சென்னை, மே 12–

தமிழ்­நாடு சட்­டப் பேர­வை­யின் முதல் கூட்­டம் நேற்று காலை 9.30 மணிக்கு தொடங்­கி­யது. தி.மு.க. சட்­ட­மன்­றக் குழுத்தலை­வர் உத­ய­நிதி ஸ்டாலின் மற்­றும் கழக உறுப்­பி­னர்­கள் சட்­ட­மன்ற உறுப்­பி­னர்­களா­கப் பதவி ஏற்­றுக் கொண்­ட­னர்.

சட்­ட­மன்ற உறுப்­பி­ன­ராக பதவிஏற்­கும் முன்­னர் கழ­கத் தலை­வர் மு.க.ஸ்டாலின் அவர்­களை சந்­தித்து உத­ய­நிதி ஸ்டாலின் அவர்­கள் வாழ்த்­துப் பெற்­றார்.

சட்­டப் பேர­வை­யில் முத­ல­மைச்­சர், அமைச்­சர்­கள், உறுப்­பி­னர்­கள் அனை­வ­ரும் தனித்­த­னி­யா­கப் பதவி ஏற்­றுக் கொண்­ட­னர். காலை 9.30 மணிக்­குத் தொடங்­கிய பதவி ஏற்பு நிகழ்ச்சி 4 மணி நேரம் நீடித்­தது.

ஏப்­ரல் மாதம் 23ஆம் தேதி தமிழ்­நாடு சட்­ட­மன்­றத்­திற்கு தேர்­தல் நடை­பெற்­றது. தி.மு.க. தலை­மை­யி­லான மதச்­சார்­பற்ற முற்­போக்­குக் கூட்­டணி, எடப்­பாடி பழ­னி­சாமி தலை­மை­யில் என்.டி.ஏ. அணி, ஜோசப் விஜய்­யின் த.வெ.க.வும், சீமா­னின் நாம் தமி­ழர் கட்சி என நான்கு முனைப் போட்டி இருந்­தது.

தமிழ்­நாடு சட்­ட­மன்­றத்­திற்­கான 234 தொகு­தி­க­ளில் நடை­பெற்ற தேர்­த­லில் பதி­வான வாக்­கு­கள் இம்­மா­தம் 4ஆம் தேதி எண்­ணப்­பட்­டன.

அதில் தி.மு.க. கூட்­டணி 74 தொகு­தி­க­ளி­லும், அ.தி.மு.க. கூட்­டணி 53 தொகு­தி­க­ளி­லும், த.வெ.க.108 தொகு­தி­க­ளி­லும் வெற்றி பெற்­றன. 118 தொகு­தி­க­ளில் வெற்றி பெற்­றால்­தான் ஆட்சி அமைக்க முடி­யும் என்­கிற நிலை­யில், யாருக்­கும் அறுதி பெரும்­பான்மை இல்­லாத கார­ணத்­தால் ஆட்சி அமைப்­ப­தில் இழு­பறி இருந்து வந்­தது.

நான்கு நாட்­கள் இழு­பறி நீடித்த நிலை­யில், மதச்­சார்­பற்ற முற்­போக்­குக் கூட்­ட­ணிக் கட்­சி­கள் சில­வற்­றின் ஆத­ர­வு­டன் த.வெ.க. தலை­வர் ஜோசப் விஜய்க்கு ஆட்சி அமைக்க ஆளு­நர் அழைப்பு விடுத்­தார்.அதை­ய­டுத்து நேற்று முன்­தி­னம் ஜோசப் விஜய் முத­ல­மைச்­ச­ரா­க­வும் ஒன்­பது பேர் அமைச்­சர்­க­ளா­க­வும் பத­விப் பிர­மா­ண­மும் ரக­சிய காப்­புப் பிர­மா­ண­மும் எடுத்­துக் கொண்­ட­னர்.

இந்­நி­லை­யில் நேற்று தமிழ்­நாடு சட்­ட­மன்­றம் கூடி­யது. முத­ல­மைச்­ச­ரும் அமைச்­சர்­க­ளும் தேர்­வான உறுப்­பி­னர்­க­ளும் தற்­கா­லிகசபா­நா­ய­கர் முன் பதவி ஏற்­றுக் கொண்­ட­னர்.

தி.மு.க. சட்­ட­மன்­றக்­குழு துணைத் தலை­வர் கே.என். நேரு, தி.மு.க. சட்­ட­மன்ற கொறடா எ.வ.வேலு ஆகி­யோ­ரும் உறுப்­பி­னர்­க­ளாக பத­வி­யேற்­ற­னர். தொடர்ந்து, இ.பெரி­ய­சாமி, எம்.ஆர்.கே.பன்­னீர்­செல்­வம், கே.கே.எஸ்.எஸ்.ஆர்.ராமச்­சந்­தி­ரன், தங்­கம் தென்­ன­ரசு, ரகு­பதி, அனிதா ராதா­கி­ருஷ்­ணன், ராஜ­கண்­ணப்­பன், அர.சக்­க­ர­பாணி, செந்­தில்­பாலாஜி, கோவி.செழி­யன், சிவ­சங்கர், சேகர்­பாபு, மெய்­ய­நா­தன், சி.வி.கணே­சன், ஓ. பன்­னீர்­செல்­வம் உள்­ளிட்­டோ­ரும் சட்­ட­மன்ற உறுப்­பி­னர்­க­ளாக பத­வி­யேற்­றுக் கொண்­ட­னர்.

இத­னி­டையே, அ.தி.­மு.க. மற்­றும் த.வெ.க. உறுப்­பி­னர்­கள் சிலர், தேர்­தல் வெற்றிச் சான்­றி­தழை எடுத்து வரா­த­தால் நேற்று பத­வி­யேற்க இய­ல­வில்லை.

அதே­போன்று, அ.தி­.மு­.க­.வைச் சேர்ந்த சி.வி.சண்­மு­கம், கருப்­பண்­ணன் ஆகி­யோர் உறுப்­பி­னர்­க­ளாக பத­வி­யேற்­க­வில்லை. மேலும், ஏற்­காடு தொகுதி அ.தி­.மு­.க­. உறுப்­பி­னர் உஷா ராணி, சான்­றி­தழை மாற்றி எடுத்து வந்­த­தால், அவ­ரும் நேற்று பத­வி­யேற்க ­வில்லை.