நெல்லை.மே.7.
நெல்லை மத்திய மாவட்ட பொறுப்பாளரும், பாளையங்கோட்டை சட்டமன்ற தொகுதியில் வெற்றி பெற்ற கழக வேட்பாளருமான மு. அப்துல் வஹாப் எம்.எல்.ஏ. வாக்காளர்களுக்கு நன்றி தெரிவித்து அறிக்கை வெளியிட்டுள்ளார்.
அதில் அவர் தெரிவித்திருப்ப தாவது.
பாளையங்கோட்டை சட்டமன்ற தொகுதியில், இரண்டாவது முறை போட்டியிட வாய்ப்பு வழங்கிய எங்கள் நெஞ்சில் நிறைந்த கழகத் தலைவர் அவர்களுக்கும்,
மதச்சார்பற்ற முற்போக்கு கூட்டணியின் வேட்பாளராக களத்தில் நின்ற போது,என்னுடன் உணர்வோடு பயணித்து,தொடர்ந்து பிரச்சாரம் செய்த மதச்சார்பற்ற முற்போக்கு கூட்டணியின் அனைத்து கட்சி நிர்வாகி களுக்கும்,தொண்டர் களுக்கும்,எல்லா வகையிலும் உறுதுணையாக நின்ற கழக உடன்பிறப்புகளுக்கும்,ஆதரவு கேட்டு சென்ற நேரத்தில்,திராவிட மாடல் அரசின் திறன்மிகு முதல்வர் தளபதி அவர்களின்,சமூக நீதி, ஒருங்கிணைந்த வளர்ச்சி,
தொலைநோக்கு சிந்தனை,மகளிர் ஈடேற்றம்,மாணவ,மாணவியரின் முன்னேற்றம் ஆகியவைகளை அடிப்படையாகக் கொண்ட நலத்திட்டங்களுக்கு அங்கீகாரமாக மலர்ந்த முகத்துடன் வரவேற்று அளவற்ற பாசத்தை பொழிந்து வாக்களித்து வெற்றி பெறச் செய்த அனைத்து நல் உள்ளங்களுக்கும் எனது நெஞ்சார்ந்த நன்றியை தெரிவித்துக் கொள்கிறேன்.
இவ்வாறு அவர் தெரிவித்துள்ளார்.