#Title

தமிழ் மொழியை அவமதிக்கும் வகையில் – முதல்வர் பதவியேற்பு விழாவில் தமிழ்த்தாய் வாழ்த்தை மூன்றாவதாகப் பாடுவதா? திராவிட இயக்கத் தமிழர் பேரவை கடும் கண்டனம்!

சென்னை, மே 12–

சென்னையில் நேற்று முன்தினம் (10.05.202) நடைபெற்ற, திராவிட இயக்கத் தமிழர் பேரவையின் தலைமைச் செயற்குழுக் கூட்டத்தில், கீழ்க்கா ணும் தீர்மானங்கள் நிறைவேற்றப்பட்டன:

பக்கிம் சந்திர சாட்டர்ஜி எழுதிய ‘ஆனந்த மடம்’ நாவலில் இடம்பெற்றுள்ள இஸ்லாமியர்களுக்கு எதிரான வந்தே மாதரம் பாடலை இன்று நடைபெற்ற முதலமைச்சர் பதவி ஏற்பு விழாவில் முதலாவதாகவும், தமிழ்த்தாய் வாழ்த்தினை மூன்றாவதா கவும் பாடியுள்ளனர்.

இஸ்லாமிய மக்களுக்கு எதிராகவும் தமிழ் மொழியை அவமதிக்கும் வகையிலும் நடைபெற்றுள்ள இந்நிகழ்வை, பேரவை கடுமையாகக் கண்டிக்கிறது!

தமிழ்நாடு அரசின் நிதிநிலை குறித்து ஏற்கனவே வெளிப்படையாக கடந்த அரசு தெரிவித்திருக்க, பல வாக்குறுதிகளை அன்று அள்ளிக் கொடுத்துவிட்டு, தமிழ்நாடு அரசின் நிதி நிலையைச் சரிபார்த்த பின்புதான் அவற்றை நிறைவேற்ற முடியும் என்று புதிதாகப் பொறுப்பேற்றுள்ள தமிழ்நாட்டின் முதலமைச்சர் இன்று அறிவித்திருப்பது மக்களை ஏமாற்றுவதாக உள்ளது. இப்போக்கினை மாற்றிக்கொண்டு கொடுத்த வாக்குறுதிகளை தமிழ்நாடு அரசு நிறைவேற்றிட வேண்டும் என்று பேரவை வலியுறுத்துகின்றது!

‘பி எம் ஸ்ரீ’ என்ற பெயரில் இந்தியைத் திணிக்கும் ஒன்றிய பாஜக அரசின் சூழ்ச்சியை இக்கூட்டம் வன்மையாகக் கண்டிப்பதோடு, தமிழ்நாடு அரசு எந்தச் சூழலிலும் ‘பி எம் ஸ்ரீ’ திட்டத்தை ஏற்கக்கூடாது எனவும் இக்கூட்டம் வலியுறுத்திக் கேட்டுக்கொள்கிறது.

இவ்வாறு அக்கூட்டத்தில் தீர்மானங்கள் நிறைவேற்றப்பட்டுள்ளன என திராவிட இயக்கத் தமிழர் பேரவையின் தலைவர் சுப.வீரபாண்டியன் தெரிவித்துள்ளார்.