அமிர்தசரஸ், மே 12–
பணமோசடி வழக்கில் பஞ்சாப் தொழில் துறை அமைச்சரை அமலாக்கத்துறை கைது செய்த சம்பவம் பரபரப்பை ஏற்படுத்தியுள்ளது. பஞ்சாப் ஆம் ஆத்மி அரசின்தொழில் துறை அமைச்சர் சஞ்சீவ் அரோரா உள்ளார். புதிதாக பதிவு செய்யப்பட்ட பண மோசடி விசாரணையின் ஒரு பகுதியாக பஞ்சாப் அமைச்சர் அரோரா மற்றும் அவருடன் தொடர்புடையவர்கள் என கருதப்படும் நபர்களின் வீடுகள், அலுவலகங்களில் அமலாக்கத்துறை சோதனை நடத்தியது. சண்டிகரில் உள்ள சஞ்சீவ் அரோராவின் இல்லத்திலும் சோதனைகள் நடந்தன. அதே போல் டெல்லி, குருகிராம் அலுவலகங்களில் சோதனைகள் நடந்தன. சஞ்சீவ் அரோரா தனது நிறுவனத்தின் மூலம் டெல்லியை தளமாக கொண்ட செயல்படாத போலியான நிறு வனங்களிடம் இருந்து 100 கோடிக்கும் அதிக மதிப்புள்ள செல்போன்களுக்கு மோசடியான கொள்முதல் ரசீதுகளை உருவாக்கியதாக கூறப்படுகிறது. மேலும் சண்டிகரில் உள்ள சஞ்சீவ் அரோராவின் அதிகாரப்பூர்வ இல்லத்தில் அமலாக்கத்துறை அதிகாரிகள் நடத்திய சோதனைகளைத் தொடர்ந்து, அவர் பணமோசடி தடுப்புச் சட்டத்தின் கீழ் கைது செய்யப்பட்டார். இந்த கைது பஞ்சாப் அரசியலில் பெரும் பரபரப்பை ஏற்படுத்தியுள்ளது.