புது­டெல்லி, மே 14–

முறை­கேடு புகார் கார­ண­மாக கடந்த 3ஆம் தேதி நடை­பெற்ற நீட் தேர்வு ரத்து செய்­யப்­ப­டு­வ­தா­க­வும், மறுத்­தேர்வு நடத்­தப்­ப­டும் என்­றும் தேசிய தேர்வு முகமை அறி­வித்­துள்­ளது. இத­னால், 20 லட்­சம் மாண­வர்­கள் பாதிக்­கப்­ப­டும் சூழல் உரு­வா­கி­யுள்­ளது.

மருத்­து­வப் படிப்­புக்­கான நுழைத்­தேர்­வான நீட் தேர்வு கடந்த 3 ஆம் தேதி நாடு முழு­வ­தும் நடை­பெற்­றது. 551 நக­ரங்­க­ளில் நடை­பெற்ற தேர்­வில் 22 லட்­சத்து 5 ஆயி­ரம் மாண­வர்­கள் தேர்வு எழு­தி­னர். ராஜஸ்­தான், உத்­த­ர­காண்ட், மகா­ராஷ்­டிரா மாநி­லங்­க­ளில் மொத்த மதிப்­பெண் 720, அதில் 600 மதிப்­பெண்­ணுக்­கான கேள்­வி­கள் மாண­வர்­க­ளுக்கு 5 லட்­சம் ரூபாய்க்கு விற்­பனை செய்­யப்­பட்­டது தெரி­ய­வந்­தது. இத­னைத்­தொ­டர்ந்து ராஜஸ்­தான் புல­னாய்வு காவல்­துறை வழக்­குப்­ப­திவு செய்து விசா­ரணை நடத்தி வரு­கி­றது. இது தொடர்­பாக 15 பேர் கைது செய்­யப்­பட்­டுள்ள நிலை­யில், மறுத்­தேர்வு நடத்த வேண்­டும் என்ற கோரிக்கை பல்­வேறு தரப்­பி­லும் எழுந்­தது.

இந்­நி­லை­யில், முறை­கேடு புகார் கார­ண­மாக கடந்த 3ஆம் தேதி நடை­பெற்ற நீட் தேர்வு ரத்து செய்­யப்­ப­டு­வ­தா­க­வும், மறுத்­தேர்வு நடத்­தப்­ப­டும் என்­றும் தேசிய தேர்வு முகமை அறி­வித்­துள்­ளது.

மறுதேர்­வுக்­கான தேதி விரை­வில் அறி­விக்­கப்­ப­டும் என்­றும் மத்­திய புல­னாய்வு பிரிவு முறை­கேடு தொடர்­பாக விசா­ரணை நடத்தி வரு­வ­தா­க­வும், அதற்கு முழு ஒத்­து­ழைப்பு வழங்­கப்­ப­டும் என்­றும் தேசிய தேர்வு முகமை தெரி­வித்­துள்­ளது. நீட் தேர்வே சுமை என கூறி வரும் நிலை­யில், முறை­கேடு மறுத்­தேர்வு என்­பது மாண­வர்­க­ளுக்கு பெரும் சுமை­யாக மாறி­யுள்­ளது. இத­னால், 20 லட்­சம் மாண­வர்­கள் மீண்­டும் தேர்வு எழுத வேண்­டிய சூழல் உரு­வா­கி­யுள்­ள­தால் அவர்­க­ளுக்கு மன­நல ஆலோ­சனை வழங்க வேண்­டும் என்ற கோரிக்­கை­யும் எழுந்­துள்­ளது.