஆணையத்தின் விதிகள் முறையாக பின்பற்றப்படு வதை உறுதி செய்ய ஒரு தொகுதிக்கு ஒரு வாக்கு எண்ணும் பார்வையாளர் என்ற அடிப்படையில் 234 பேர் நியமிக்கப் பட்டனர்.

காலை 8 மணிக்கு வாக்கு எண்ணும் பணி தொடங்கப்படும் நிலையில், முதலில் தபால் வாக்குகள் எண்ணப்பட்டன. இதனைத் தொடர்ந்து வாக்குப்பதிவு இயந்திரங்களில் பதிவான வாக்குகளை எண்ணும் பணி தொடங்கியது.

வாக்கு எண்ணும் மையங்களிள் மூன்றடுக்கு பாதுகாப்பு ஏற்பாடுகள் செய்யப்பட்டிருந்தன. முதல் அடுக்கில், வாக்கு எண்ணும் அறைகள் மற்றும் மின்னணு வாக்குப்பதிவு இயந்திர பாதுகாப்பு அறைகளின் முன் மத்திய பாதுகாப்பு படையினர் நிறுத்தப்பட் டிருந்தனர். இரண்டாவது அடுக்கில் தமிழ்நாடு காவல்துறையினரும், மையத்தின் 100 மீட்டர் சுற்றளவில் 3வது அடுக்கில் ஆயுதப் படையினரும் நிறுத்தப்பட்டிருந்தனர்.

இதனிடையே தமிழ்நாடு சட்டப்பேரவைத் தேர்தல் வாக்கு எண்ணிக்கைக்கான இறுதி கட்ட ஏற்பாடுகள் குறித்து தேர்தல் ஆணையம் ஆலோசனை நடத்தியது. காணொளி மூலம் நடைபெற்ற இந்த ஆலோசனைக் கூட்டத்தில் தமிழ்நாட்டின் 234 தொகுதிகளுக்கான தேர்தல் பார்வையாளர்கள் பங்கேற்றனர். வாக்கு எண்ணிக்கை ஏற்பாடுகள், பாதுகாப்பு, தேர்தல் வாக்கு எண்ணிக்கை முடிவுகளை அறிவிப்பதற்கான நடைமுறைகள் உள்ளிட்ட பல்வேறு அம்சங்கள் குறித்து ஆலோசனை நடைபெற்றது. தமிழ்நாடு தலைமை தேர்தல் அதிகாரி அர்ச்சனா பட்நாயக் இக்கூட்டத்தில் பங்கேற்றார்.

இந்நிலையில் சட்டப்பேரவை தேர்தலில் பதிவான வாக்குகளை எண்ணும் பணி தொடர்ந்து நடைபெற்றது. இதில், தி.மு.க. தலைமையிலான மதச்சார்பற்ற முற்போக்குக் கூட்டணி கட்சிகள் 75 தொகுதிகளில் முன்னிலையில் உள்ளன. மேலூர் தொகுதியில் காங்கிரஸ் வேட்பாளர் விஸ்வநாதன் வெற்றி பெற்றதாக அதிகாரபூர்வமாக அறிவிக்கப்பட்டுள்ளது. மயிலாடுதுறை வேட்பாளர் ஜமால் முகமது, விளவங்கோடு பிரவீன், மற்றும் குளச்சல் தாரகை கத்பட் ஆகிய காங்கிரஸ் வேட்பாளர்கள் முன்னிலையில் தொடர்ந்து இருந்து வந்தனர்.

தேசிய முற்போக்கு திராவிடர் கழகம் விருத்தாசலத்தில் பிரேமலதா விஜயகாந்த் வெற்றி பெற்றுள்ளார்.

நாகப்பட்டினத்தில் மனிதநேய மக்கள் கட்சியின் ஜவாஹிருல்லாவும் வெற்றி பெற்றுள்ளார்.

துணை முதல்வர்

உதயநிதி ஸ்டாலின் வெற்றி!

துணை முதல்வர் உதயநிதி ஸ்டாலின் சேப்பாக்கம் – திருவல்லிக்கேணி தொகுதியில் வெற்றி பெற்றார்.

அமைச்சர்கள் கே.என்.நேரு, ஐ.பெரியசாமி,எம்.ஆர்.கே.பன்னீர்செல்வம், கே.கே.எஸ்.எஸ்.ஆர்.இராமச்சந்திரன், தங்கம் தென்னரசு, எஸ்.ரகுபதி, அனிதா ராதாகிருஷ்ணன், ஆர்.எஸ்.இராஜகண்ணப்பன், அர.சக்கரபாணி, எஸ்.எஸ்.சிவசங்கர், பி.கே.சேகர்பாபு, கோவி. செழியன், சி.வெ. கணேசன், சிவ.வீ.மெய்யநாதன் உள்ளிட்ட அமைச்சர்கள், முன்னாள் அமைச்சர்கள் செந்தில் பாலாஜி, ஓ.பன்னீர்செல்வம், எஸ்.வைத்திய லிங்கம் ஆகியோர் வெற்றி பெற்றுள்ளனர்.

