தருமபுரி மாவட்டம், - பாலக்கோடு சட்டமன்றத் தொகுதி, காரிமங்கலம் ஒன்றியத்திற்கு உட்பட்ட ஜக்கசமுத்திரம், ஜிட்டாண்டஅள்ளி, பிக்கனஅள்ளி, கேத்தனஅள்ளி உள்ளிட்ட ஊராட்சி பகுதிகளில் நடந்து முடிந்த சட்டமன்றத் தேர்தலில் மதச்சார்பற்ற முற்போக்குக் கூட்டணி சார்பில் போட்டியிட்ட தி.மு.க. வேட்பாளர் டாக்டர் டி.என்.வி.எஸ்.செந்தில்குமார், உதயசூரியன் சின்னத்திற்கு வாக்களித்த கழக உடன்பிறப்புகள் மற்றும் பொதுமக்களை நேரில் சந்தித்து நன்றி தெரிவித்தார். இந்நிகழ்ச்சியில் தொகுதி பார்வையாளர் டி.அரியப்பன், காரிமங்கலம் மேற்கு ஒன்றியச் செயலாளர் எம்.வி.டி.கோபால், மாவட்ட இளைஞரணி துணை அமைப்பாளர் பி.என்.சி.மகேஷ்குமார், பொதுக்குழு உறுப்பினர் குட்டி உள்ளிட்ட கழக நிர்வாகிகள் மற்றும் கழகத் தோழர்கள் உடனிருந்தனர்.