வேலூர், மே 11–
வேலூர் சட்டமன்றத் தொகுதியில் போட்டியிட்ட ப.கார்த்திகேயன் 32வது வட்டம் திமுக சார்பில் நன்றி தெரிவிப்பு கூட்டம் நடந்தது.
கூட்டத்திற்கு வட்ட செயலாளர் ஆனந்தகுமார் தலைமை தாங்கினார். அவைத் தலைவர் முகமது சகி, மேயர் சுஜாதா, முன்னாள் ஊராட்சி மன்ற தலைவர் சம்பத் ஆகியோர் முன்னிலை வகித்தனர். இதில் திமுக வேட்பாளராக போட்டியிட்ட ப.கார்த்திகேயன் கலந்துகொண்டு வாக்காளர்களுக்கு நன்றி தெரிவித்து பேசியதாவது:
என்னை பொறுத்தவரை ஒரு சட்டமன்ற உறுப்பினராக, நகரமன்ற தலைவராக, மாநகராட்சி மேயராக பொறுப்புடன் செயல்பட்டேன். இந்த வார்டை பொறுத்தவரை அதிகமாக திமுகவுக்கு வாக்களித்த மக்கள் உள்ளனர். அதனால் தான் இங்கே நன்றி சொல்ல நாங்கள் வந்திருக்கிறோம். திமுக தான் ஏழைகளுக்காக தோன்றிய இயக்கம்.
மக்களுக்காக பல திட்டங்களை கொண்டு வந்த இயக் கம். ஒரு சாதாரண பீடி தொழிலாளி குடும்பத்தை சேர்ந்தவர்கள் அதிகாரிக ளாக்கிய இயக்கம், தமிழ கத்தை எல்லா நிலையி லும் உயர்த்தி காட்டியவர் மு.க.ஸ்டாலின்
கொரோனா காலத் தில் மக்களுக்கு உதவியவர் அவர். நானும் என் மக் களுக்கு செய்ய வேண்டும் என்றஉணர்வால் தான் உத விகள் செய்திருக்கிறேன். வாக்களித்த உங்களுக்கு நன்றி சொல்ல வேண்டும் என்ற உணர்வோடு தான் இங்கே வந்திருக்கிறேன். நான் சட்டமன்ற உறுப் பினராக இருந்தபோது
ஒரு தவறான வார்த்தை கூட யாரை பார்த்தும் பேசியது இல்லை. என் மக்களுக்கு செய்யுங்கள் என்று தான் அதிகாரிகளிடத்தில் பேசியிருக்கிறேன். வேலூர் தொகுதிக்கு எண்ணற்ற திட்டங்களை கொண்டு வந்துள்ளேன். பொறுப்போடு இருந்து நான் செயலாற்றி இருக்கிறேன். இந்த சமூகத்துக்காக உழைத்த இயக்கம், உழைத்துக் கொண்டே இருக்கும் இயக்கம். என்றென்றும் அழிந்து விடாது. இந்த மக்களுக்கு என்றும் உறுதுணையாக இருப்போம். வேலூர் தொகுதிக்கு தொண்டனாக இருந்து உங்களுக்கு அயராது உழைப்பேன். இவ்வாறு அவர் பேசினார்.
இதில் பகுதி செயலாளர்கள் முருகபெருமாள், சுந்தரவிஜி, மண்டல குழு தலைவர் நரேந்திரன் உட்பட பலர் கலந்து கொண்டனர்.