சென்னை, மே 14 –
‘‘பேரறிஞர் அண்ணா அவர்கள் வழியில் தி.மு.க. ஆக்கப்பூர்வமான எதிர்க்கட்சி யாகச் செயல்படும்’’ என்றும், ‘‘தமிழ்நாட்டின் உரிமைகளுக்காக – வளர்ச்சிக்காக இணைந்தே பயணிப்போம்’’ என்றும் சட்டப் பேரவைத் தலைவர் அவர்களை வாழ்த்தி உரையாற்றுகையில் எதிர்க்கட்சித் தலைவர் உதயநிதி ஸ்டாலின் அவர்கள் குறிப்பிட்டார்.
புதிதாகத் தேர்ந்தெடுக்கப்பட்ட சபாநாயகர் மற்றும் துணை சபாநாயகரை வாழ்த்தி, சட்டப்பேரவையில் எதிர்க்கட்சித்தலைவர் உதயநிதி ஸ்டாலின் அவர்கள் ஆற்றிய உரை வருமாறு :–
பேரவைத் தலைவர் அவர்களே! துணைத் தலைவர் அவர்களே! முதலமைச்சர் அவர்களே!
17-வது சட்டமன்றப் பேரவையின் எதிர்க்கட்சித் தலைவராக எனது முதல் உரை இது.
பகுத்தறிவுப் பகலவன் தந்தை
பெரியார், தமிழ்நாட்டின் தலைமகன்
பேரறிஞர் அண்ணா, நவீனத் தமிழ்நாட்டின் சிற்பி முத்தமிழறிஞர் டாக்டர்
கலைஞர், இந்தியாவுக்கே வழிகாட்டிய திராவிட மாடல் ஆட்சியைத் தந்த திராவிட முன்னேற்றக் கழகத்தின் தலைவர்
முத்துவேல் கருணாநிதி ஸ்டாலின் என எங்களுடைய தலைவர்களை எல்லாம் வணங்கி என்னுடைய இந்த உரையைத் தொடங்குகிறேன்.
வாக்காளர்களுக்கு நன்றி!
முதலில் என்னை இரண்டாவது முறையாகத் தேர்ந்தெடுத்து இந்தச் சட்டமன்றத்திற்கு அனுப்பிய சேப்பாக்கம்- –
திருவல்லிக்கேணி தொகுதி மக்களுக்கு என்னுடைய நன்றியை நான் இங்கே தெரிவித்துக் கொள்கிறேன்.
அதேபோல எங்கள் தலைவர்
தலைமையிலான திராவிட முன்னேற்றக் கழகத்தின் கூட்டணிக்கு 1 கோடியே 54 லட்சத்து 82 ஆயிரத்து 782 வாக்குகளைத் தந்த தமிழ்நாட்டு மக்களுக்கு
என்னுடைய நன்றியை நான் தெரிவித்துக் கொள்கிறேன்.
அதேபோல் எங்களுடைய கூட்டணி சட்டமன்ற உறுப்பினர்களின் வெற்றிக்காக உழைத்த திராவிட முன்னேற்றக்
கழகத்தின் அனைத்து நிர்வாகிகளுக்கும், முத்தமிழறிஞர் டாக்டர் கலைஞரின்
உயிரினும் மேலான அன்பு உடன்பிறப்புகளுக்கும், தோழமை இயக்கத் தலைவர்களுக்கும், தொண்டர்களுக்கும் என்னுடைய நன்றியை நான் தெரிவித்துக் கொள்கிறேன்.
இந்த அவையில் என்கூட நின்று எனக்கு வழிகாட்டக்கூடிய எதிர்க்கட்சித் துணைத் தலைவர் கே.என்.நேரு
அவர்களுக்கும், எங்களுடைய கொறடா
எ.வ.வேலு அவர்களுக்கும், துணை கொறடா கோவி.செழியன், செயலாளர் தங்கம் தென்னரசு, பொருளாளர்
எம்.ஆர்.கே.பன்னீர்செல்வம் ஆகியோ ருக்கும், கழக சட்டமன்ற உறுப்பினர்களுக்கும் என்னுடைய நன்றியைத் தெரிவித்துக் கொள்கிறேன்.
சட்டமன்றத்தில் நேற்று முன்தினம்நாம்அத்தனை பேரும் பதவிப் பிரமாணம்செய்துகொண்டோம். அதன் பின்பு இன்று முதல் நடவடிக்கையாகப்பேரவைத்