திருவனந்தபுரம், மே 15–

கேரளத்தின் முதலமைச்சராக வி.டி.சதீசன் தேர்வு செய்யப்பட்டுள்ளார். கே.சி.வேணுகோபாலை முதலமைச்சராக்கும் ராகுல் காந்தியின் முயற்சி தோல்வியடைந்தது.

கேரள சட்டப்பேரவை தேர்தலில் காங்கிரஸ் கூட்டணி வெற்றிபெற்றால் ஒரு சில நாட்களிலேயே முதல்வரை தேர்வு செய்து விடுவோம் என்று தேர்தலுக்குமுன், காங்கிரஸ் தலைவர்கள் கூறினர். ஆனால், வெற்றிபெற்று 10 நாட்கள் கடந்த பின்னரும் முதல்வரை தேர்வு செய்ய முடியாத அளவுக்கு காங்கிரஸ் கட்சியில் சிக்கல் ஏற்பட்டது. முதல்வர் பதவிக்க வி.டி.சதீசனுக்கும், ரமேஷ் சென்னித்தலாவுக்கும், எம்.பி. கே.சி.வேணுகோபாலுக்கும் இடையே கடும் போட்டி ஏற்பட்டது. காங்கிரஸ் எம்.பி.யான கே.சி.வேணுகோபாலை முதலமைச்சராக்க ராகுல் காந்தி முயற்சித்தார். ஆனால், தேர்தலில் போட்டியிடாத கே.சி.வேணுகோபாலை முதலமைச்சராக்க முயற்சிப்பதற்கு கட்சிக்குள் கடும் எதிர்ப்பு கிளம்பியது. இந்நிலையில், எதிர்ப்புக்கு பணிந்த காங்கிரஸ் கட்சி, வி.டி.சதீசனை கேரள முதலமைச்சராக தேர்வு செய்து அறிவித்துள்ளது. இதனிடையே, கே.சி.வேணுகோபாலை, கேரள மாநில முதலமைச்சராக்கும் ராகுல் காந்தியின் முயற்சி தோல்வியடைந்தது குறிப்பிடத்தக்கது.