தென்காசி.மே.10–
தமிழ்நாடு மற்றும் கேரளாவை இணைக்கும் இரண்டு மிக முக்கியமான அகலப்பாதை மின்மயமாக்கப்பட்ட ரயில் பாதைகளில் போதிய ரயில் சேவைகள் இல்லாததால் தென்காசி நாடாளுமன்ற தொகுதி மற்றும் அதை ஒட்டிய மாவட்டங்களை சேர்ந்த பயணிகள் மிகுந்த கவலை மற்றும் ஏமாற்றத்தை சந்தித்து வருகின்றனர் என தென்காசி நாடாளுமன்ற உறுப்பினர் மரு.ராணி ஸ்ரீகுமார் இந்திய ரயில்வே வாரிய தலைவர் சதீஷ்குமார்,தென்னக ரயில்வே பொது மேலாளர் ஆர்.என்.சிங், மதுரை மண்டல தெற்கு ரயில்வே மேலாளர் ஆகியோருக்கு அனுப்பி யுள்ள கோரிக்கை மனுவில் தெரிவித்துள்ளார்.
அந்த மனுவில் அவர் கூறியிருப்பதாவது.
தமிழ்நாடு மற்றும் கேரளாவை இணைக்கும் இரண்டு முக்கிய மான அகலப்பாதை மின்மய மாக்கப்பட்ட ரயில்வே பாதைகளில் போதிய ரயில் சேவைகள் இல்லாததால் தென்காசி நாடாளுமன்ற தொகுதி மற்றும் அதனை ஒட்டியுள்ள மாவட்டங்களைச் சேர்ந்த பயணிகள் தீவிர கவலை மற்றும் ஏமாற்றத்தை உங்கள் கவனத்திற்கு கொண்டுவர விரும்புகிறேன்.
இந்த முக்கியத்துவம் வாய்ந்த வழித்தடங்களில் தெற்கு ரயில்வே போதுமான வழக்கமான ரயில்களையோ அல்லது கோடைகால சிறப்பு ரயில்களையோ அனுமதிக்கவில்லை,என்று பயணிகள் ஆழ்ந்த வேதனையில் உள்ளனர்.அதேசமயம் கோடை காலங்களில் பல சிறப்பு ரயில்கள் வழங்கப்பட்டு வருகின்றன.இந்த இரண்டு முக்கியமான பயணிகள் வழித்தடங்களும் தொடர்ந்து கவனிக்கப்படாமல்
இருக்கிறது.
சென்னை- தாம்பரம்-திருவனந்தபுரம் வழியாக செங்கல்பட்டு,விழுப்புரம், விருத்தாச்சலம், திருச்சிராப்பள்ளி, திண்டுக்கல், மதுரை, விருதுநகர், சிவகாசி, ராஜபாளையம், சங்கரன்கோவில், கடையநல்லூர், தென்காசி, செங்கோட்டை, புனலூர், கொல்லம் வழியாக திருவனந்த புரம் வடக்கு மற்றும் சென்னை-தாம்பரம்- திருநெல்வேலி வழியாக செங்கல்பட்டு, விழுப்புரம், விருத்தாச்
சலம், திருச்சிராப்பள்ளி, திண்டுக்கல், மதுரை,விருதுநகர், சிவகாசி, ஸ்ரீவில்லி புத்தூர், ராஜபாளையம், சங்கரன்கோவில், கடையநல்லூர், தென்காசி, பாவூர்சத்திரம்,கீழக்கடையம், திருநெல்வேலி ஆகிய இந்த இரண்டு வழித்தடங்களும் முழுமையாக மின்மய மாக்கப்பட்ட அகல இருப்புப்பாதை பிரிவுக ளாகும்.
இவை தமிழ்நாட்டிற்கும் கேரளாவிற்கும் இடையில் பயணிக்கும் தினசரி பயணிகள், மாணவர்கள்,பணிபுரியும் தொழில் வல்லுநர்கள்,யாத்ரீகள்,சுற்றுலாப் பயணிகள்,வர்த்தகர்கள், சிறுவணிகர்கள் உள்ளிட்ட கணிசமான பயணிகளின் போக்குவரத்திற்கு சேவை செய்கிறது.கோடை விடுமுறையின் போது இந்த வழித்தடங்களில் பயணிகளில் தேவை கனிசமாக அதிகரிக்கிறது.இதன் விளைவாக கடுமையான நெரிசல்,நீண்ட காத்திருப்பு பட்டியல்கள் மற்றும் பணிகளுக்கு கடுமையான சிரமம் ஏற்படுகிறது.மேற்கண்டவற்றை கருத்தில் கொண்டு பின்வரும் சேவைகளுக்கு உடனடியாக ஒப்புதல் அளிக்குமாறு உங்களின் கனிவான தலையீட்டை கோருகிறேன்.
கடந்த ஆண்டு வெற்றிகரமாக இயக்கப்பட்ட சிறப்பு ரயிலை போலவே கோடைகால சிறப்பு ரயில்களை அறிமுகப்படுத்த வேண்டும்.பொது பயணிகள் மற்றும் புலம்பெயரும் தொழிலாளர்களின் சேவைக்காக மேற்கூறிய இரண்டு வழித்தடங்களும் சென்னை- தாம்பரத்திலிருந்து முன்பதிவு இல்லாத வார இறுதி சிறப்பு ரயில்களை இயக்க வேண்டும். கோடைகால சிறப்பு ரயில்களை அறிமுகப்படுத்த வேண்டும்.
திருவனந்தபுரம், திருநெல்வேலி மதுரைக்கு இடையே கொல்லம், புனலூர், செங்கோட்டை, தென்காசி வழித்தடங்களில் கோடைகால சிறப்பு ரயில்கள் இயக்க வேண்டும்.
இவ்வாறு அவர் கோரிக்கை மனுவில் கூறியுள்ளார்.