#Title

தென்காசி மாவட்டத்தில் 5 சட்டமன்றத் தொகுதிகளில் 4 சட்டமன்றத் தொகுதிகளை தி.மு.க. தலைமையிலான மதச்சார்பற்ற முற்போக்குக் கூட்டணி கைப்பற்றியது! தென்காசி தொகுதி கழக வேட்பாளர் கலை கதிரவன் 10,299 வாக்கு வித்தியாசத்தில் வெற்றி!

தென்காசி, மே 7 –

தென்காசி மாவட்டத்தில் உள்ள 5 சட்டமன்றத் தொகுதிகளில் தி.மு.க. தலைமையிலான மதச்சார்பற்ற முற்போக்குக் கூட்டணி4 இடங்களை கைப்பற்றியது. அதாவது தென்காசி மாவட்டத்தில் தென்காசி, ஆலங்குளம், வாசுதேவநல்லூர், கடையநல்லூர், சங்கரன்கோவில் ஆகிய 5 சட்டமன்றத் தொகுதிகள் உள்ளன. இதில் தென்காசி, ஆலங்குளம் வாசுதேவநல்லூர் ஆகிய சட்டமன்றத் தொகுதியில் தி.மு.க.வும்,கடையநல்லூர் தொகுதியில்ம.தி.மு.க.வும், சங்கரன்கோவில் தொகுதியில் காங்கிரசும் போட்டியிட்டது. தென்காசி தொகுதி கழக வேட்பாளர் மருத்துவர் கலை கதிரவன் 10,299 வாக்குகள் வித்தியாசத்தில் வெற்றி பெற்றார்.

இதில் தென்காசி சட்ட மன்றத் தொகுதி தி.மு.க. வேட்பாளர் மருத்துவர் கலை கதிரவனும், ஆலங்குளம் சட்டமன்றத் தொகுதியில் தி.மு.க.வேட்பாளர் பி.ஹெச்.பி.மனோஜ் பாண்டியனும், வாசுதேவநல்லூர் சட்டமன்றத் தொகுதியில் தென்காசி வடக்கு மாவட்டச் செயலாளரும், கழக வேட்பாளருமான ஈ.ராஜா எம்.எல்.ஏ.வும் வெற்றி பெற்றனர்.

கடையநல்லூர் சட்டமன்றத் தொகுதியில் மதச்சார்பற்ற முற்போக்குக் கூட்டணி ம.தி.மு.க.வேட்பாளர் தி.மு.ராஜேந்திரன் உதயசூரியன் சின்னத்தில் நின்று வெற்றி பெற்றார். சங்கரன் கோவில் சட்டமன்றத் தொகுதி காங்கிரஸ் கட்சி வேட்பாளர் சங்கை கணேசன் தோல்வி அடைந்தார். இதில் தென்காசி, ஆலங்குளம், வாசுதேவநல்லூர், கடையநல்லூர் ஆகிய தொகுதிகளில் த.வெ.க. 3 வது இடமும், சங்கரன்கோவில் சட்டமன்றத் தொகுதியில் 2 வது இடமும் பெற்றுள்ளது. தென்காசி மாவட் டத்தில் உள்ள 5 சட்டமன்றத் தொகுதிகளில் ஒரு தொகுதியில் கூட த.வெ.க வெற்றி பெறவில்லை என்பது குறிப்பிடத்தக்கதாகும்.

தென்காசி மாவட்டத்தில்மதச்சார்பற்ற முற்போக்குக் கூட்டணியின் வெற்றி பெற்ற வேட்பாளர்கள் வாக்கு விவரம் வருமாறு:–

தென்காசி சட்டமன்றத் தொகுதி தி.மு.க. வேட்பாளர் கலை கதிரவன் வெற்றி பெற்றார். அவர் பெற்ற வாக்கு 79,699,

2 வது அ.தி.மு.க. வேட்பாளர் செல்வ மோகன்தாஸ் பாண்டியன் 69,400 வாக்கு களும்,3 வது த.வெ.க.வேட்பாளர் ராஜபிரகாஷ் 55,543 வாக்குகளும் பெற்றார்.இதில் தி.மு.க. வேட்பாளர் டாக்டர். கலை கதிரவன் 10,299 வாக்குகள் வித்தியாசத்தில் வெற்றி பெற்றார்.

