சேலம், மே 16–
சேலம் மத்திய மாவட்டத்திற்கு உட்பட்ட மேற்கு சட்டமன்ற தொகுதியில் உள்ள தி.மு.க. நிர்வாகிகளுடான ஆலோசனை கூட்டம் மாவட்ட தி.மு.க. அலுவலகமான கலைஞர் மாளிகையில் நடைபெற்றது.
சேலம் மத்திய மாவட்ட தி.மு.க. செயலாளரும், முன்னாள் அமைச்சருமான ராஜேந்திரன் தலைமையில் நடைபெற்ற இந்த கூட்டத்தில் மேற்கு தொகுதியில் உள்ள பகுதி செயலாளர்கள், வார்டு செயலாளர்கள் மற்றும் தி.மு.க. நிர்வாகிகள் கலந்து கொண்டனர்.
கூட்டத்தில் முன்னாள் அமைச்சர் ராஜேந்திரன் பேசும் போது, தமிழ்நாட்டில் சமூக வலைதளங்களில் வந்த தகவலை நம்பி பொதுமக்கள் ஏமாந்து உள்ளனர் என்றும், வரும் 6 மாதத்தில் மக்கள் தங்களது தவறை உணர்வார்கள் என்று பேசிய அவர், நடைமுறைக்கு ஒவ்வாத வாக்குறுதிகளை கொடுத்து மக்களை ஏமாற்றி உள்ளதாக பேசிய அவர் வெற்றி வாய்ப்பை இழந்தாலும் மக்களுக்கான பணிகளில் தொடர்ந்து ஈடுபட வேண்டும் என்றும் மக்களோடு தி.மு.க. நிற்கும் என்பதனை உறுதிப்படுத்தும் வகையில் மக்களுக்கான தேவையை செயல்படுத்தும் பணியில் ஈடுபட வேண்டும் என்று கேட்டுக் கொண்ட அவர் அடுத்து வரும் உள்ளாட்சி தேர்தலில் திமுக வெற்றிக்காக பாடுபட வேண்டும் என்றும் கேட்டு கொண்டார்.
கூட்டத்தில் மத்திய மாவட்ட பொருளாளர் கார்த்திகேயன், சேலம் மாநகர செயலாளர் ரகுபதி தலைமை செயற்குழு உறுப்பினர் ராஜேந்திரன் உள்ளிட்ட பலரும் கலந்து கொண்டனர்