சென்னை, மே 15–

ஈரோட்­டில், ஆதித் தமி­ழர் பேரவை நிறு­வ­னர் தலை­வர் இரா. அதி­ய­மான் தலை­மை­யில் ஆதித்­த­மி­ழர் பேர­வை­யின் சிறப்பு மாநில செயற்­குழு கூட்­டம் 11.05.2026 அன்று எழுச்­சி­யு­டன் நடை­பெற்­றது. இக்­கூட்­டத்­தில் பொதுச் செய­லா­ளர் கோவை.ரவிக் கு­மார், துனைப் பொதுச்­செ­ய­லா­ளர்­கள் ஏடி­ஆர்.சந்­தி­ரன்,தமி­ழ­ரசு, மாநில அமைப்பு துனை செய­லா­ளர் தோழர் மா.ஈழ­வேந்­தன், மாநில மக­ளிர் அணி செய­லா­ளர் தோழர் கௌ சல்யா காந்தி மற்­றும் கட்­சி­யின் முக்­கிய நிர்­வா­கி­கள் கலந்­து­கொண்­ட­னர். விளிம்­பு­நிலை மக்­க­ளின் உரி­மை­களை மீட்­டெ­டுக்­க­வும், தமிழ்­நாட்­டின் தற்­போ­தைய அர­சி­யல் சூழ­லைச் சீர்­தூக்­கிப் பார்த்­தும் பின்­வ­ரும் முக்­கி­யத் தீர்­மா­னங்­கள் ஒரு­ம­ன­தாக நிறை­வேற்­றப் பட்ட தீர்­மா­னங்­கள் வரு­மாறு:

தீர்­மா­னம் 1:

உச்­ச­நீ­தி­மன்­றத்­தின் வர­லாற்­றுச் சிறப்­பு­மிக்­கத் தீர்ப்­பின் அடிப்­ப­டை­யில், தமிழ்­நாட்­டில் பட்­டி­யல் சமூக இட ஒதுக்­கீட்டை முறை­யாக வகைப்­ப­டுத்த (Sub-categorization) வேண்­டும் எனப் புதி­தா­கப் பொறுப்­பேற்­றுள்ள விஜய் தலை­மை­யி­லான அரசை ஆதித்­த­மி­ழர் பேரவை வலி­யு­றுத்­து­கி­றது.

தீர்­மா­னம் 2:

அருந்­த­தி­யர் உள்­ளிட்ட ஒடுக்­கப்­பட்ட மக்­க­ளின் சமூக மற்­றும் பொரு­ளா­தார மேம்­பாட்­டினை உறுதி செய்ய, அவர்­க­ளுக்­கெ­னத் தனித்­து­வ­மான ‘’சிறப்பு உட்­கூறு திட்­டத்தை” (Special Component Plan) இந்த அரசு முறை­யா­கச் செயல்­ப­டுத்த வேண்­டும்.

தீர்­மா­னம் 3:

தமி­ழக வெற்றி கழ­கத்­­தலை­வர் விஜய் முத­ல­மைச்­சர் பத­வி­யேற்பு விழா­வில், தமி­ழக மரபை மீறி, தமிழ்த்­தாய் வாழ்த்தை மூன்­றா­வ­ தா­கப் பாடிப் புறக்­க­ணி த்­ததை இந்­தச் செயற்­குழு வன்­மை­யா­கக் கண்­டிக்­கி­றது. இது தமிழ்­நாட்­டின் பண்­பாட்டு மர­பிற்கு எதி­ரா­னது.

தீர்­மா­னம் 4:

திமுக கூட்­ட­ணி­யில் இருந்து கொண்டு, தற்­போது தவெக அர­சுக்கு ஆத­ரவு அளிக்­கும் இட­து­சாரி கட்­சி­கள் மற்­றும் விடு­த­லைச் சிறுத்­தை­கள் கட்­சி­யின் நிலைப்­பாடு ஒரு சந்­தர்ப்­ப­வாத அர­சி­ய­லா­கும். இது முற்­போக்­குக் கூட்­ட­ணி­யின் நம்­ப­கத்­தன்­மை­யைக் குலைக்­கும் என்­ப­தால், இக்­கட்­சி­கள் தங்­கள் ஆத­ரவை மறு­ப­ரி­சீ­லனை செய்ய வேண்­டும்.

தீர்­மா­னம் 5:

திரா­விட முன்­னேற்­றக்கழ­கம் என்­பது ஒடுக்­கப்­பட்ட மக்­க­ளின் உரி­மைக் கோட்டை. சமூக நீதிக் கொள்­கை­களை அடித்­தட்டு மக்­கள் வரை கொண்டு சேர்த்த பெருமை திமு­க­வையே சாரும். நடந்து முடிந்த தேர்­த­லில் திமுக பின்­ன­டை­வைச் சந்­தித்­தி­ருந்­தா­லும், ஆதித்­த­மி­ழர் பேரவை என்­றும் திமு­க­வின் உற்­றத் துணை­யா­க­வும், போர்­வா­ளா­க­வும் களத்­தில் நிற்­கும்.எமது உறவு தேர்­தல் சார்ந்­தது அல்ல; கொள்கை ரீதி­யா­னது. அருந்­த­தி­யர் மக்­க­ளின் வாழ்­வா­தா­ரத்தை உயர்த்­திய ‘திரா­விட மாடல்’ ஆட்­சியை தந்த தள­பதி முக.ஸ்டாலின் அவர்­க­ளு­டன் ஆதித் தமி­ழர் பேரவை உறு­தி­யு­டன் துனை நிற்­கும் சமூக நீதி­யைக் காக்க... தலை­வர் தள­பதி ஸ்டாலின் அவர்­க­ளின் கரங்­களை வலுப்­ப­டுத்­து­வோம்! மீண்­டும் திரா­வி­ டத்­தின் குரல் ஓங்கி ஒலிக்­கச் செய்­தி­டத் தொடர்ந்து பணி­யாற்­று­வோம் என இச்­செ­யற்­கு­ழு­வில் உறுதி ஏற்­கப்­பட்­டது.

இவ்­வாறு தீர்­மா­னங்­கள் நிறை­வேற்­றப்­பட்­டன.