சென்னை, மே 7 –
பெரியார் வழியில் சமூகநீதியை நிலைநிறுத்திவருபவர் தி.மு.க. தலைவர் மு.க.ஸ்டாலின்அவர்கள் என்று அகில இந்திய
ஓ.பி.சி. மாணவர் கூட்டமைப்பு பாராட்டு தெரிவித்துள்ளது.
அகில இந்திய ஓ.பி.சி. மாணவர் கூட்டமைப்பு வெளியிட்டுள்ள சமூக வலைத்தளப் பதிவில் கூறப்பட்டிருப்பதாவது:–
தமிழ்நாட்டில் இதர பிற்படுத்தப்பட்ட மாணவ, மாணவிகளுக்கு மு.க. ஸ்டாலின் அவர்கள் நிறைவேற்றிய திட்டங்கள் ஏராளம் என்றுபாராட்டு தெரிவிக்கப்பட்டுள்ளது.
இதர பிற்படுத்தப்பட்ட மாணவ, மாணவிகளின்உரிமைகளை பாதுகாத்தவர்மு.க.ஸ்டாலின்அவர்கள் என்றும், யு.ஜி.சி. கொண்டுவந்த சமூக சமத்துவ விதிமுறைகளுக்காக தேசிய அளவில் குரல் எழுப்பிய முதல் தலைவர் என்றும் தெரிவிக்கப்பட்டுள்ளது.
தமிழ்நாட்டில் அனை வரையும் உள்ளடக்கிய வளர்ச்சியை முன்னெடுத் துச் சென்றவர் என்றும், மு.க.ஸ்டாலின் அவர்கள் தலைமையிலான ஆட்சி, கல்வி, சுகாதாரம் மற்றும் சமூகப் பாதுகாப்பு ஆகியவற்றில்கவனம் செலுத்தியது என்றும் அகில இந்திய ஓ.பி.சி. மாணவர் கூட்டமைப்பு தெரிவித்துள்ளது.
மு.க.ஸ்டாலின் அவர்கள்தலைமையிலான ஆட்சியின்நலத்திட்டங்கள், ஒட்டுமொத்த மனித மேம்பாட்டுக் குறியீடுகளை மேம்படுத்தியது.
69% இட ஒதுக்கீட்டுக் கொள்கையைத் தொடர்ந்து நிலைநிறுத்திப் பாதுகாத்து, இதரபிற்படுத்தப்பட்ட வகுப்பினர், பட்டியல் சாதியினர் மற்றும் பழங்குடியினருக்கு பரந்த சமூக நீதியையும், பிரதிநிதித்துவத்தையும் உறுதி செய்துள்ளார்.
இட ஒதுக்கீட்டுக் கட்டமைப்புகளை நீர்த்துப் போகச் செய்யக்கூடிய ஒன்றிய அரசின் கொள்கைகளை எதிர்த்தும், கல்வி மற்றும் சமூக நீதிக் கொள்கைகளில் மாநில சுயாட்சியை வலுப்படுத்தவும் நடவடிக்கை எடுத்துள்ளார்.
பெரியார் போன்ற தலைவர்களின் சமூக நீதி மரபுக்கு மு.க.ஸ்டாலின் அவர்கள் அளிக்கும் முக்கியத்துவம், தமிழ்நாட்டில் கொள்கை திசையைத் தொடர்ந்து வடிவமைத்து, சமத்துவம் மற்றும் பிரதிநிதித்துவம் குறித்த உரையாடலைத் தீவிரமாக வைத்திருக்கிறது என்று அகில இந்தியஓ.பி.சி. மாணவர் கூட்டமைப்பு பாராட்டு தெரிவித்துள்ளது.