#Title

திருவண்ணாமலை தெற்கு, வடக்கு மாவட்ட தி.மு.க. செயற்குழுக் கூட்டம் ! முன்னாள் பொதுப்பணித் துறை அமைச்சர் எ.வ.வேலு சிறப்புரை!

திருவண்ணாமலை, மே 14–

திருவண்ணாமலைதெற்கு, வடக்கு மாவட்ட தி.மு.க.செயற்குழுக்கூட்டம் நடைபெறவுள்ளது. செயற்குழுக் கூட்டத்தில் கலந்துகொண்டு, முன்னாள் பொதுப்பணித்துறை அமைச்சர் எ.வ.வேலு அவர்கள் தீர்மானங்களை விளக்கி சிறப்புரையாற்று கிறார்.

இதுகுறித்து மாவட்டதி.மு.க.அலுவலகம் வெளியிட்டுள்ள செய்தியில் நாளை (15.05.2026 வெள்ளிக்கிழமை) காலை 9.30மணிக்கு, திருவண்ணாமலை, திருக்கோயிலூர் ரோடு,சாரோனில் உள்ள மாவட்டதி.மு.க.அலுவலகத்தில், திருவண்ணா மலை தெற்கு, வடக்கு மாவட்ட திமுக செயற்குழுக் கூட்டம் நடைபெறவுள்ளது.

செயற்குழுக் கூட்டத்திற்கு தெற்குமாவட்ட அவைத் தலைவர் கோ.கண்ணன் தலைமை வகிக்கிறார்.

முன்னாள் சட்டப்பேரவை துணைத்தலைவர் கு.பிச்சாண்டி, வடக்கு மாவட்ட செயலாளர் எம்.எஸ்.தரணிவேந்தன்.எம்.பி., வடக்கு மாவட்ட அவைத் தலைவர் இரா.ராஜசேகர் ஆகியோர் முன்னிலை வகிக்கின்றனர்.

திருவண்ணாமலை தெற்கு, வடக்கு மாவட்ட திமுக செயற்குழுக் கூட்டத்தில் கழக ஆக்கப்பணிகள் குறித்து விவாதிக்கப்படவுள்ளது.

மாவட்ட செயற்குழுக் கூட்டத்தில் கலந்துகொண்டு,தி.மு.க.சட்டமன்ற கொறடாவும், கழக உயர்நிலை செயல்திட்டக்குழு உறுப்பினருமான எ.வ.வேலு அவர்கள் தீர்மானங்களை விளக்கி சிறப்புரை ஆற்றுகிறார்.

செயற்குழுக் கூட்டத்தில் மாவட்ட கழக நிர்வாகிகள், நாடாளுமன்ற, முன்னாள், இந்நாள் சட்டமன்ற உறுப்பினர்கள், தலைமைச் செயற்குழு, பொதுக்குழு உறுப்பினர்கள், ஒன்றிய, நகர, பேரூர் செயலாளர்கள், பகுதிக் கழக பொறுப்பாளர்கள், மாவட்ட அணிகளின் அமைப்பாளர்கள், மாவட்ட பிரதிநிதிகள் ஆகியோர் கலந்து கொள்கின்றனர்.

இவ்வாறு அதில்தெரிவிக்கப்பட்டுள்ளது.