மேலும் நாகர்கோவில் – எஸ்.ஆஸ்டின், பாளையங்கோட்டை – மு.அப்துல் வஹாப், ஆலங்குளம் – முனைவர் பால் மனோஜ் பாண்டியன், தென்காசி – டாக்டர் கலை கதிரவன், வாசுதேவநல்லூர் – ஈ.ராஜா, கோவில்பட்டி – கா.கருணாநிதி, திருச்செந்தூர் – அனிதா ராதாகிருஷ்ணன், விளாத்திகுளம் – ஜி.வி.மார்கண்டேயன், முதுகுளத்தூர் – ஆர்.எஸ்.ராஜகண்ணப்பன், இராமநாதபுரம் – காதர் பாட்சா (எ) முத்துராமலிங்கம், பரமக்குடி (தனி) –கே.கே.கதிரவன், திருச்சுழி – தங்கம் தென்னரசு, அருப்புக்கோட்டை – கே.கே.எஸ்.எஸ்.ஆர். ராமச்சந்திரன், சாத்தூர் – அ.கடற்கரை ராஜ், போடிநாயக்கனூர் – ஓ.பன்னீர்செல்வம், ஆண்டிப்பட்டி – ஆ.மகராஜன்,

திருமங்கலம் – சேடப்பட்டி மு.மணிமாறன், ஆலங்குடி – சிவ. வீ.மெய்யநாதன், திருமயம் – எஸ்.ரகுபதி, புதுக்கோட்டை – டாக்டர் வை.முத்து ராஜா, பேராவூரணி நா.அசோக்குமார், பட்டுக்கோட்டை – கா.அண்ணாதுரை, ஒரத்தநாடு – ஆர்.வைத்திலிங்கம், திருவையாறு – துரை. சந்திரசேகரன், திருவிடைமருதூர் – முனைவர் கோவி. செழியன், திருவாரூர் – பூண்டி கே.கலைவாணன், பூம்புகார் – நிவேதா முருகன், குறிஞ்சிப்பாடி – எம்.ஆர்.கே.பன்னீர்செல்வம், திட்டக்குடி (தனி) சி.வி.கணேசன், குன்னம் – சா.சி.சிவசங்கர், மண்ணச்சநல்லூர் – சீ.கதிரவன், திருச்சி மேற்கு – கே.என்.நேரு, அரவக்குறிச்சி – மொஞ்சனூர் ஆர்.இளங்கோ, வேடசந்தூர் – டி.சாமிநாதன், திண்டுக்கல் – ஐ.பி.செந்தில்குமார், ஆத்தூர் – இ.பெரியசாமி, ஒட்டன்சத்திரம் – அர.சக்கரபாணி, மடத்துக்குளம் – இரா.ஜெயராமகிருஷ்ணன், உடுமலைப்பேட்டை – மு.ஜெயகுமார், வால்பாறை (தனி) – ஆ.சுதாகர், கோயமுத்தூர் தெற்கு – வீ.செந்தில் பாலாஜி, குன்னூர் – கே.எம்.ராஜூ, கூடலூர் (தனி) – மு.திராவிட மணி, சங்கராபுரம் – தா.உதயசூரியன், ரிஷிவந்தியம் – வசந்தம் கார்த்திகேயன், உளுந்தூர்பேட்டை – ஜி.ஆர்.வசந்தவேல், விழுப்புரம் – டாக்டர் இரா.லட்சுமணன், வானூர் (தனி) கெளதம் திராவிடமணி, வந்தவாசி (தனி) எஸ்.அம்பேத்குமார், திருவண்ணாமலை – எ.வ.வேலு, வேப்பனஹள்ளி – பி.எஸ்.சீனிவாசன், ஆம்பூர் – அ.செ.வில்வநாதன், சேப்பாக்கம் – திருவல்லிக்கேணி – உதயநிதி ஸ்டாலின், துறை முகம் – பி.கே.சேகர்பாபு உள்ளிட்டோர் வெற்றி பெற்றுள்ளனர்.

73 இடங்களை கைப்பற்றிய

தி.மு.க. கூட்டணி!

குறிப்பாக தமிழ்நாட்டில் 23–ஆம் தேதி நடைபெற்ற சட்டமன்றத் தேர்தலில் தி.மு.க. தலைமையிலான மதச்சார்பற்ற முற்போக்கு கூட்டணி 73 இடங்களில் வெற்றி பெற்று இரண்டாம் நிலையைப் பெற்றுள்ளது. இதில் தி.மு.க. கழகம் தனிபட்ட முறையில் 59 இடங்களையும் காங்கிரஸ் – 5, தே.மு.தி.க. 1–, விடுதலைச் சிறுத்தைகள் கட்சி – 2, சி.பி.எம். –2, சி.பி.ஐ. –2, முஸ்லீம் லீக் –2, தொகுதிகளையும் பெற்றுள்ளன. இந்த தேர்தலில் அ.தி.மு.க. கூட்டணி மூன்றாவது இடமாக 53 இடங்களையும் பிடித்துள்ளது. த.வெ.க. 108 இடங்களையும் பிடித்து ஆட்சி அமைக்க அறுதிப் பெரும்பான்மை கிடைக்கவில்லை என்பது குறிப்பிடத்தக்கது.

ஆக்கப்பூர்வமான

எதிர்க்கட்சி தி.மு.க.

தி.மு.கழகம் மட்டும் தனிப்பட்ட முறையில் 59 தொகுதிகளுக்கும் மேல் வெற்றி பெற்று ஆக்கப்பூர்வமான எதிர்க்கட்சி நிலையை பெற்றுள்ளது.