நாமக்கல் மாவட்ட இராசிபுரம் தொகுதி விடுதலைத் சிறுத்தைகள் கட்சி மாவட்டச் செயலாளரும் வழக்கறிஞருமான மகேந்திரன் உடல்நலக்குறை வால் மறைவெய்தினார். அவரது மறைவுக்கு நாமக்கல் கிழக்கு மாவட்டக் கழக செயலாளரும் மாநிலங்களவை உறுப்பினரும், நாமக்கல் மாவட்டம் மத்திய கூட்டுறவு வங்கி தலைவருமான கே.ஆர்.என். இராஜேஸ்குமார் அவரது இல்லத்திற்கு நேரில் சென்று, மறைந்த வழக்கறிஞர் மகேந்திரன் உருவப்படத்திற்கு மலரஞ்சலி செலுத்தி குடும்பத்தினருக்கு ஆறுதல் தெரிவித்தார். இந்நிகழ்வில் மாநகராட்சி மேயர் து.கலாநிதி, நாமக்கல் கிழக்கு நகரச் செயலாளரும் துணை மேயருமான செ.பூபதி, பட்டணம் பேரூர் கழக செயலாளர் பொன். நல்லதம்பி, புதுச்சத்திரம் தெற்கு ஒன்றியக் கழகச் செயலாளர் ஆர்.ஜெயபிரகாஷ், சார்பு அணி அமைப்பாளர்கள் பொன்.சித்தார்த், ராஜவேல், முரளி, வார்டு செயலாளர் ஆனந்த், மாமன்ற உறுப்பினர் கிருஷ்ணமூர்த்தி மற்றும் வி.சி.க. நிர்வாகிகள் உள்ளிட்ட பலர் கலந்து கொண்டனர்.