கேள்வி:
இந்த மே மாதம் 3- ஆம் தேதியன்று
நடத்தப்பட்ட “நீட்” தேர்வு ரத்து செய்யப்
பட்டிருக்கிறதே ?
பதில்:
வினாத்தாள் முன் கூட்டியே வெளியானது
உள்ளிட்ட பல்வேறு முறைகேடுகளின் காரணமாக நடந்த ''நீட்'' தேர்வை ரத்து செய்திருக்கிறார்கள். மறு தேர்வு
நடத்தப்படும் என்றும் அறிவிக்கப்பட்டுள்ளது.
"நீட்" தேர்வு முறைகேடுகள் என்பது புதியதல்ல. ஒவ்வோராண்டும் முறைகேடுகள் நடந்த வண்ணம்தான் உள்ளன.
நடந்த தேர்வை ரத்து செய்வதாலும், மறு தேர்வு நடத்த உத்தேசிக்கப்பட்டுள்ளதாலும், மருத்துவப் படிப்பை வாழ்நாள் நோக்கமாகக் கொண்டு உழைத்துப் படித்துப் பாடுபட்ட லட்சக்கணக்கான மாணவ, மாணவியரும், பெற்றோரும் தாங்கவொண்ணா மன அழுத்தத்திற்கும், கவலைக்கும், தேவையில்லா பணச் செலவுகளுக்கும் உட்படுத்தப்பட்டுள்ளனர்.
முறைகேடுகளுக்கும், மன அழுத்தத்திற்கும், பணச் செலவுக்கும் வழிவகுத்து வரும் "நீட்" தேர்வு முழுமையாக ரத்து செய்யப்பட வேண்டும் என்பதுதான் தொடக்கம் முதலே தி.மு.க.வின் நிலைப்பாடு.