சென்னை, மே 9 –

தமிழ்­நாட்­டில் +2 பொதுத்­தேர்­வில் 95 புள்ளி 20 சத­வீ­தம் பேர் தேர்ச்­சி­ய­டைந்­துள்­ள­னர். மாண­வர்­களை காட்­டி­லும்மாண­வி­கள் அதிக அள­வில்தேர்ச்சி பெற்­றுள்­ள­னர்.

கடந்த மார்ச் மாதம் நடை­பெற்ற ப்ளஸ் டூ பொதுத் தேர்­வினை, தமிழ்­நாடு முழு­வ­தும் 4 லட்­சத்து 18 ஆயி­ரத்து 724 மாண­வி­யர்­க­ளும், 3 லட்­சத்து 72 ஆயி­ரத்து 930 மாண­வர்­க­ளும் என மொத்­த­மாக 7 லட்­சத்து 91 ஆயி­ரத்து 654 பேர் எழுதி இருந்­த­னர். இந்த நிலை­யில் ப்ளஸ் டூபொதுத்­தேர்வு முடி­வு­களைபள்­ளிக்­கல்­வித்­துறை நேற்று வெளி­யிட்­டது.

மாண­வி­களே அதி­கம்

தேர்ச்சி!

அதில், தேர்வு எழு­தி­ய­வர்­க­ளில் 7 லட்­சத்து 53 ஆயி­ரத்து 694 பேர் தேர்ச்சி பெற்­றுள்­ள­தாக தெரி­விக்­கப்­பட்­டுள்­ளது.

கடந்த ஆண்டு தேர்ச்சி விகி­தம் 95 புள்ளி பூஜ்­ஜி­யம் மூன்­றாக இருந்த நிலை­யில், நடப்­பாண்டு தேர்ச்சி விகி­தம் பூஜ்­ஜி­யம் புள்ளி ஒன்று ஏழு சத­வீ­தம் அதி­க­ரித்து 95 புள்ளி இரண்டு பூஜ்­ஜி­ய­மாக உள்­ளது. வழக்­கம்­போல், இந்த ஆண்­டும் மாண­வர்­களை விட மாண­வி­களே அதி­கம் தேர்ச்சி பெற்­றுள்­ள­னர். மாண­வி­யர் 4 லட்­சத்து 6 ஆயி­ரத்து 167 பேர் தேர்ச்சி பெற்ற நிலை­யில், 3 லட்­சத்து 47 ஆயி­ரத்து 527 மாண­வர்­களே தேர்ச்சி பெற்­றுள்­ள­னர். மாண­வர்­களை விட 3.8 சத­வீதமாண­வி­யர் அதி­கம் தேர்ச்சிபெற்­றுள்­ள­னர்.

மே 13 முதல்

தற்­கா­லிக மதிப்­பெண் சான்­றி­தழ்!

தற்­கா­லிக மதிப்­பெண் சான்­றி­தழை மாணவ, மாண­வி­கள் வரும் 13ம் தேதி முதல் பெற்­றுக் கொள்­ள­லாம் என பள்ளி கல்­வித்­துறை தெரி­வித்­துள்­ளது. மேலும் விடைத்­தாள் நகல்­க­ளைப் பெற வரும் 12ம் தேதி முதல் 16ம் தேதி வரைவிண்­ணப்­பிக்­க­லாம் என­வும்தெரி­விக்­கப்­பட்­டுள்­ளது.

ப்ளஸ் டூ துணைத் தேர்வு வரும் ஜூன் 29ம் தேதி முதல் ஜூலை 7ம் தேதி வரை நடை­பெ­றும் என்­றும், 11ம் வகுப்­பிற்­கான துணைத் தேர்வு ஜூலை 8ம் தேதி முதல் 16ம் தேதி வரை நடை­பெ­றும் என்­றும் குறிப்­பிட்­டுள்ள பள்­ளிக்­கல்­வித்­துறை, துணைத் தேர்­வினை எழுத விரும்­பு­வோர் வரும் 18ம் தேதி முதல் ஜுன் 2ம் தேதி வரை விண்­ணப்­பிக்க­ லாம் என தெரி­வித்­துள்­ளது.

