அடுத்து, அதே பா.ஜ.க. தலைமையிலான தேசிய ஜனநாயக கூட்டணியில் இருக்கக்கூடிய பெரிய கட்சியான அ.தி.மு.க. கிட்டத்தட்ட இரண்டாகப் பிளவு பட்டிருக்கிறது.
பிளவுபட்ட ஒரு அணி உங்களுக்கு ஆதரவு தெரிவித்திருக்கிறார்கள். அடுத்து நடந்த இன்சிடென்ட்தான் ஒரு மிகப்பெரிய ட்விஸ்ட். பிளவுபட்ட குரூப்பில் இருக்கக்கூடிய ஒரு தலைவரின் வீட்டிற்கு ஒரு புது சோபா செல்கிறது. சோபா பின்னாடியே புது முதலமைச்சரும் செல்கிறார். புதுமையாக ஆட்சி நடத்துவீர்கள் என்று பார்த்தால், `புஷ்பா’ படம் போல் ஆட்சி நடத்துகிறீர்கள். தேர்தல் நேரத்தில் ஊழல் சக்தி என்று சொன்னீர்கள். ஆனால், இன்றைக்கு சோஷியல் மீடியாவில் மக்கள் உங்களைப் பார்த்துக் கேள்வி கேட்க ஆரம்பித்து விட்டார்கள்.
என்ன கேட்கிறார்கள் தெரியுமா? அந்த ஊழல் சக்தியோடு சேர்ந்து இருக்கின்ற ஆளுங்கட்சியை, இப்போது என்ன சக்தி என்று கூறப்போகிறீர்கள்? `க்ளீன் கவர்மென்ட்’ என்று சொன்னீர்கள் இதுதான் உங்கள் ‘கிளீன் கவர்மென்ட்டின் லட்சணமா’ என்று மக்கள் கேட்க ஆரம்பித்து விட்டார்கள்.
இப்படி நீங்கள் கூவத்தூரையும் மிஞ்சுகின்ற அளவிற்கு, அடிக்கின்ற கூத்தைப் பார்க்கும்போது, இந்த அரசு எத்தனை நாளைக்கு நீடிக்கப் போகிறது என்று மக்களுக்கு சந்தேகம் வர ஆரம்பித்துவிட்டது. `முதல் கோணல் முற்றிலும் கோணல் என்பது மாதிரி, உங்கள் நடவடிக்கைகள் எல்லாமே இன்றைக்கு எல்லை மீறி நடந்து கொண்டிருக்கின்றன.
தவறான கருத்துகளுடன்
மக்களை திசை திருப்பும் முயற்சி!
இப்படி எம் எல் ஏக்களையெல்லாம் கடன் பெற்று ஆட்சி நடத்துகின்ற முதலமைச்சர், தான் அளித்துள்ள போலி வாக்குறுதிகளை நிறைவேற்ற முடியாது என்று தெரிந்தவுடன், முந்தைய அரசு அதாவது எங்களுடைய அரசு வளர்ச்சிக்காக பெற்ற கடன் குறித்து, தவறான கருத்துக்களைத் தந்து, மக்களை இன்றைக்கு திசை திருப்ப முயற்சி செய்து கொண்டிருக்கிறார்.
பெரும்பான்மையும் இல்லாத,
அரசியலில் அடிப்படை நேர்மையும் அல்லாத இந்த அரசு நல்லாட்சி தரும், தமிழ்நாட்டு மக்களின் உரிமைக்காகப் போராடும் என்று மக்களுக்கு துளியும் நம்பிக்கை இல்லை.
முக்கியமான ஒரு விஷயத்தை இங்கு பதிய வைக்க நான் விரும்புகிறேன்.
உங்களுக்கு ஓட்டுப் போட்ட மக்களே, நடப்பதை எல்லாம் பார்த்துவிட்டு ஒரு பெரிய தவறை செய்து விட்டோமே என்று இன்று வருத்தப்பட ஆரம்பித்து விட்டார்கள். மக்களின் அந்த உணர்வை வெளிப்படுத்தும் விதமாக இந்த ஓட்டெடுப்பில் கலந்து கொள்ளாமல், திராவிட முன்னேற்றக் கழக உறுப்பினர்கள் நாங்கள் வெளிநடப்பு செய்யப் போகிறோம்.
