#Title

தென்காசி மாவட்டம் மேலகரம் பேரூர்ச் செயலாளர் இ.சுடலை மறைவு! கழக இணை அமைப்புச் செயலாளர் அன்பகம் கலை,வே.ஜெயபாலன்,பொ. சிவபத்மநாதன்,ராணி ஸ்ரீ குமார் எம்.பி. அஞ்சலி! தென்காசி தெற்கு – மேலகரம் பேரூர்ச் செயலாளர் இ.சுடலை மறைவு! கழகத் தலைவர் மு.க.ஸ்டாலின் இரங்கல்!

தென்காசி. மே.13–

தென்காசி தெற்கு மாவட்டம் தென்காசி ஒன்றியம் மேலகரம் பேரூர் செயலாளர் இ.சுடலை (வயது 57) அவர்கள் கடந்த (09-.05.-2026 சனிக்கிழமை) அன்று அன்னாரது இல்லத்தில் நெஞ்சு வலி காரணமாக மறைவெய்தினார். என்பதை அறிவிக்க வருந்துகிறோம்.

இது பற்றிய தகவல் அறிந்ததும் கழக இணை அமைப்பு செயலாளர் அன்பகம் கலை, தென்காசி தெற்கு மாவட்டப் பொறுப்பாளர் வே.ஜெயபாலன், தென்காசி தெற்கு மாவட்ட முன்னாள் செயலாளர் பொ.சிவபத்மநாதன், தென்காசி நாடாளுமன்ற உறுப்பினர் மரு.ராணி ஸ்ரீகுமார் ஆகியோர் அன்னாரது உடலுக்கு மலர்வளையம் வைத்து அஞ்சலி செலுத்தினர்.

தென்காசி மாவட்டம் தென்காசி ஒன்றியம் மேலகரம் பேரூர்க்கழகச் செயலாளர் ஈ.சுடலை (வயது 57) அவர்கள் கடந்த ( 9ஆம் தேதி சனிக்கிழமை) அன்று நெஞ்சுவலி காரணமாக அன்னாரது இல்லத்தில் இயற்கை எய்தினார்.அவருக்கு இசக்கியம்மாள் என்ற மனைவியும், அவர்களுக்கு வீரபாண்டியன், சங்கர், முருகேசன் என்ற மூன்று மகன்களும் உள்ளனர். இதில் வீரபாண்டியனின் மனைவி வேணி அவர்கள் மேலகரம் பேரூராட்சி மன்ற தலைவராக இருந்து வருகிறார். அதாவது மறைந்த மேலகரம் பேரூர் செயலாளர் ஈ.சுடலை அவர்களின் மருமகள் ஆவார்.

இது பற்றிய தகவல் அறிந்ததும் 10.-05.-2026 ஞாயிறு அன்று தென்காசி தெற்கு மாவட்டப் பொறுப்பாளர் வே.ஜெயபாலன், தென்காசி நாடாளுமன்ற உறுப்பினர் மரு.ராணி ஸ்ரீகுமார், தென்காசி நகர செயலாளர் சாதிர், குற்றாலம் பேரூராட்சி செயலாளர் குட்டி உட்பட கழக நிர்வாகிகள் பலர் அன்னாரது இல்லத்திற்கு சென்று மறைந்த பேரூர் செயலாளர் ஈ.சுடலை அவர்களின் உடலுக்கு மலர் வளையம் வைத்து அஞ்சலி செலுத்தினர்.

அன்னாரின் இறுதிச்சடங்கு நேற்று முன்தினம் (11-.05.-2026 திங்கட்கிழமை) காலை 10 மணி அளவில் அவரது இல்லத்தில் நடைபெற்றது.

இதில் கழக இணை அமைப்பு செயலாளர் அன்பகம் கலை பங்கேற்று அன்னாரது உடலுக்கு மலர்வளையம் வைத்து அஞ்சலி செலுத்தி குடும்பத்தினருக்கு ஆறுதல் கூறினார்.இரங்கல் நிகழ்வில் தென்காசி தெற்கு மாவட்ட முன்னாள் செயலாளர் பொ.சிவபத்மநாதன், முன்னாள் கடையநல்லூர் ஒன்றிய செயலாளர் காசி தர்மம் துரை, கடையம் மேற்கு ஒன்றிய செயலாளர் ஜெயக்குமார், மாவட்ட ஊராட்சி உறுப்பினர் சாக்ரடீஸ், வழக்கறிஞர் வேலுச் சாமி, குற்றாலம் பேரூர் செயலாளர் குட்டி, தொழிலதிபர் வினோத், மாவட்டப் பிரதி ஸ்டீபன்சத்யராஜ், கல்லூரணி ஊராட்சி மன்ற தலைவர் ராஜ்குமார், மேலகரம் பேரூராட்சி துணைத் தலைவர் ஜீவானந்தம், அவை தலைவர் சலீம், மேலகரம் பொருளாளர் ரமேஷ், மேலகரம் கவுன்சிலர்கள் கபில், நாகராஜ், சிங்கத் துரை, சுந்தர்,

மாவட்ட மாணவரணி துணை அமைப்பாளர் கதிர், பாலசுப்பிரமணியம், கணேசன், கல்யாணி சந்திரன், பட்டன், வீரபாண்டியன், மாரியப்பன், குற்றாலம் வார்டு செய லாளர் கணேசன், ஜெய்சங்கர், வினோத், குற்றாலம் குத்தா லிங்கம், குமார், குடியிருப்பு கணேசன், கீழபாவூர் மேற்கு ஒன்றிய இளைஞரணி துணை அமைப்பாளர் ஹரிகிருஷ்ணன், வார்டு செயலாளர் குத்தாலிங்கம் மற்றும் கழக நிர்வாகிகள், கழகத் தொண்டர் கள் திரளாக கலந்து கொண்டனர்.

தென்காசி, மே.13–

தென்காசி தெற்கு மாவட்டம், தென்காசி ஒன்றியம், மேலகரம் பேரூர் செயலாளர் இ.சுடலை (வயது 57) அவர்கள் 9.5.2026 அன்று இயற்கையெய்தினார் என்பதை அறிவிக்க வருந்துகிறோம்.

இச்செய்தியறிந்ததும் கழகத் தலைவர் மு.க.ஸ்டாலின் அவர்கள் தமது ஆழ்ந்த இரங்கலைத் தெரிவித்துள்ளார். அந்த இரங்கல் செய்தியில், “தென்காசி மாவட்டம், தென்காசி ஒன்றியம், மேலகரம் பேரூர்க் கழகச் செயலாளர் இ.சுடலை அவர்கள் உடல்நலக் குறைவால் இயற்கையெய்தினார் என்ற செய்தியறிந்து வருந்தினேன். மேலகரம் பேரூர் கழக செயலாளராக திறம்பட பணியாற்றிய இ.சுடலை அவர்களின் மறைவு தவிர்க்க முடியாத பேரிழப்பாகும். அவரை இழந்து வாடும் அவர் குடும்பத்தினருக்கும், அப்பகுதி கழகத்தினருக்கும் ஆழ்ந்த இரங்கலை தெரிவித்துக் கொள்கிறேன்.” என்று குறிப்பிட்டுள்ளார்.