சென்னை, மே 15–
பயணிகள் பாதுகாப்பு மற்றும் கண்காணிப்பை பலப்படுத்தும் வகையில், சென்னை ரயில்வே கோட்டத்தில் பூங்கா நகர், தண்டையார்பேட்டை, கொருக்குப்பேட்டை உட்பட 13 ரயில் நிலையங்களில் 495 சிசிடிவி கேமராக்கள் நிறுவும் பணி முழுவீச்சில் நடைபெறுகின்றன.
சென்னை ரயில்வே கோட்டத்தில் சென்னை கடற்கரை - செங்கல்பட்டு, சென்னை சென்ட்ரல் - அரக்கோணம் உட்பட பல்வேறு புறநகர் ரயில் வழித்தடங்களில் உள்ள ரயில் நிலையங்களில் சிசிடிவி கேமராக்களை நிறுவி, தீவிரமாக கண்காணிக்கப்படுகின்றன.
அந்த வகையில், கடந்த நிதியாண்டில் மட்டும், எண்ணூர், அத்திப்பட்டு, மீஞ்சூர், பொன்னேரி, கவரைப்பேட்டை, வில்லிவாக்கம், கொரட்டூர், திருமுல்லை வாயல், ஆவடி, பட்டாபிராம், நெமிலிச்சேரி, திருநின்றவூர், செவ்வாப்பேட்டை, புட்லூர், ஏகா ட்டூர், கடம்பத்தூர், செஞ்சி பனம்பாக்கம், வண்ணாரப்பேட்டை, ராயபுரம் மற்றும் மணவூர் ஆகிய 26 ரயில் நிலையங்களில் 923 சிசிடிவி கேமராக்கள் செயல்பாட்டுக்குக் கொண்டு வரப்பட்டுள்ளன.
அந்த இடங்களில் நிகழ்நேர கண்காணிப்புத் திறனை மேம்படுத்தி, பயணிகளின் பாதுகாப்பை உறுதி செய்யப்படுகிறது. இதன் தொடர்ச்சியாக, 13 ரயில் நிலையங்களில் சிசிடிவி கேமராக்கள் நிறுவும் பணி முழுவீச்சில் நடைபெறுகின்றன.
இதுகுறித்து, சென்னை ரயில்வே கோட்ட அதிகாரிகள் கூறியதாவது: ரயில் நிலையங்களில் பயணிகள் பாதுகாப்பை உறுதி செய்யும் வகையில், பல்வேறு நட வடிக்கை எடுக்கப்படுகிறது.
இதன் ஒருபகுதியாக, பயணிகள் அதிகம் வந்து செல்லும் ரயில் நிலையங்களில் பாதுகாப்பை உறுதி செய்ய, சிசிடிவி கேமராக்கள் நிறுவி, தீவிரமாக கண்காணிக்கப்படுகிறது.
அந்தவகையில், பூங்கா நகர், தண்டையார்பேட்டை, கொருக்குப்பேட்டை,கத்திவாக்கம், வியாசர்பாடி ஜீவா, பெரம்பூர், பெரம்பூர் கேரேஜ் ஒர்க்ஸ், அம்பத்தூர், வேப்பம்பட்டு, மோசூர், புளியமங்கலம், திருத்தணி மற்றும் ஆம்பூர் உள்ளிட்ட 13 முக்கிய ரயில் நிலையங்களில் 495 சிசிடிவி கேமராக்களைநிறுவும் பணி தற்போது நடைபெறுகின்றன. இதன் மூலம் பயணிகள் மற்றும் செயல்பாட்டு மண்டலங்களில் கண்காணிப்பு மேலும் பலப்படுத்தப்படும்.
இவ்வாறு அவர்கள் கூறினர்.
திருவள்ளூர் மேற்கு மாவட்டம் கடம்பத்தூர் மேற்கு ஒன்றிய தி.மு.க. சார்பில் ஒன்றிய கழகச் செயலாளர் மோ.ரமேஷ், ஏற்பாட்டில் தலைமை செயற்குழு உறுப்பினரும் முன்னாள் சட்டமன்ற உறுப்பினருமான வி.ஜி.ராஜேந்திரன் கலந்துகொண்டு நீர் மோர் பந்தலை திறந்து வைத்து பொதுமக்களுக்கு குடிநீர், மோர், இளநீர், தர்பூசணி, கிருனி பழம், பனணுங்கு, குளிர்பானங்கள் ஆகியவற்றை வழங்கினார். உடன் ஒன்றிய நிர்வாகிகள் கோபால், ரவி, கீதா முனுசாமி, ஏகாம்பரம், சரத், டாக்டர் முரளி, ஆர்.மனோஜ், ராஜா, தட்சிணாமூர்த்தி, கருணாநிதி, மணிகண்டன், நீலாவதி ராஜேந்திரன், சீனிவாசன், கே.பி. எஸ்.கார்த்திக், தமிழ்மொழி, சதாசிவம், சரவணன், மற்றும் கழக நிர்வாகிகள் பலர் கலந்து கொண்டனர்.
சென்னை கிழக்கு மாவட்டம் திரு.வி.க. நகர் தெற்கு பகுதி கழகம் சார்பில் மதசார்பற்ற முற்போக்குக் கூட்டணி கழக வேட்பாளர் வழக்கறிஞர் கே.எஸ். ரவிச்சந்திரன் வாக்களித்த வாக்காளர்களுக்கு
73, 73அ, 75, 75அ, 76, 76அ ஆகிய வட்டங்களில் நன்றி தெரிவித்தார். பகுதி கழக செயலாளர்
எம்.சாமிகண்ணு, வட்ட கழக செயலாளர்கள் எம்.தமீம், பொல்லு, எ.டி.சுரேஷ்குமார், எஸ்.சசிகுமார், எஸ்.வெங்கடேசன், வி.கா.வெங்கடேசன், பா.பி.தாஸ், அ.கோவிந்தன், த.கருணாநிதி, அ.கருணாநிதி, இரா.வீரமணி, எம்.பெரோஸ் கான், க.ராஜ் முகமது, கனல்கங்கா, இரா.புருஷோத்தமன், எஸ்.பாபு, மெடிக்கல் கே.ஆர்.சதீஷ் மற்றும் கழக நிர்வாகிகள், பி.எல்.ஏ.2, கழக தோழர்கள் பெருந்திரளாக கலந்து கொண்டனர்.