வாஷிங்டன், மே 11–
வாஷிங்டனில் நடந்த அமெரிக்கா-இந்தியா செயற்கை நுண்ணறிவு மற்றும் வளர்ந்துவரும் தொழில்நுட்ப மன்ற கலந்துரையாடலில் அமெரிக்காவுக்கான இந்திய தூதர் வினய் மோகன் குவாத்ரா பேசியதாவது:
அணுசக்தி திட்டங்களில் பயன்படுத்தப்படும் அணுக்கரு இணைவு தொழில்நுட்பம் அமெரிக்கா-இந்தியா இடையேயான முன்னணி ஒத்துழைப்பு துறைகளில் குறிப்பிடத்தக்கது. பிரான்சில் அணுக்கரு இணைவு உலையை அமைப்பதற்கான சர்வதேச ஆராய்ச்சி பரிசோதனையில் இந்தியாவும் அமெரிக்காவும் பங்கேற்றுள்ளன.
அணுசக்தி, ஏஐ, குவாண்டம் தொழில்நுட்பம் ஆகியவை இரு நாடுகளின் ஒத்துழைப்பில் முன்னணி துறைகளாக உள்ளன. அணுக்கரு இணைவு தொழில்நுட்பத்தை மேம்படுத்தி, செயற்கை நுண்ணறிவுடன் இணைத்து, குவாண்டம் முன்னேற்றத்தின் மூலம், இன்னும் சில ஆண்டுகளில் குவாண்டம் கணினித்திறன், அணுக்கரு இணைவில் புதிய கணினித் திறன்களை கொண்டு வரும் நிலைக்கு நம்மை இட்டுச் சென்றால் அது மிகுந்த உற்சாகமான ஒன்றாக அமையக் கூடும். இந்தியா-
அமெரிக்கா கூட்டாண்மை
யில் உயிரிமருந்துகள் துறையும் முக்கியமான முன்னுரிமைப் பகுதி என்பது குறிப்பிடத்தக்கது என்றார்.
சென்னை கிழக்கு மாவட்டம் அம்பத்தூர் கிழக்கு பகுதிக்கு உட்பட்ட 6 வட்டங்களில் வடக்கு பகுதி செயலாளர் ஜோசப் சாமுவேல், மண்டல குழு தலைவர் பி.கே.மூர்த்தி, கிழக்கு பகுதி கழக செயலாளர் எம்.டி.ஆர்.நாகராஜ், தெற்கு பகுதி செயலாளர் டி.எஸ்.பி.ராஜகோபால், மாவட்ட ஆதிதிராவிடர் அணி அமைப்பாளர் எல்பிஎப் மோகன், வட்ட செயலாளர்கள், சி.லோகநாதன், த.வ.லால், சு.மோகன் குமார், மு.விஜயகுமார், ஆ சுந்தர்ராஜன், மு.சண்முகம் மற்றும் கழக நிர்வாகிகள், கழக செயல் வீரர்களுடன் அம்பத்தூர் சட்டமன்ற தொகுதியின் மதச்சார்பற்ற முற்போக்கு கூட்டணியின் வேட்பாளர் டாக்டர் ஏ.பி. பூர்ணிமா வீதியாக சென்று வாக்காளர்களுக்கு நன்றி தெரிவித்தார்.