சென்னை, மே 15–
சட்டப்பேரவையில் கழக எதிர்க்கட்சித் தலைவர் உதயநிதி ஸ்டாலின் அவர்கள் பேசியது குறித்து ‘தினகரன்’ நாளேடு நெற்றிப் பொட்டில் நச்... என தனது கருத்தை பதிவு செய்துள்ளார் என தனது தலையங்கத்தில் பாராட்டு தெரிவித்துள்ளது.
அது வருமாறு:
தமிழக சட்டப்பேரவையில் எதிர்க்கட்சி தலைவ ரான உதயநிதிஸ்டாலின் நிகழ்த்திய முதல் உரையானது அரசியல் களத்தில் மட்டு மல்லாது பொதுமக்களிடமும் வரவேற்பை பெற் றுள்ளது. தமிழ்நாட்டில் 34.92 சதவீதம் மக்கள்
மட்டுமே த.வெ.க.வை ஆதரித்துள்ளனர். மீதமுள்ள 65 சதவீத மக்கள் த.வெ.க.வை நிராகரித்துவிட்டனர்.தி.மு.க. தலைவர் மு.க.ஸ்டாலின் அமைத்த கூட்டணி கட்சிகளின் ஆதரவில்தான் த.வெ.க. ஆட்சியமைத்து இருக்கிறது என நெற்றிப்பொட்டில் அடிப்பது போல அவரது பேச்சு அமைந்திருந்தது. அ.தி.மு.க. இரண்டாக பிளவுபட்டு இருக்கிறது. அதில் ஒரு தரப்பு ஆதரவை சூட்சும மாக பெற்றுள்ளீர்கள் எனவும் தெரிவித்துள்ளார்.
பிளவுப்பட்ட ஒரு கட்சியினர் வீட்டுக்கு புது சோபா ஒன்றுபோகிறது. சோபா பின்னால் புது முதல்வரும் வீட்டிற்கு செல்கிறார். புதுமையான ஆட்சி, புதுமையான ஆட்சி என்று சொன்னீர்கள். இன்றைக்கு புஷ்பா படம் பாணியில் ஆட்சி நடந் துக்கொண்டிருக்கிறது என பொரிந்து தள்ளினார்.
எல்லா கட்சி தலைவர்களையும் மரியாதை நிமித்தமாக சந்தித்த முதல்வர் விஜய், அ.தி.மு.க. பொதுச்செயலாளரான எடப்பாடி பழனிசாமியை சந்திக்காதது பெரும் சந்தேகத்தை ஏற்படுத்தியுள்ளது எனவும் தனது கருத்தை வலுவாக பதிவு செய்துள்ளார்.
இந்த ஆட்சிக்கு நம்பிக்கை கொடுத்த எங்கள் தோழமை கட்சியின் நம்பிக்கையும் கொஞ்சம். கொஞ்சமாக சிதைத்து கொண்டிருக்கிறது எனவும் நச்...சென தனது கருத்தை பதிவுசெய்துள்ளார்.
தேர்தல் நேரத்தில், ஊழல்சக்தி.. ஊழல் சக்தி.. என்று சொன்னீர்கள். இன்றைக்கு சமூக வலைத்த ளங்களில் மக்கள் உங்களை கேள்வி கேட்க ஆரம்பித்து விட்டார்கள். கூவத் தூரையே மிஞ்சும் அளவிற்கு நீங்கள் கூத்தடிப்பதை பார்க்கும்போது, இந்த அரசு எத்தனை நாட்களுக்கு நீடிக்கப்போகுதுஎன்று மக்களுக்கு சந்தேகம் வந்துவிட்டது என்றும் கடுமையாக சாடினார்.
எம்.எல்.ஏ.க்களை எல்லாம் கடன் பெற்று ஆட்சி நடத்துகின்ற முதல்வர், கடந்த தி.மு.க. ஆட்சியில், நாட்டின் வளர்ச்சிக்காக பெற்ற கடனை தவறாக எடுத்துரைத்து மக்களை திசை திருப்புகிறார். இந்த அரசு நல்லாட்சி தரும் என்று மக்களுக்கு துளியும் நம்பிக்கை இல்லை எனவும் காட்டமாக விமர்சித்தார். மேலும், இந்த ஆட்சி தொடர தடையாக இருக்க மாட்டோம். நம்பிக்கை வாக்கெடுப்பில் இருந்து விலகி, வெளிநடப்பு செய்கிறோம் எனக்கூறி கெத்தாக அவையை விட்டு, வெளியே சென்றார்.
இப்படி, அடிமேல் அடி கொடுத்து அசத்தலாக பேசிய உதயநிதிபேச்சை, அவை உறுப்பினர்கள் அனைவரும் மவுனமாக கேட்டுக்கொண்டே இருந்தனர். முதல்வர் விஜயும் மவுனமாக கேட் டுக்கொண்டிருந்தார். உதயநிதி பேச்சு, அரசியல் வட்டாரம் மட்டுமின்றி பொதுமக்கள் மத்தியிலும் பெரும் வரவேற்பை பெற்றது.
அவரது பேச்சை வரவேற்று, நடிகர் சத்திய ராஜ் வெளியிட்ட வீடியோ, புதிய திருப்பமாக பார்க்கப்படுகிறது. ‘ஒரு அரசியல்வாதி கடைப் பிடிக்க வேண்டிய கடமை, கண்ணியம் மற்றும் கட்டுப்பாடு ஆகிய மூன்றையும் முழுமையாக வெளிப்படுத்தியுள்ளார். நீண்ட இடைவெளிக்கு பிறகு சட்டமன்றத்தில் இவ்வளவு தெளிவான மற்றும் நேரடியான பேச்சு கேட்கப்பட்டது’ என பாராட்டி உள்ளார்.
சட்டமன்றத்தில் ஆளும்கட்சி பலம் கொண்டவை யாக இருந்தாலும், எதிர்கட்சிகள் முன்வைக்கும் மக்கள் பிரச்சினையை ஆராய்ந்து, நடவடிக்கை எடுத்தாக வேண்டும். இல்லையேல், மக்கள் மன்றத்தில் தோற்றுப்போக நேரிடும். அதைத்தான் உதயநிதி ஸ்டாலின் அழுத்தம், திருத்தமாக
பதிவுசெய்தார்.
இவ்வாறு ‘தினகரன்’ எதிர்க்கட்சித் தலைவர் உதயநிதி ஸ்டாலின் அவர்களை பாராட்டியுள்ளது.