நாங்கள் வெளிநடப்பு செய்தாலும், அதனால் பேரவையின் எண்ணிக்கை அளவு குறைந்து, நீங்கள் நிச்சயம் இந்த வாக்கெடுப்பில் வெற்றி பெறத்தான் போகிறீர்கள். அப்படி வெற்றி பெற்ற பிறகாவது மக்களின் நம்பிக்கையைக் காப்பாற்றுகின்ற வகையில், உங்களின் பணிகள் இருக்க
வேண்டும்.
எங்களின் தலைவர் முத்துவேல் கருணாநிதி ஸ்டாலின் அவர்கள், கடந்த ஐந்து வருடமாக, ஒவ்வொரு குடும்பத்துக்கும் பார்த்து பார்த்து திட்டங்களை நிறைவேற்றிக் கொடுத்தார்.
அந்தத் திட்டங்களை எல்லாம் நீங்கள் தொடர வேண்டும். தயவுசெய்து அதில் அரசியல் செய்ய வேண்டாம்.
மகளிர் உரிமைத் தொகைக்காக
காத்திருக்கும் மக்கள்!
ஏனென்றால், இந்த மாதம் 15-ஆம் தேதி கலைஞர் மகளிர் உரிமைத்தொகைக்காக, ஒரு கோடியே 31 லட்சம் மகளிர் காத்துக் கொண்டிருக்கிறார்கள். அந்த ஆயிரம் ரூபாய் வருமா என்று காத்துக் கொண்டிருக்கிறார்கள். அதே மாதிரி புதுமைப்பெண் திட்டம், தமிழ்ப்புதல்வன் திட்டங்களில் கல்லூரிக்குச் செல்கின்ற மாணவர்களுக்கு மாதந்தோறும் வருகின்ற கல்வி ஊக்கத்தொகை, ஏழாம் தேதி கொடுத்திருக்க வேண்டும். இதுவரை வரவில்லை. அவர்களும் காத்துக் கொண்டிருக்கிறார்கள்.
இப்போது பள்ளிகள் இல்லை
என்றாலும், ஜூன் மாதம் பள்ளிகளைத் திறக்கப் போகிறார்கள். அப்போது காலை உணவுத் திட்டத்திற்காக பள்ளி மாணவர்கள் எல்லாம் காத்துக் கொண்டிருக்கிறார்கள். இப்படி பல்வேறு
திட்டங்கள் இருக்கின்றன. `நான் முதல்வன் திட்டம்’, `தாயுமானவர்’, `அன்புக் கரங்கள்’ என்று பல்வேறு திட்டங்களின் பயனாளிகள் எல்லாம் ஆவலோடு இந்த அரசு என்ன செய்யப் போகிறது என்று காத்துக் கொண்டிருக்கிறார்கள்.
அதனால் நான் உங்களிடம் கேட்டுக் கொள்வது, முதலமைச்சர் அவர்கள் பதவியேற்ற போது, தன் முதல் உரையில் அவகாசம் வேண்டும் என்று கேட்டீர்கள், நிச்சயம் அவகாசம் எடுத்துக் கொள்ளுங்கள். ஆனால், காத்துக் கொண்டிருக்கின்ற அனைவரையும் நீண்ட காலம் காக்க வைத்து
விடாதீர்கள்.
கவர்ச்சியான வாக்குறுதிகள்!
அது மட்டுமல்ல, தேர்தலுக்கு முன்பு பல கவர்ச்சியான வாக்குறுதி களையும் நீங்கள் கொடுத்திருக்கிறீர்கள். மக்கள்அதையும் ஞாபகம்
வைத்திருக்கிறார்கள்.
மகளிருக்கு மாதம் 2,500 ரூபாய், ஆண்டுக்கு 6 சிலிண்டர், தங்கச் செயின், மோதிரம், பட்டுப் புடவை, வேலையில்லா இளைஞர்களுக்கு உதவித்தொகை என்று அந்தப் பட்டியலும் நீண்டு கொண்டிருக்கிறது. பெரிய லிஸ்டுதான்.
