நெல்லை, மே.10–
கோடை வெயிலில் இருந்து பொதுமக்களை பாதுகாக்க நெல்லை மேற்கு மாநகர பகுதிகளில் தண்ணீர் பந்தல் அமைப்பது தொடர்பாக நெல்லை மேற்கு மாநகர பொறுப்பாளர் சு.சுப்பிரமணியன் வேண்டுகோள் கோரிக்கை விடுத்துள்ளார்.
அதில் அவர் கூறியிருப்ப தாவது.
தமிழகமெங்கும் தண்ணீர் - நீர்மோர் பந்தல் அமைக்க வேண்டும் என நமது கழகத் தலைவர்,முன்னாள் முதலமைச்சர் தளபதியார் அவர்கள் வலியுறுத்தியுள்ளார்.தமிழகத்தில் பெரும்பாலான மாவட்டங்களில் கோடைகால வெப்பம் அதிகரிக்கத் தொடங்கி, அக்னி நட்சத்திரமும் தொடங்கியுள்ளது. இந்நிலையில் தமிழக மக்களை இக்கோடைக் கால வெப்பத்திலிருந்து காக்கும் வகையில்,தி.மு.க.சார்பில், தமிழகத்தில் உள்ள மாநகர,நகர, பகுதி,பேரூர்,வட்டம் மற்றும் கிராமங்கள் என அனைத்து இடங்களிலும் - மக்கள் அதிகம் கூடும் இடங்களான தெருமுனைச் சந்திப்புகளிலும் - சாலை மற்றும் தெருக்கள் ஓரமாகவும், போக்குவரத்து மற்றும் பொதுமக்கள் யாருக்கும் எவ்வித இடையூறும் இல்லாமல் தண்ணீர் பந்தல் அமைத்து,பொதுமக்களின் தாகம் தீர்த்திட வேண்டும்.என கழக தலைவர் அவர்கள் குறிப்பிட்டுள் ளார்கள்.மேலும் அவ்வாறு அமைக்கப்படும் தண்ணீர் பந்தலில் குடிநீர்,நீர்மோர், இளநீர், குளிர்பானம், தர்பூசணி போன்ற கோடை வெப்பத்தை தணிக்கும் பொருட்களை பொது மக்களுக்கு வழங்கி, அவர்களின் தாகத்தை தணிக்க வேண்டும் என்றும்,திராவிட முன்னேற்றக் கழகம் ஆட்சியில் இருந்தாலும் இல்லாவிட்டாலும் எப்போதும் மக்களுக்காக உழைக்கும் இயக்கம் என்றும் நம் கழகத் தலைவர் தெரிவித்துள்ளார்.
எனவே கடுமையான கோடை வெயிலில் இருந்து பொதுமக்களை பாதுகாக்க கழகத் தலைவர் முன்னாள்முதலமைச்சர் மு.க.ஸ்டாலின்அவர்களின் ஆணைக்கிணங்கவும்,கழக இளைஞர் அணி செயலாளர் முன்னாள் துணை முதலமைச்சர் உதயநிதி ஸ்டாலின் அவர்களின் வழிகாட்டுதலின்படி, நெல்லை மத்திய மாவட்ட தி.மு.க. பொறுப்பாளர் பாளையங்கோட்டை சட்டமன்ற உறுப்பினர் மு.அப்துல் வஹாப்அறிவுறுத்தலின்படி, தங்களின் பகுதி களில் கோடை வெயிலில் இருந்து பொதுமக்களை பாதுகாக்கும் வகையில், பகுதி கழக பொறுப்பாளர்கள், வட்டக் கழக செயலாளர்கள், மாநகர சார்பு அணிகளின் நிர்வாகிகள் மற்றும் கழகச் சொந்தங்கள் அனைவரும் தண்ணிர்- நீர்மோர் பந்தல் அமைத்து பொதுமக்களை கோடை வெயிலில் இருந்து காக்கும்படி கேட்டுக் கொள்கிறேன்.