மேலும், மறு­கூட்­ட­லுக்கு ஜூன் 5ம் தேதி முதல் 8ம் தேதி வரை மாணவ, மாண­வி­கள் விண்­ணப்­பிக்க ­லாம் என தெரி­விக்­கப்­பட்­டுள்­ளது.

ஈரோடு மாவட்­டம்

முத­லி­டம்!

பிளஸ் 2 பொதுத்­தேர்­வில் அதிக தேர்ச்­சிப் பெற்ற அர­சுப் பள்­ளி­க­ளில், ஈரோடு மாவட்­டம் தமிழ்­நாட்­டில் முத­லி­டம் பிடித்­துள்­ளது.

+ 2 பொதுத்­தேர்­வில் அதிக தேர்ச்­சிப் பெற்ற அர­சுப் பள்­ளி­க­ளில் ஈரோடு, சிவ­கங்கை, திருச்சி, தென்­காசி, கன்­னி­யா­கு­மரி ஆகிய மாவட்­டங்­கள் மாநில அள­வில் முதல் ஐந்து இடங்­களை பிடித்­துள்­ளன. பிளஸ் 2 பொதுத்­தேர்­வில் அர­சுப் பள்­ளி­க­ளின் தேர்ச்சி விகி­தத்­தில் 98.24 சத­வீ­தத்­து­டன் ஈரோடு மாவட்­டம் தமிழ்­நாட்­டில் முத­லி­டத்தை பிடித்­துள்­ளது.

சிவ­கங்கை மாவட்­டம் 96.97 சத­வீத தேர்ச்­சி­யு­டன் இரண்­டா­மி­டத்­தை­யும், திருச்சி மாவட்­டம் 96.55 சத­வீத தேர்ச்­சி­யு­டன் மூன்­றா­மி­டத்­தை­யும் பிடித்­துள்­ ளன. தென்­காசி மாவட்­டம் 96.15 சத­வீத தேர்ச்­சி­யு­டன் நான்­கா­மி­டத்­தை­யும் கன்­னி­யா­கு­மரி மாவட்­டம் 96.12 சத­வீத தேர்ச்­சி­யு­டன் ஐந்­தா­மி­டத்­தை­யும் பிடித்­துள்­ளன.

கணினி அறி­வி­யல் பாடத்­தில்

7 ஆயி­ரம் பேர் 100-க்கு 100!

பிளஸ் 2 பொதுத்­தேர்­வில்அதி­க­பட்­ச­மாக கணினி அறி­வி­யல் பாடத்­தில் சுமார் 7 ஆயி­ரம் மாண­வர்­கள் 100-க்கு 100 மதிப்­பெண்­கள் பெற்­றுள்­ள­னர்.

பிளஸ் 2 பொதுத்­தேர்­வில் அதி­க­பட்­ச­மாக கணினி அறி­வி­யல் பாடத்­தில் 6 ஆயி­ரத்து 945 மாண­வர்­க­ளும் குறைந்­த­பட்­ச­மாக விலங்­கி­யல் பாடத்­தில் 18 மாண­வர்­க­ளும் 100-க்கு 100 மதிப்­பெண்­களை பெற்­றுள்ள­ னர். தமிழ்ப் பாடத்­தில் 83 பேரும் ஆங்­கி­லத்­தில் 21 பேரும், இயற்­பி­யல் பாடத்­தில் 105 பேரும், வேதி­யி­யல் பாடத்­தில் 632 பேரும் 100 மதிப்­பெண்­களை பெற்­றுள்­ள­னர். உயி­ரி­யல் பாடத்­தில் 784 பேரும் கணி­தப் பாடத்­தில் 732 பேரும் தாவ­ர­வி­ய­லில் 31 பேரும் 100-க்கு 100 மதிப்­பெண்­களை பெற்­றுள்­ள­னர்.

