புதுடெல்லி, மே 11–
‘புலம்பெயர்வு நிர்வாக த்தில் புலம்பெயர்வோரின் நலன், பாதுகாப்பு, அதிகாரமளித்தலை மையமாகக் கொண்ட ஒரு முழுமையான அணுகுமுறையை இந்தியா பின்பற்றி வருகிறது’ என்று வெளியுறவுத் துறை இணையமைச்சர் கீர்த்தி வர்தன் சிங் தெரிவித்தார்.
‘புலம்பெயர்வு நிர்வா கத்தில் புலம் பெயர்வோரின் நலன், பாதுகாப்பு, அதிகாரமளித்தலை மையமாகக் கொண்ட ஒரு முழுமையான அணுகுமுறையை இந்தியா பின்பற்றி வருகிறது’ என்று வெளியுறவுத் துறை இணை யமைச்சர் கீர்த்தி வர்தன் சிங் தெரிவித்தார்.
அமெரிக்காவின் நியூயார்க் நகரில் உள்ள ஐ.நா. சபை அலுவலகத்தில் நடைபெற்ற இரண்டாவது சர்வதேச புலம்பெயர்வு மறுஆய்வு மன்றத்தின் அமர்வில் பங்கேற்றுப் பேசியபோது இக் கருத்தை அவர் தெரிவித்தார். அவர் மேலும் பேசியதாவது:
இந்தியர்களின்புலம்பெய ர்வு வரலாறு பரந்த, ஆற்றல் மிக்கதாகும். உலகம் முழுவதும் 200-க்கும் மேற்பட்ட நாடுகளில் 3.4 கோடிக்கும் அதிகமான இந்தியர்கள் புலம்பெ யர்ந்து, பல நூற்றாண்டுகளாக பொருளாதார மற்றும் கலாசார ரீதியில் மட்டுமன்றி கருத்துகளை இணைக்கும் பாலமாகவும் செயல்பட்டு வருகின்றனர்.
அவ்வாறு புலம்பெயர்ந்த வெளிநாடு வாழ் இந்தியர்கள் சொந்த நாட்டுக்குப் பணம் அனுப்புவது, முதலீடுகள் மற்றும் அறிவுசார் பரிமாற்றம் ஆகியவற்றின் மூலம் இந்தியாவின் வளர்ச்சிக்கு மட்டுமன்றி, அவர்கள் புலம்பெயர்ந்துள்ள நாட்டின் வளர்ச்சிக்கும் பெரும்பங்காற்றி வருகின்றனர்.
இத்தகைய சூழலில், புலம்பெயர்வு நிர்வாகத்தில் புலம்பெயர்வோரின் நலன், பாதுகாப்பு, அதிகாரமளித்தலை மையமாகக் கொண்ட ஒரு முழுமையான அணுகுமுறையை இந்தியா பின்பற்றி வருகிறது. வலுவான ஆள் கடத்தல் தடுப்பு சட்டங்கள் அவசியம்:
இடப்பெயர்வு என்பது மக்கள் மற்றும் அவர்களின் விருப்பங்கள், மீள்திறன், பங்களிப்புகள் தொடர்புடையது ஆகும்.
சட்டவிரோத இடப்பெயர்வு, ஆள்கடத்தல், சமூக பாதுகாப்பில் உள்ள இடை
வெளிகள் போன்ற சவால்களை எதிர்கொள்ளும் அதேவேளையில் அனைவரையும் உள்ளடக்கிய, மனிதாபிமான, எதிர்காலத்துக்கு உகந்த ஒரு கட்டமைப்பை உருவாக்க இந்தியா முயற்சித்து வருகிறது.
அகதிகள் விவகாரத்தை புலம் பெயர்ந்தோரை பாதுகாத்தல், இடம்பெயர்வு செயல்முறையின் ஒவ்வொரு கட்டத்தையும் மேற்பார்வை யிடுதல் மற்றும் சர்வதேச ஒத்துழைப்பை வளர்த்தல் ஆகியவற்றில் கவனம் செலுத்தும் ஒரு முழுமையான மற்றும் நடைமுறைக்கு உகந்த கட்டமைப்பு மூலம் இந்தியா நிர்வ கிக்கிறது என்றார்.
மேலும், பல்வேறு நாடுகளுக்கு வேலைவாய்ப்புக்காக புலம்பெயர்பவர்களின் நலனுக்காக இந்தியா அறிமுகப்படுத்தியுள்ள ‘இ-மைக்ரேட்’ வலைதளம் குறித்தும் அந்த நிகழ்ச்சியில் கீர்த்தி வர்தன் சிங் விவரித்தார். இந்த வலைதளம் மூலம் பதிவு செய்த மற்றும் மோசடி பட்டியலில் வைக்கப்பட்டுள்ள வெளிநாடு வேலைவாய்ப்புமுகவர்களின் விவரங்கள், தனது விண்ணப்பத்தின் நிலை உள்ளிட்ட பல்வேறு விவரங் களை புலம்பெயர்வோர் தெரிந்துகொள்ள முடியும் என்பதோடு, தங்களின் புகார்களையும் பதிவு செய்ய முடியும் என்று குறிப்
பிட்டார்.