ஆலங்குளம் சட்டமன்றத் தொகுதி தி.மு.க. வேட்பாளர் பி.எச்.பி.மனோஜ் பாண்டியன் வெற்றி பெற்றார். அவர் பெற்ற வாக்கு 69,170, 2 வது அ.தி.மு.க. வேட்பாளர் கே.ஆர்.பி.பிரபாகரன் 61,372 வாக்குகளும், 3 வது த.வெ.க. வேட்பாளர் விபின் சக்கரவர்த்தி 60,684 வாக்குகள் பெற்றார்.இதில் தி.மு.க.வேட்பாளர் மனோஜ் பாண்டியன் 7,798 வாக்குகள் வித்தியாசத்தில் வெற்றி பெற்றார்.

வாசுதேவநல்லூர் சட்டமன்றத்தொகுதியில் தென்காசி வடக்கு மாவட்டச் செயலாளரும் தி.மு.க. வேட்பாளருமான ஈ.ராஜா எம்.எல்.ஏ. வெற்றி பெற்றார். அவர் பெற்ற வாக்கு 63,045, 2 வது பா.ஜ.க.

வேட்பாளர் ஆனந்தன் அய்யாசாமி 56,462, வாக்குகளும்,3 வது த.வெ.க. வேட்பாளர் அமுதா ராணி 45,862 வாக்கும் பெற்றார்.

இதில் தி.மு.க. வேட்பாளர் ஈ.ராஜா 6,583 வாக்கு வித்தியாசத்தில் வெற்றி பெற்றார். தற்போது வாசுதேவநல்லூர் தொகுதியில் வெற்றி பெற்றுள்ள ஈ.ராஜா கடந்த 2021 ஆம் ஆண்டு தேர்தலில் சங்கரன்கோவில் தொகுதியில் (தி.மு.க.) போட்டியிட்டு வெற்றி பெற்றவர் ஆவார்.

கடையநல்லூர் சட்டமன்றத் தொகுதி மதச்சார்பற்ற முற்போக்கு கூட்டணிம.தி.மு.க. வேட்பாளர் தி.மு.ராஜேந்திரன் உதயசூரியன் சின்னத்தில் நின்று வெற்றி பெற்றார். அவர் பெற்ற வாக்கு 79,832, 2 வது அ.தி.மு.க.வேட்பாளர் கிருஷ்ண முரளி 73,579 வாக்குகளும்,

3 வது த.வெ.க. வேட்பாளர் ஜலீல் 49,254 வாக்கு களும் பெற்றார். இதில் ம.தி.மு.க. வேட்பாளர் தி.மு.ராஜேந்திரன் 6,253 வாக்குகள் வித்தியாசத்தில் வெற்றி பெற்றார்.

சங்கரன்கோவில் தொகுதியில் காங்கிரஸ் கட்சி தோல்வியை தழுவியது.

நடைபெற்ற சட்டமன்றத்தேர்தலில் வெற்றி பெற்ற மதச்சார்பற்ற முற்போக்குக்கூட்டணிக் கட்சியின் வேட்பாளர்களை கழக நிர்வாகி கள், தொண்டர்கள், கூட்டணிக் கட்சி நிர்வாகிகள் சந்தித்து வாழ்த்துத் தெரிவித்தனர்.

தஞ்சாவூர் மாவட்டம் கும்பகோணம் சட்டமன்றத் தொகுதியில் மதச்சார்பற்ற முற்போக்குக் கூட்டணியின் சார்பில் உதய சூரியன் சின்னத்தில் போட்டியிட்ட சாக்கோட்டை க.அன்பழகன் வாக்காளப் பெருமக்களுக்கும், கழக நிர்வாகிகளுக்கும், தோழமைக் கட்சிகளின் நிர்வாகிகள் மற்றும் தொண்டர்களுக்கும் நன்றி தெரிவித்தார். இந்நிகழ்வின் போது மாநகர செயலாளர் சு.ப.தமிழழகன், தலைமைச்செயற்குழு உறுப்பினர் குட்டி இரா.தட்சிணாமூர்த்தி, ஒன்றிய செயலாளர்கள் உள்ளூர் டி.கணேசன், ஜெ.சுதாகர் மற்றும் கூட்டணிக் கட்சிகளின் மாவட்ட தலைவர்கள், செயலாளர்கள் உடன் இருந்தனர்.