கொல்கத்தா, மே.9–
முதலமைச்சர் பதவியிருந்து மம்தா பானர்ஜி விலக மறுத்திருந்த நிலையில், மேற்குவங்க சட்டப்பேரவை கலைக்கப்படுவதாக ஆளுநர் ஆர்.என்.ரவி அறிவித்துள்ளார்.
மேற்கு வங்க சட்டப்பேரவைத் தேர்தலில் பாஜக ஆட்சியை பிடித்தது. வாக்கு எண்ணிக்கையில் மிகப் பெரும் அளவில் முறைகேடுகள் நடைபெற்றதாக குற்றஞ்சாட்டி முதலமைச்சர் பதவியில் இருந்து விலக மாட்டேன் என மம்தா பானர்ஜி திட்டவட்ட மாக கூறி வருகிறார்.
இன்று புதிய அரசு பதவியேற்கவுள்ளதாக அறிவிக்கப்பட்டுள்ள நிலையில், மம்தா பானர்ஜியின் முடிவு அரசியல் வட்டாரத்தில் பரபரப்பை ஏற்படுத்தியது. இந்த சூழலில், மேற்குவங்க அமைச்சரவை கலைக்கப்படுவதாக ஆளுநர் ஆர்.என்.ரவி அறிவித்துள்ளார்.
இந்திய அரசியலமைப்பின் சட்டப்பிரிவின் கீழ் தனக்கு வழங்கப்பட்ட அதிகாரங்களை பயன்படுத்தி மேற்கு வங்க அமைச்சரவையை கலைப்பதாக ஆளுநர் ஆர்.என்.ரவி அறிவித்துள்ளார்.