புது­டெல்லி, மே 10–

விவ­சா­யி­கள் மீது வாக­னத்தை ஏற்றி 4 பேர் உயி­ரி­ழந்த வழக்­கில், பா.ஜ.க. முன்­னாள் ஒன்­றிய அமைச்­ச­ரின் மகன் மீதான வழக்கு விசா­ர­ணையை 4 வாரங்­க­ளில் முடிக்க உத்­த­ரப்­பி­ர­தேச காவல்­து­றைக்கு உச்­ச­நீ­தி­மன்­றம் உத்­த­ர­விட்­டுள்­ளது.

உத்­த­ரப்­பி­ர­தேச மாநி­லம் லக்­கிம்­பூர் மாவட்­டத்­தில் கடந்த 2021 ஆம் ஆண்டு அக்­டோ­ப­ரில், பாஜக ஒன்­றிய இணை அமைச்­சர் அஜய் மிஸ்ரா மற்­றும் அவ­ரின் மகன் ஆஷிஸ் மிஸ்ரா ஆகி­யோர் ஒரு நிகழ்ச்­சி­யில் கலந்­து­கொள்ள சென்­ற­போது, விவ­சா­யி­கள் கருப்­புக்­கொடி ஆர்ப்­பாட்­டம் நடத்­தி­னர்.

அப்­போது, விவ­சா­யி ­கள் கூட்­டத்­துக்­குள் அமைச்­சர் மக­னின் வாக­னம் புகுந்­த­தில் 4 விவ­சா­யி­கள் உடல் நசுங்கி இறந்­த­னர். பெரும் அதிர்­வ­லை­களை ஏற்­ப­டுத்­திய இந்த சம்­ப­வம் தொடர்­பான வழக்கு விசா­ரணை உச்­ச­நீ­தி­மன்­றத்­தில் மீண்­டும் விசா­ர­ணைக்கு வந்­த­போது, பாதிக்­கப்பட்­ட­வர்­கள் தரப்­பில் ஆஜ­ரான வழக்­க­றி­ஞர், கடந்த 2 மாதங்­க­ளாக சாட்­சி­யங்­கள் விசா­ரணை எது­வும் நடை­பெ­ற­வில்லை என்று வாதிட்­டார்.

முன்­னாள் அமைச்­சர் மீதான வழக்கு 5 ஆண்­டு­கள் ஆகி­யும் இன்­னும் முடிக்­கப்­ப­டா­மல் உள்­ள­தா­க­வும் சாட்­சி­யங்­களை காவல்­து­றை­யி­னரே மிரட்­டு­வ­தா­க­வும் குற்­றம் சாட்­டி­னார்.

கடந்த மார்ச் மாதம் முதல் என்ன செய்து கொண்­டி­ருக்­கி­றீர்­கள்? ஏன் சாட்­சி­யங்­கள் விசா­ரணை நடை­பெ­ற­வில்லை? என்று உத்­த­ரப்­பி­ர­தேச பா.ஜ.க. அர­சுக்கு கேள்வி எழுப்­பிய உச்­ச­நீ­தி­மன்­றம் கடும் கண்­ட­னம் தெரி­வித்­தது.

வழக்­கு­களை குறிப்­பிட்ட கால அள­வில் விசா­ரணை நீதி­மன்­றம், விசா­ரித்து முடித்து இடைக்­கால அறிக்­கையை தாக்­கல் செய்­ய­வும் ஆணை­யிட்­டுள்­ளது. ஆசிஷ் மிஷ்ரா மீது நிலு­வை­யில் உள்ள விசா­ர­ணையை 4 வாரங்­க­ளில் முடித்து விசா­ரணை நீதி­மன்­றத்­தில் அறிக்கை தாக்­கல் செய்ய உத்­த­ரப்­பி­ர­தேச காவல்­து­றைக்கு உச்­ச­நீ­தி­மன்­றம் உத்­த­ர­விட்­டது.