புதுடெல்லி, மே 6–
அமலாக்கத் துறைக்கு நோட்டீஸ் அனுப்பும் உத்தரவை செயல்படுத்தாத உச்சநீதிமன்ற பதிவாளர் அலுவலகத்திற்கு தலைமை நீதிபதி கண்டனம் தெரிவித்துள்ளார்.
ராஜஸ்தான் மாநிலத்தில் 37 ஆயிரம் கோடி ரூபாய்வழக்கு ஒன்றில் அமலாக்கத்துறையை வழக்கில் இணைத்து கடந்த மார்ச் மாதம் உச்சநீதிமன்றம் உத்தரவிட்டது.அமலாக்கத்துறை பதிலளிக்க அன்று உச்சநீதிமன்றம் உத்தரவிட்டது.
இந்நிலையில், இந்த வழக்கு நேற்று மீண்டும் விசாரணைக்கு வந்தபோது, அமலாக்கத்துறைக்கு இதுவரை நோட்டீஸ் அனுப்பவில்லை என்பதை மனுதாரர் வழக்கறிஞர்சுட்டிக் காட்டினார். அப்போது, உச்சநீதிமன்ற தலைமை நீதிபதி அமர்வு உச்சநீதிமன்ற பதிவாளர்அலுவலகத்தை கடுமையாக கண்டித்தது. கடந்த முறை நோட்டீஸ் அனுப்ப தெளிவான உத்தரவு பிறப்பித்ததை நீதிபதிகள் சுட்டிக்காட்டி னர். பதிவாளர் அலுவலகத்தின் செயல்பாடு மிகவும் மோசமானது என்றும் ஒவ்வொருவரும் தங்களை உச்ச நீதிமன்ற சூப்பர் தலைமை நீதிபதிகளாக நினைத்துக் கொண்டு செயல்படுகிறார்கள் என்று தலைமை நீதிபதி கடும் கண்டனம் தெரிவித்தார்.
பின்னர் இந்த விவகாரத்தில் உண்மை கண்டறியும் குழுவை அமைத்து விசாரணை நடத்த வேண்டும் என்று தலைமை பதிவாளருக்கு தலைமை நீதிபதி அமர்வு உத்தர விட்டது. பதிவாளர் அலுவலகத்தை இதற்கு முன்னரும் தலைமை நீதிபதி உள்பட சில நீதிபதிகள் கண்டித்துள்ளனர் என்பது குறிப்பிடத் தக்கது.