வணி­க­வி­ய­லில் 683 பேரும் கணக்­குப் பதி­வி­ய­லில் 1,946 பேரும் பொரு­ளி­ய­லில் 440 பேரும் 100 மதிப்­பெண்­களை பெற்­றுள்ள­ னர்.

வர­லாறு பாடத்­தில் 282 பேரும் கணி­னிப் பயன்­பா­டு­கள் பாடத்­தில் 2 ஆயி­ரத்து 99 பேரும் வணி­கக் கணி­தம் மற்­றும் புள்­ளி­யி­யல் பாடத்­தில் 463 பேரும் 100 மதிப்­பெண்­களை பெற்­றுள்­ள­னர்.

இவற்­றில் ஏதே­னும் ஒரு பாடத்­தில் மட்­டும் 16 ஆயி­ரத்து 24 மாண­வர்­கள் 100-க்கு 100 மதிப்­பெண்­களை பெற்­றுள்­ள­னர்.

அதே­போல், அர­சுப் பள்ளி மாண­வர்­க­ளில் ஆயி­ரத்து 695 பேர் ஏதே­னும் ஒரு பாடத்­தில் மட்­டும் 100 மதிப்­பெண்­களை பெற்­றுள்­ள­னர்.

பாட­வா­ரி­யாக

மதிப்­பெண் சத­வீ­தம்!

ப்ளஸ் டூ பொதுத் தேர்­வில், மாணவ, மாண­வி­கள் பாட­வா­ரி­யாக பெற்ற மதிப்­பெண்­க­ளின் சத­வீ­தத்தை பள்­ளிக்­கல்­வித்­துறை வெளி­யிட்­டுள்­ளது.

பள்­ளிக்­கல்­வித்­துறை வெளி­யிட்­டுள்ள தேர்வு முடி­வு­க­ளில், முதன்­மைப் பாடங்­க­ளான இயற்­பி­யல் பிரி­வில் 98 புள்ளி எட்டு ஏழு சத­வீ­தத்­தி­ன­ரும், வேதி­யி­யல் பிரி­வில் 98 புள்ளி எட்டு இரண்டு சத­வீத மாணவ, மாண­வி­கள் தேர்ச்சி பெற்­றுள்­ள­தாக தெரி­விக்­கப்­பட்­டுள்­ளது.

இதே­போல், உயி­ரி­யல் மற்­றும் கணி­தம் பாடத்­தில் தலா சுமார் 99 சத­வீ­தம் பேர் தேர்ச்சி அடைந்­துள்­ள­னர். தாவ­ர­வி­யல், விலங்­கி­யல் மற்­றும் கணக்­குப் பதி­வி­ய­லில் சுமார் தலா 98 சத­வீ­தத்­தி­ன­ரும், கணினி அறி­வி­ய­லில் 99 புள்ளி எட்டு நான்கு சத­வீ­தத்­தி­ன­ரும் தேர்ச்சி பெற்­றுள்­ள­னர்.

இதே­போல் வணி­க­வி­யல் மற்­றும் வர­லாறு பாடத்­தில் சுமார் தலா 97 சத­வீ­தம் பேர் தேர்ச்சி அடைந்­துள்­ள­தாக பள்­ளிக்­கல்­வித்­துறை தெரி­வித்­துள்­ளது. GFX 2 பாடப்­பி­ரி­வு­கள் வாரி­யான தேர்ச்சி விகி­தத்­தில், அறி­வி­ய­லில் 96 புள்ளி ஒன்­பது பூஜ்­ஜி­யம் சத­வீ­தத்­தி­ன­ரும், வணி­க­வி­ய­லில் 92 புள்ளி ஆறு ஏழு சத­வீ­தம் பேரும், கலைப் பிரி­வில் 85 புள்ளி ஒன்று ஒன்­பது சத­வீ­தம் பேரும், தொழிற்­பா­டத்­தில் 85 புள்ளி ஒன்­பது ஏழு சத­வீ­தம் பேரும் தேர்ச்சி அடைந்­துள்­ள­தாக தெரி­விக்­கப்­பட்­டுள்­ளது.