#Title

இரா.கிரிராஜன் எம்.பி. பரிந்துரையையேற்று கொளத்தூரைச் சேர்ந்த 2 நபர்களுக்கு ரூ. 3.50 லட்சம் நிதி! பிரதமர் நிவாரண நிதியிலிருந்து வழங்கல்!

புதுடெல்லி,மே 8–

நாடாளுமன்ற உறுப்பினர் இரா. கிரிராஜன் பரிந்துரையையேற்று பிரதமர் நிவாரண நிதியிலிருந்து கொளத்தூரைச் சார்ந்த இரண்டு நபர்களுக்கு ரூ. 3.50 லட்சம் மருத்துவ உதவிக்கு வழங்க உத்திரவிடப்பட்டுள்ளது.

சென்னை கொளத்தூரைச்சேர்ந்த இரண்டு நபர்களின் சிகிச்சைக்காக பிரதமர் தேசிய நிவாரண நிதியி லிருந்து ரூ. 3.50 லட்சம் வழங்கப்பட்டுள்ளதாக பிரதமர் அலுவலகம் அறிவித்துள்ளது.

நாடாளுமன்ற மேலவை உறுப்பினர், தி.மு.க சட்ட திட்ட திருத்தக்குழு செயலாளருமான இரா. கிரிராஜன் விடுத்த பரிந்துரையை ஏற்று பிரதமர் அலுவலகம் இந்த நடவடிக்கையை எடுத்துள்ளது.

சென்னை கொளத்தூரைச் சேர்ந்த வெங்கப்பன் அவர்களின் புற்றுநோய் சிகிச்சைக்காக ரூ. 3 லட்சமும், சிறுவன் ஆனந்த் அவர்களின் இருதய நோய் சிகிச்சைக்காக ரூ. 50 ஆயிரமும் பிரதமர் நிவாரண நிதியிலிருந்து வழங்க உத்தரவிடப்பட்டுள்ளது.

இது தொடர்பான கடிதங்களை மருத்துவமனைக்கும் நாடாளுமன்ற உறுப்பினர் இரா.கிரிராஜன் அவர்களுக்கும் பிரதமர்அலுவலகம் அனுப்பியுள்ளது.

சிகிச்சைக்கான மொத்த தொகையானரூ. 3.50 லட்சம், நோயாளிகள் சிகிச்சை பெறும் மருத்துவமனைக்கு நேரடியாக வழங்கப்படும் என்றும், சிகிச்சை முடிந்த பின்னர் உரிய ஆவணங்களின் நகலை பிரதமர் அலுவலகத்திற்கு அனுப்பி வைக்க வேண்டும் என்றும் பிரதமர் அலுவலகக் கடிதத்தில் தெரிவிக்கப்பட்டுள்ளது.