அதில் ஒரு சில வாக்குறுதிகளை யாவது, முதல் கையெழுத்தில் நீங்கள் நிறைவேற்றுவீர்கள் என்று மக்கள் எதிர்பார்த்தார்கள். நீங்கள் வாக்குறுதிகளைச் சொல்லும் பொழுது நடை
முறைக்குச் சாத்தியமானவற்றை
மட்டும்தான் சொல்கிறேன் என்று எல்லா கூட்டத்திலும் திரும்பத் திரும்பச் சொல்லி இருக்கிறீர்கள். எனவே, அதை விரைந்து செய்து காட்டுங்கள்.
பொருளாதார வளர்ச்சியில்
முதல் மாநிலமாக்கியவர் தலைவர்!
இந்த நேரத்தில், எங்கள் திராவிட மாடல்ஆட்சியைப் பற்றி ஒன்றே ஒன்றை மட்டும் குறிப்பிட விரும்பு
கிறேன். நாங்கள் ஆட்சிக்கு வரும்போது 2021 கடுமையான கோவிட் பெருந்தொற்று செகண்ட் வேவ் காலம் நடந்துகொண்டு இருந்தது. அப்போது மாநிலத்தின் பொருளாதார வளர்ச்சி எவ்வளவு தெரியுமா? வெறும் 0.7
சதவிகிதம். அந்த நிலைமையிலும்
எங்கள் தலைவர் முதலமைச்சர் அவர்கள் முதல் கையெழுத்திலேயே
மகளிர்க்கு விடியல் பயணம் திட்டத்தைக் கொடுத்தார். முதல் நாளே எல்லா குடும்பங்களுக்கும் 4,000 ரூபாய் கொரோனா நிவாரணத் தொகையை லாக்டவுன் காரணமாக முதலமைச்சர் கொடுத்தார்.
ஆவின் பால் விலை குறைப்பு வரை, முதல் நாளே ஐந்து கோப்பு களில் கையெழுத்திட்டார். ஒரே மாதத்தில் தேர்தல் அறிக்கையில் சொன்னது மாதிரி, பெட்ரோல் விலையை லிட்டருக்கு மூன்று ரூபாய் குறைப்பதற்கான உத்தரவையும், எங்கள் முதலமைச்சர் போட்டார். இப்படி கடுமையாக உழைத்ததால்தான், ஐந்தாண்டுகள் முடிவில் இன்றைக்கு இந்தியா விலேயே பொருளாதார வளர்ச்சியில், நம்பர்-ஒன் மாநிலமாக தமிழ்நாட்டை எங்களுடைய தலைவர் மாற்றிக்
காட்டியிருக்கிறார்.
மக்கள் உணர்வினை
வெளிப்படுத்த வெளிநடப்பு!
நாங்கள் நம்பர்-ஒன் மாநிலமாக மாற்றி விட்டுத்தான், ஆட்சியை விட்டுச் சென்றிருக்கிறோம். உங்கள் ஆட்சியைப் பொருத்தவரைக்கும், வெறும் `இன்ஸ்டாகிராம்ல ரீல்ஸ் ஆட்சி’யாக இல்லாமல், ரியல் ஆட்சியாக நடத்துங்கள். அது மட்டும்தான் மக்களின் கோரிக்கை.
எங்களின் தலைவர், திராவிட முன்னேற்றக் கழகத்தின் தலைவர் முத்துவேல் கருணாநிதி ஸ்டாலின் அவர்களின் கட்டளையின்படி, நீங்கள் ஆட்சியைத் தொடர, நாங்கள் தடையாக இருக்க விரும்பவில்லை. அந்த வகையில், பேரவையிலிருந்து நாங்கள் வெளிநடப்பு செய்கிறோம்.
இவ்வாறு எதிர்க்கட்சித் தலைவர் உதயநிதி ஸ்டாலின் அவர்கள் உரையாற்றினார்.