பொ
துவாக
சோபா மீது உட்காரலாம்!
விளையாடலாம்!
முதுகு சாய்த்து ஓய்வெடுக்கலாம்!
படுக்கையாக்கிப் படுக்கலாம்!
மாற்றம் வேண்டுமென்று எக்ஸ்சேஞ்ச் ஆஃபரில்
சோபா கொடுத்து
அரியணையும் வாங்கலாம்!
சோபாவுக்குள் பஞ்சும் இருக்கலாம்!
தேங்காய் நாரும் இருக்கலாம்
ஃபோம் இருக்கலாம்
லட்சுமி தாண்டவமாடும் தாளும் இருக்கலாம்
கோலார் தங்க வயலின் சாயலும் இருக்கலாம்!
கொடுக்கல் வாங்கலின்
ஆழம் அகலம் நீளம் பொறுத்தது அது!
நம் வீட்டுக்கு
விருந்தினர் வரும்போது
நம் சோபாவில்தான் உட்கார வைப்போம்
ஆனால்
விருந்தினராகச் செல்லும் வீட்டுக்கும்
தானே சோபாவைத்
தூக்கிக் கொண்டு போவது என்பது
லாட்டரியில் கிடைக்கும் ஜாக்பாட்
பம்பர் பரிசு வகையானது!
நல்ல வேளை
எந்த
சோபாவுக்கும்
வாய் இல்லை!
உள்ளே திணித்திருப்பதை
சோபாவால் சொல்ல முடியாது!
வாழ்க புது சோபா!
(இது சோபா பற்றிய கவிதை மட்டுமே )